ಮಗನ ಹೆಸರು ಬದಲಿಸುವ ಬಗ್ಗೆ ಕರೀನಾಗೆ ಪತ್ರ ಬರೆದಿದ್ದ ಸೈಫ್ ಅಲಿ ಖಾನ್

ನಟ ಸೈಫ್ ಅಲಿ ಖಾನ್, ಕರೀನಾ ಕಪೂರ್ ದಂಪತಿ ಎರಡು ದಿನಗಳ ಹಿಂದಷ್ಟೆ ತಮ್ಮ ಎರಡನೇ ಮಗುವನ್ನು ಸ್ವಾಗತಿಸಿದ್ದಾರೆ. ಕರೀನಾ ಕಪೂರ್ ಗಂಡು ಮಗುವಿಗೆ ಜನ್ಮ ನೀಡಿದ್ದಾರೆ.

ಸೈಫ್-ಕರೀನಾ ರ ಮೊದಲ ಮಗು ತೈಮೂರ್ ವಿಷಯದಲ್ಲಿ ಮಾಡಿದ್ದ ತಪ್ಪನ್ನು ಎರಡನೇ ಮಗುವಿನ ವಿಷಯದಲ್ಲಿ ಮಾಡಬಾರದೆಂದು ನಿರ್ಧಾರ ಮಾಡಿದ್ದಾರೆ ಈ ದಂಪತಿ ಎನ್ನಲಾಗುತ್ತಿದೆ.

ಮೊದಲ ಮಗುವಿಗೆ ತೈಮೂರ್ ಎಂದು ಹೆಸರಿಟ್ಟಾಗ ಸೈಫ್-ಕರೀನಾ ವಿರುದ್ಧ ಮೂದಲಿಕೆಗಳ ಸುರಿಮಳೆಯೇ ಆಗಿತ್ತು. ಯಾವ ಮಟ್ಟಕ್ಕೆ ಸಾಮಾಜಿಕ ಜಾಲತಾಣದಲ್ಲಿ ವಿರೋಧ ವ್ಯಕ್ತಪಡಿಸಲಾಗಿತ್ತೆಂದರೆ, ಆ ಮಗುಗೆ ಏನಾದರೂ ಆಗಿಬಿಡಲಿ ಎಂದು ಸಹ ಕೆಲವರು ಕಮೆಂಟ್‌ಗಳನ್ನು ಹಾಕಿದ್ದರು.

ತೈಮೂರ್ ಒಬ್ಬ ದುಷ್ಟ, ರಕ್ತಿಪಿಪಾಸೂ ರಾಜನ ಹೆಸರು. ಆ ದುಷ್ಟ ದೊರೆಯ ಹೆಸರು ಇಟ್ಟಿದ್ದಕ್ಕೆ ಸೈಫ್-ಕರೀನಾ ಗೆ ಭಾರಿ ವಿರೋಧ ವ್ಯಕ್ತವಾಗಿತ್ತು. ಆದರೆ ಈ ವಿರೋಧವನ್ನು ಸಹಿಸದ ಸೈಫ್, ತಮ್ಮ ಮಗುವಿನ ಹೆಸರು ಬದಲಿಸುವ ಬಗ್ಗೆ ಕರೀನಾ ಗೆ ಪತ್ರ ಬರೆದಿದ್ದರಂತೆ.

ತೈಮೂರ್ ಹೆಸರು ಬದಲಾಯಿಸುವ ನಿರ್ಧಾರ ಕರೀನಾ ಗೆ ತಿಳಿಸಿದಾಗ ಅವರು ವಿರೋಧಿಸಿದ್ದರಂತೆ. ಆ ನಂತರ ಅವರ ಪಿಆರ್ ತಂಡ ಇನ್ನೂ ಕೆಲವರು ಹೆಸರು ಬದಲಿಸುವಂತೆ ಮನವಿ ಮಾಡಿದಾಗಲೂ ಕರೀನಾ ಬೇಡವೆಂದರಂತೆ.

ಕೊನೆಗೆ ಸೈಫ್ ಅಲಿ ಖಾನ್ ಪತ್ರವೊಂದನ್ನು ಕರೀನಾ ಗೆ ಬರೆದರಂತೆ. ಆದರೆ ಕೆಲವು ದಿನಗಳ ನಂತರ ಸೈಫ್ ಸಹ ಹೆಸರು ಬದಲಿಸುವುದು ಬೇಡ ಎಂದುಕೊಂಡು ಸುಮ್ಮನಾದರಂತೆ. ಈ ವಿಷಯವನ್ನು ಈ ಹಿಂದೆ ಒಮ್ಮೆ ಸೈಫ್ ಅಲಿ ಖಾನ್ ಮಾಧ್ಯಮಕ್ಕೆ ನೀಡಿದ ಸಂದರ್ಶನವೊಂದರಲ್ಲಿ ಹೇಳಿದ್ದರು.

Recommended Video

ಇದೀಗ ಎರಡನೇ ಮಗು ಜನನವಾಗಿದ್ದು, ಈ ಬಾರಿ ಭಾರಿ ಎಚ್ಚರಿಕೆಯಿಂದ ಮಗುವಿಗೆ ಹೆಸರಿಡಲಿದ್ದಾರೆ ಸೈಫ್-ಕರೀನಾ ದಂಪತಿ.