18 ಆಕ್ಸಿಜನ್ ಘಟಕ ಸ್ಥಾಪಿಸಲು ಮುಂದಾದ ರಿಯಲ್ ಹೀರೋ ಸೋನು ಸೂದ್

ದೇಶದ ವಿವಿಧ ಕಡೆ ಆಕ್ಸಿಜನ್ ಘಟಕ ಸ್ಥಾಪನೆ

ಕೊರೊನಾ ಎರಡನೇ ಅಲೆ ಹೆಚ್ಚಾದ ಸಮಯದಲ್ಲಿ ಉಂಟಾದ ಆಕ್ಸಿಜನ್ ಸಮಸ್ಯೆ ಹೋಗಲಾಡಿಸಲು ಸೋನು ಸೂದ್ ಹರಸಾಹಸ ಪಡುತ್ತಿದ್ದಾರೆ. ದೇಶಕ್ಕೆ ಆಕ್ಸಿಜನ್ ಅವಶ್ಯಕತೆ ತುಂಬಾ ಇದೆ ಎಂದು ತಿಳಿದಿರುವ ರಿಯಲ್ ಹೀರೋ ಇದೀಗ ದೇಶದ ವಿವಿಧ ಕಡೆಗಳಲ್ಲಿ ಆಕ್ಸಿಜನ್ ಘಟಕ ಸ್ಥಾಪಿಸಲು ಮುಂದಾಗಿದ್ದಾರೆ.

18 ಆಕ್ಸಿಜನ್ ಸ್ಥಾವರ ಸ್ಥಾಪನೆ ಸಿದ್ಧತೆ

ದೇಶದ ವಿವಿಧ ರಾಜ್ಯಗಳಲ್ಲಿ 18 ಆಕ್ಸಿಜನ್ ಸ್ಥಾವರಗಳನ್ನು ಸ್ಥಾಪಿಸುತ್ತಿದ್ದಾರೆ. ಈಗಾಗಲೇ ಆಂಧ್ರ ಪ್ರದೇಶದ ಕರ್ನೂಲ್ ಮತ್ತು ನಲ್ಲೂರು ಹಾಗೂ ಕರ್ನಾಟಕದ ಮಂಗಳೂರಿನಲ್ಲಿ ಈಗಾಗಲೇ ಆಕ್ಸಿಜಕ್ ಘಟಕ ಕಾರ್ಯ ಪ್ರಾರಂಭವಾಗಿದೆ. ಶೀಘ್ರದಲ್ಲೇ ಉಳಿದ ಕಡೆ, ತಮಿಳುನಾಡು, ಕರ್ನಾಟಕ, ಪಂಜಾಬ್, ರಾಜಸ್ಥಾನ, ತೆಲಂಗಾಣ, ಬಿಹಾರ್, ಮಹಾರಾಷ್ಟ್ರ ಉತ್ತರ ಪ್ರದೇಶ ಸೇರಿದಂತೆ ಇನ್ನೂ ಅನೇಕ ಕಡೆ ಸ್ಥಾಪಿಸಲು ಸಿದ್ಧತೆ ನಡೆಯುತ್ತಿದೆ.

ಸಾಧ್ಯವಾದಷ್ಟು ಕಡೆ ಆಕ್ಸಿಜನ್ ಘಟಕ ಸ್ಥಾಪಿಸುತ್ತಿದ್ದೇವೆ

ಈ ಬಗ್ಗೆ ಮಾತನಾಡಿರುವ ಸೋನು ಸೂದ್, 'ಕಳೆದ ಕೆಲವು ತಿಂಗಳುಗಳಲ್ಲಿ ನಾವೆಲ್ಲರೂ ಎದುರಿಸಿದ ದೊಡ್ಡ ಸಮಸ್ಯೆ ಆಮ್ಲಜನಕ ಮತ್ತು ಅದರ ಲಭ್ಯತೆ. ಆಮ್ಲಜನಕ ಸಮಸ್ಯೆ ನಿರ್ಮೂಲನೆ ಮಾಡಲು ಏನು ಮಾಡಬೇಕೆಂದು ನಮ್ಮ ತಂಡ ಈಗಾಗಲೇ ಪ್ಲಾನ್ ಮಾಡಿದ್ದು, ಸಾಧ್ಯವಾದಷ್ಟು ಕಡೆ ಆಮ್ಲಜನಕ ಸ್ಥಾವರಗಳನ್ನು ಸ್ಥಾಪಿಸಲು ನಿರ್ಧರಿಸಿದೆವು' ಎಂದಿದ್ದಾರೆ.

ಆಮ್ಲಜನಕ ಕೊರತೆಯಿಂದ ಯಾರು ಸಾಯಬಾರದು

'ವಿಶೇಷವಾಗಿ ಈ ಆಕ್ಸಿಜನ್ ಸ್ಥಾವರಗಳನ್ನು ಬಡ ಜನರಿಗೆ ಉಚಿತ ಚಿಕಿತ್ಸೆ ನೀಡುವ ಆಸ್ಪತ್ರೆಗಳಲ್ಲಿ ಸ್ಥಾಪಿಸಲಾಗುವುದು. ಆಮ್ಲಜನಕ ಸ್ಥಾವರ ಸ್ಥಾಪನೆ ಮಾಡುವ ಉದ್ದೇಶ ದೇಶದಲ್ಲಿ ಆಮ್ಲಜನಕದಂತ ಮೂಲಭೂತ ಅವಶ್ಯಕತೆಯ ಕೊರತೆಯಿಂದ ಒಬ್ಬ ವ್ಯಕ್ತಿಯ ಸಾಯಬಾರದು ಎನ್ನುವುದು' ಎಂದು ಸೋನು ಸೂದ್ ಹೇಳಿದ್ದಾರೆ.

Recommended Video

ದರ್ಶನ್ ಮನವಿಗೆ ಸ್ಪಂದಿಸಿದ ಉಪೇಂದ್ರ | Darshan | Filmibeat Kannada

3ನೇ ಅಲೆ ಬಗ್ಗೆ ಹೇಳಿದ್ದೇನು?

ಇನ್ನೂ 3ನೇ ಅಲೆ ಬಗ್ಗೆ ಮಾತನಾಡಿದ ಸೋನು ಸೂದ್, ಇದು ಆಮ್ಲಜನಕ ಸಮಸ್ಯೆಯನ್ನು ಶಾಶ್ವತವಾಗಿ ಪರಿಹರಿಸುತ್ತಿದೆ. ಈ ಆಕ್ಸಿಜನ್ ಘಟಕಗಳು ಅನೇಕ ವರ್ಷಗಳು ಆಕ್ಸಿಜನ್ ನೀಡುತ್ತದೆ. ಯಾಕೆ 3ನೇ ಮತ್ತು 4ನೇ ಅಲೆ ಕಾಯಬೇಕು. ಹಳ್ಳಿಗಳಿಗೂ ಆಕ್ಸಿಜನ್ ಒದಗಿಸುತ್ತದೆ' ಎಂದು ಸೋನು ಸೂದ್ ಹೇಳಿದ್ದಾರೆ. ಮುಂದಿನ ತಿಂಗಳಿಂದಲೇ ಈ ಸ್ಥಾವರಗಳು ಕಾರ್ಯನಿರ್ವಹಿಸಲಿವೆ ಎಂದು ಸೋನು ಸೂದ್ ಹೇಳಿದ್ದಾರೆ.