2 ಬ್ಯಾಗ್ ಗಾಂಜಾಗೆ 17 ಸಾವಿರ: ರಿಯಾ ಚಕ್ರವರ್ತಿ ವಾಟ್ಸಪ್ ಸಂದೇಶ ಬಹಿರಂಗ

ಸುಶಾಂತ್ ಮನೆಯ ವ್ಯವಸ್ಥಾಪಕನ ಜೊತೆ ರಿಯಾ ಚಾಟ್

ಡ್ರಗ್ಸ್ ವಿಚಾರವಾಗಿ ರಿಯಾ ಅನೇಕರ ಜೊತೆ ಚಾಟ್ ಮಾಡಿದ್ದಾರೆ. ಇದೀಗ ರಿಯಾ ಅವರ ವಾಟ್ಸಪ್ ಚಾಟ್ ನಿಂದ ಮತ್ತೊಂದು ಮಾಹಿತಿ ಬಹಿರಂಗವಾಗಿದೆ. ರಿಯಾ ಮತ್ತು ಸುಶಾಂತ್ ಸಿಂಗ್ ಮನೆಯ ವ್ಯವಸ್ಥಾಪಕ ಸ್ಯಾಮ್ಯುಯೆಲ್ ಮಿರಾಂಡಾ ನಡುವಿನ ವಾಟ್ಸಪ್ ಚಾಟ್ ಎಲ್ಲರಿಗೂ ಶಾಕ್ ನೀಡಿದೆ.

2 ಬ್ಯಾಗ್ ಗಾಂಜಾಗೆ 17 ಸಾವಿರ?

ಖಾಸಗಿ ವಾಹಿಯೊಂದು ವರದಿ ಮಾಡಿರುವ ಪ್ರಕಾರ ರಿಯಾ ಚಕ್ರವರ್ತಿ, ಸುಶಾಂತ್ ಸಿಂಗ್ ಸೇವಕ ದೀಪೇಶ್ ಸಾವಂತ್ ಗೆ ಎರಡು ಬ್ಯಾಗ್ ಗಾಂಜಾಗೆ 17 ಸಾವಿರ ನೀಡಿರುವ ಮಾಹಿತಿ ವಾಟ್ಸಪ್ ಚಾಟ್ ನಿಂದ ಬಹಿರಂಗವಾಗಿದೆ. ಸುಶಾಂತ್ ಸಿಂಗ್ ಮನೆಯ ವ್ಯವಸ್ಥಾಪಕ ಸ್ಯಾಮ್ಯುಯೆಲ್ ಮಿರಾಂಡಾ, ರಿಯಾ ಚಕ್ರವರ್ತಿಗೆ ಡ್ರಗ್ಸ್ ಕಳುಹಿಸಿಕೊಡವಂತೆ ಕೇಳಿಕೊಂಡಿದ್ದಾರೆ. ಈ ಚಾಟ್ ನಲ್ಲಿ 17 ಸಾವಿರ ನೀಡಿರುವುದು ತಿಳಿದಿದೆ.

NCB ಅಧಿಕಾರಿಗಳ ತನಿಖೆ

ಸುಶಾಂತ್ ಸಾವಿನ ಪ್ರಕರಣದ ತನಿಖೆಯಿಂದ ದಿನಕ್ಕೊಂದು ಸ್ಫೋಟಕ ಮಾಹಿತಿ ಹೊರಬರುತ್ತಿದೆ. ಇದೀಗ NCB (ಮಾದಕ ವಸ್ತು ನಿಯಂತ್ರಣ ಇಲಾಖೆ) ಅಧಿಕಾರಿಗಳು ರಿಯಾ ವಿರುದ್ಧ ಹೊಸ ಪ್ರಕರಣ ದಾಖಲಿಸಿಕೊಂಡಿದ್ದು, ಡ್ರಗ್ಸ್ ಜಾಲದ ಸುತ್ತ ತನಿಖೆ ಪ್ರಾರಂಭಿಸಿದ್ದಾರೆ. ಇದಕ್ಕಾಗಿ ವಿಶೇಷ ತಂಡ ರಚನೆ ಮಾಡಲಾಗಿದ್ದು, ಡ್ರಗ್ಸ್ ಎಲ್ಲಿಂದ ಬರುತ್ತಿತ್ತು, ಯಾರಿಗೆಲ್ಲ ಸಪ್ಲೈ ಆಗುತ್ತಿತ್ತು ಎನ್ನುವ ಬಗ್ಗೆ ಸಂಪೂರ್ಣ ತನಿಖೆ ಪ್ರಾರಂಭಿಸಿದ್ದಾರೆ.