ಬಚ್ಚನ್ ಬಹುರಾಣಿಗೆ ಹೃದಯಸ್ಪರ್ಶಿ ಪತ್ರ ಬರೆದ ಹಿರಿಯ ನಟಿ ರೇಖಾ

ಹರಿಯುವ ನದಿಯಂತೆ

''ನನ್ನ ಐಶ್,

ಸಾಮರಸ್ಯದಿಂದ ಬದುಕುವ ನಿನ್ನಂಥ ಉತ್ಸಾಹಭರಿತ ಮಹಿಳೆ ಹರಿಯುವ ನದಿಯಂತೆ. ಯಾವತ್ತಿಗೂ ನಿಂತ ನೀರಲ್ಲ. ತೋರಿಕೆ ಇಲ್ಲದೆ ತನಗೆ ಬೇಕಾದ ಕಡೆಗೆ ಹೋಗುವ, ಗುರಿ ತಲುಪುವ, ಎಂದಿಗೂ ತನ್ನತನ ಬಿಟ್ಟುಕೊಡದ ಗಟ್ಟಿಗಿತ್ತಿ''

ಜನರು ಮರೆಯಲು ಸಾಧ್ಯವಿಲ್ಲ

''ನೀನು ಏನು ಹೇಳಿದೆ, ಏನು ಮಾಡಿದೆ ಎಂಬುದನ್ನ ಜನ ಮರೆಯಬಹುದು. ಆದ್ರೆ, ನೀನು ಮೂಡಿಸಿರುವ ಭಾವನೆಯನ್ನ ಜನರು ಮರೆಯಲು ಸಾಧ್ಯವೇ ಇಲ್ಲ. ಎಲ್ಲ ಸದ್ಗುಣಗಳಿಗೆ ಧೈರ್ಯ ಮುಖ್ಯ ಎಂಬುದಕ್ಕೆ ಜೀವಂತ ಉದಾಹರಣೆ ನೀನು. ಯಾಕಂದ್ರೆ, ಧೈರ್ಯ ಇಲ್ಲದೆ ಇದ್ದರೆ ಯಾವುದೇ ಸದ್ಗುಣ ಪಾಲಿಸಲು ಸಾಧ್ಯವಿಲ್ಲ''

ನಿನಗೆ ನೀನೇ ಸರಿಸಾಟಿ

''ನಿನ್ನ ಅಗಾಧ ಸ್ಥೈರ್ಯ ಹಾಗೂ ನಿಷ್ಕಲ್ಮಷವಾದ ಶಕ್ತಿ ನೀನು ಮಾತನಾಡುವ ಮೊದಲೇ ನಿನ್ನನ್ನು ಪರಿಚಯ ಮಾಡಿಕೊಡುತ್ತದೆ. ನಿನಗೆ ಇಷ್ಟವಾದ್ದುದ್ದನ್ನು ನೀನು ಎಷ್ಟು ಚೆನ್ನಾಗಿ ಮಾಡಿದೆ ಅಂದರೆ, ಜನರೂ ಅದರಿಂದ ಆಕರ್ಷಿತರಾದರು. ನಿನಗೆ ನೀನೇ ಸರಿಸಾಟಿ. ಅದನ್ನ ಯಾರಿಗೂ ಸಾಬೀತು ಪಡಿಸುವ ಅವಶ್ಯಕತೆ ಇಲ್ಲ''

ಪದಗಳಲ್ಲಿ ವರ್ಣಿಸಲು ಅಸಾಧ್ಯ

''ಕಷ್ಟದ ಹಾದಿಯಲ್ಲಿ ಫೀನಿಕ್ಸ್ ನಂತೆ ಎದ್ದು ಬಹಳ ದೂರ ಸಾಗಿ ಬಂದಿದ್ದೀಯಾ ಬೇಬಿ.. ಚಂದ್ರಮುಖಿಯಂತಿರುವ ನಿನ್ನ ನಾ ನೋಡಿದ ಕ್ಷಣ, ಪಟ್ಟಿರುವ ಹೆಮ್ಮೆಯನ್ನ ಪದಗಳಲ್ಲಿ ವರ್ಣಿಸಲು ಅಸಾಧ್ಯ''

ಎರಡು ದಶಕಗಳು - ವಾವ್!

''ಯಾವುದೇ ಪಾತ್ರ ಕೊಟ್ಟರೂ, ನಿನ್ನ ಕೈಯಿಂದ ಸಾಧ್ಯವಾದಷ್ಟು ಅತ್ಯುತ್ತಮವಾಗಿಯೇ ನಿಭಾಯಿಸಿದ್ದೀಯಾ. ಆದ್ರೆ, ಅವೆಲ್ಲಕ್ಕಿಂತಲೂ ಅತ್ಯುತ್ತಮವಾದದ್ದು ಸದ್ಯ ಆರಾಧ್ಯಗಾಗಿ ನೀನು ನಿಭಾಯಿಸುತ್ತಿರುವ ಅಮ್ಮನ ಪಾತ್ರ. ಐಶ್ವರ್ಯ ರೈ ಬಚ್ಚನ್ ಗೆ ಎರಡು ದಶಕಗಳು - ವಾವ್! ಲವ್ ಯೂ...'' - ರೇಖಾ ಮಾ