'ಸಂಜು': ಪುತ್ರ ರಣ್ಬೀರ್ ನಟನೆ ಕಂಡು ಹೆಮ್ಮೆ ಪಟ್ಟ ತಂದೆ ರಿಶಿ ಕಪೂರ್

ಆಗಸದಲ್ಲಿ ಹಾರುತ್ತಿರುವ ರಿಶಿ ಕಪೂರ್

''ಚಿಯರ್ಸ್ ರಣ್ಬೀರ್.! ನಿನ್ನ ತಂದೆ-ತಾಯಿ ಎಷ್ಟು ಹೆಮ್ಮೆ ಪಡುತ್ತಿದ್ದಾರೆ ಅನ್ನೋದು ನಿನಗಿನ್ನೂ ಗೊತ್ತಿಲ್ಲ. ದೇವರ ಆಶೀರ್ವಾದ ನಿನ್ನ ಮೇಲಿರಲಿ. ಇನ್ನೂ ಒಳ್ಳೊಳ್ಳೆಯ ಕೆಲಸಗಳನ್ನು ಮಾಡು'' ಎಂದು ರಿಶಿ ಕಪೂರ್ 'ಸಂಜು' ಸಿನಿಮಾ ನೋಡಿದ್ಮೇಲೆ ಟ್ವೀಟ್ ಮಾಡಿದ್ದಾರೆ.

ರಣ್ಬೀರ್ ಕಪೂರ್ ಗೆ ಖುಷಿಯೋ ಖುಷಿ.!

''ನನ್ನ ತಂದೆ ನನ್ನನ್ನ ಹೊಗಳುವುದಿಲ್ಲ'' ಎಂದು ಅನೇಕ ಸಂದರ್ಶನಗಳಲ್ಲಿ ಹೇಳಿಕೊಂಡಿರುವ ರಣ್ಬೀರ್ ಕಪೂರ್, ತಮ್ಮ ತಂದೆ ಮಾಡಿರುವ ಈ ಟ್ವೀಟ್ ನೋಡಿದ್ರೆ ಖಂಡಿತ ಖುಷಿ ಪಡದೇ ಇರಲ್ಲ.

ಭಾವುಕರಾಗಿದ್ದ ರಿಶಿ ಕಪೂರ್

'ಸಂಜು' ಸಿನಿಮಾದ ಟ್ರೈಲರ್ ನೋಡಿದ್ಮೇಲೆ, ''ರಣ್ಬೀರ್ ಮೇಲೆ ನನಗೆ ಹೆಮ್ಮೆ ಆಗುತ್ತಿದೆ. ನೀತು ಹಾಗೂ ರಣ್ಬೀರ್ ಮೇಲಾಣೆ... ನನಗದು ರಣ್ಬೀರ್ ಅಂತ ಅನಿಸಲೇ ಇಲ್ಲ. ಸಂಜಯ್ ದತ್ ಎಂದುಕೊಂಡಿದ್ದೆ'' ಎಂದು ಭಾವುಕರಾಗಿ ಮಾತನಾಡಿದ್ದರು ರಿಶಿ ಕಪೂರ್.

ದಾಖಲೆ ಬರೆಯುತ್ತಿರುವ 'ಸಂಜು'

ಪ್ರೇಕ್ಷಕರಿಂದ ಉತ್ತಮ ಪ್ರತಿಕ್ರಿಯೆ ಪಡೆದುಕೊಂಡಿರುವ 'ಸಂಜು' ಸಿನಿಮಾ ಕಲೆಕ್ಷನ್ ನಲ್ಲಿ ದಾಖಲೆ ಬರೆಯುತ್ತಿದೆ. 'ಸಂಜು' ಮುನ್ನುಗ್ಗುತ್ತಿರುವ ರೀತಿ ನೋಡಿದ್ರೆ, ಹಿಂದಿನ ಎಲ್ಲ ರೆಕಾರ್ಡ್ ಗಳನ್ನು ಧೂಳಿಪಟ ಮಾಡುವಂತಿದೆ.