'ದಬಾಂಗ್-3' ಮೊದಲ ದಿನದ ಕಲೆಕ್ಷನ್ ಎಷ್ಟು ಗೊತ್ತಾ?

ಮೊದಲ ದಿನದ ಕಲೆಕ್ಷನ್

ದಬಾಂಗ್-3 ಮೊದಲ ದಿನ 24.50 ಕೋಟಿ ಬಾಚಿಕೊಂಡಿದೆ ಎಂದು ಹೇಳಲಾಗುತ್ತಿದೆ. ಬಾಲಿವುಡ್ ಚಿತ್ರ ವಿಶ್ಲೇಷಕ ತರಣ್ ಆದರ್ಶ್ ಮೊದಲ ದಿನದ ಕಲೆಕ್ಷನ್ ವಿವರವನ್ನು ಬಹಿರಂಗ ಪಡಿಸಿದ್ದಾರೆ. ಸಲ್ಮಾನ್ ಖಾನ್ ಸಿನಿಮಾ ಮೊದಲ ದಿನ 24 ಕೋಟಿ ಗಳಿಕೆ ಮಾಡಿದೆ.

ನಿರೀಕ್ಷೆ ಮಟ್ಟ ತಲುಪಲು ವಿಫಲ

ದಬಾಂಗ್-3 ಸಿನಿಮಾ, ಸಲ್ಮಾನ್ ಖಾನ್ ಹಿಂದಿನ ಸಿನಿಮಾ ಕಲೆಕ್ಷನ್ ಗೆ ಹೋಲಿಕೆ ಮಾಡಿದರೆ ದಬಾಂಗ್-3 ಸಿನಿಮಾ ಕಲೆಕ್ಷನ್ ತೀರ ಕಡಿಮೆಯಾಗಿದೆ. ಈ ವರ್ಷ ರಿಲೀಸ್ ಆದ ಭಾರತ್ ಸಿನಿಮಾ ಮೊದಲ ದಿನ ಬರೋಬ್ಬರಿ 40 ಕೋಟಿ ಬಾಚಿಕೊಂಡಿತ್ತು. ಕಳೆದ ವರ್ಷ ರಿಲೀಸ್ ಆದ ರೇಸ್ ಸಿನಿಮಾ 29.17 ಕೋಟಿ ಬಾಚಿಕೊಂಡರೆ, ಟೈಗರ್ ಜಿಂದಾ ಹೈ ಸಿನಿಮಾ 34 ಕೋಟಿ ದೋಚಿಕೊಂಡಿತ್ತು. ಈ ಎಲ್ಲಾ ಸಿನಿಮಾಗಳಿಗೆ ಹೋಲಿಸಿದರೆ ದಬಾಂಗ್-3 ಸಿನಿಮಾ ಕಲೆಕ್ಷನ್ ಕಡಿಮೆಯಾಗಿದೆ.

'ದಬಾಂಗ್-2' 21 ಕೋಟಿ ಬಾಚಿಕೊಂಡಿತ್ತು

7 ವರ್ಷದ ಹಿಂದೆ ರಿಲೀಸ್ ಆಗಿದ್ದ ದಬಾಂಗ್-2 ಸಿನಿಮಾ ಮೊದಲ ದಿನ 21 ಕೋಟಿ ಬಾಚಿಕೊಂಡಿತ್ತು. ಆದರೆ ಮೂರನೆ ಆವೃತ್ತಿಯೂ ಕೂಡ ಹೆಚ್ಚುಕಮ್ಮಿ ಅಷ್ಟೆ ಕಲೆಕ್ಷನ್ ಮಾಡಿದೆ. ಸಲ್ಮಾನ್ ಖಾನ್ ಸಿನಿಮಾಗಳಿಗೆ ಹೋಲಿಸಿದರೆ ದಬಾಂಗ್-3 ಕಲೆಕ್ಷನ್ ತೀರಾ ಕಮ್ಮಿಯಾಗಿದೆ.

ಪ್ರತಿಭಟನೆಯಿಂದ ಸಿನಿಮಾ ಕಲೆಕ್ಷನ್ ಗೆ ಹೊಡೆತ?

ಪೌರತ್ವ ತಿದ್ದುಪಡಿ ಕಾಯಿದೆ ವಿರೋಧಿಸಿ ದೇಶದಾದ್ಯಂತ ಪ್ರತಿಭಟನೆ ಮುಗಿಲು ಮುಟ್ಟಿದೆ. CAA ಮತ್ತು ANR ಗೆ ತೀವ್ರ ವಿರೋಧ ವ್ಯಕ್ತಪಡಿಸಿ ಜನ ಬೀದಿಗಿಳಿದು ಪ್ರತಿಭಟಿಸುತ್ತಿದ್ದಾರೆ. ಸಲ್ಮಾನ್ ಖಾನ್ ದಬಾಂಗ್-3 ಸಿನಿಮಾ ಇದೆ ಸಮಯದಲ್ಲಿ ರಿಲೀಸ್ ಆಗಿರುವುದರಿಂದ ಚಿತ್ರದ ಕಲೆಕ್ಷನ್ ಗೆ ಹೊಡೆತ ಬಿದ್ದಿರಬಹುದು.