ಕೊರೊನಾ ಸಮಯದಲ್ಲಿ ಸುಂದರ ಚಿತ್ರ ಹಂಚಿಕೊಂಡ ಸಲ್ಮಾನ್ ಖಾನ್

ಸಲ್ಮಾನ್ ಹಂಚಿಕೊಂಡಿದ್ದಾರೊಂದು ಚಿತ್ರ

ಇಂಥಹಾ ಕ್ಲಿಷ್ಟಕರ ಸನ್ನಿವೇಶದಲ್ಲಿ ನಟ ಸಲ್ಮಾನ್ ಖಾನ್ ಅವರು ಅದ್ಭುತವಾದ ಚಿತ್ರವೊಂದನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದು, ಈ ಚಿತ್ರ ಲಕ್ಷಾಂತರ ಜನರ ಮನ ಗೆದ್ದಿದೆ. ಸ್ವತಃ ಚಿತ್ರಕಾರರೂ ಆಗಿರುವ ಸಲ್ಮಾನ್ ಕಲಾತ್ಮಕ ಚಿತ್ರವನ್ನು ಚೆನ್ನಾಗಿ ಗುರುತಿಸಬಲ್ಲರು.

ಕೋಮು ಸೌರ್ಹಾರ್ದ ಸಾರುತ್ತಿರುವ ಚಿತ್ರ

ಕೋಮು ಸೌರ್ಹಾರ್ದ ಸಾರುವ ಜೊತೆಗೆ ಕೊರೊನಾ ಸಮಯದಲ್ಲಿ ಜಾಗೃತಿಯನ್ನೂ ಮೂಡಿಸುವ ಚಿತ್ರ ಇದಾಗಿದೆ. ಸಕಲ ಧರ್ಮವನ್ನು ಗೌರವಿಸುವ ಜೊತೆಗೆ ಕೊರೊನಾ ಲಾಕ್‌ಡೌನ್ ಅನ್ನೂ ಪಾಲಿಸುವಂತೆ ಸಲ್ಮಾನ್ ಹಂಚಿಕೊಂಡಿರುವ ಚಿತ್ರ ಸಾರಿ ಹೇಳುತ್ತಿದೆ.

ಇಬ್ಬರು ಭಿನ್ನ ವ್ಯಕ್ತಿಗಳು ದೇವರಿಗೆ ನಮಿಸುತ್ತಿರುವ ದೃಶ್ಯ

ಸಲ್ಮಾನ್ ಖಾನ್ ಹಂಚಿಕೊಂಡಿರುವ ಚಿತ್ರದಲ್ಲಿ ಒಂದೇ ಅಪಾರ್ಟ್‌ಮೆಂಟ್ ಒಂದರಲ್ಲಿ ತನ್ನ ಮನೆಯ ಮುಂದೆ ಹಿಂದು ವ್ಯಕ್ತಿ ದೇವರಿಗೆ ಕೈ ಮುಗಿದಿದ್ದರೆ, ಅದೇ ಮನೆಯ ಕೆಳಗಿನ ಮನೆಯ ಮುಸ್ಲಿಂ ವ್ಯಕ್ತಿ ಅಲ್ಲಾಹುನನ್ನು ನೆನಸುತ್ತಿದ್ದಾನೆ.

ಸಾವಿರಾರು ಮಂದಿ ಲೈಕ್ ಮಾಡಿದ್ದಾರೆ

ಸಲ್ಮಾನ್ ಖಾನ್ ಅವರು ಹಂಚಿಕೊಂಡಿರುವ ಈ ಚಿತ್ರವನ್ನು ಕೆಲವೇ ಗಂಟೆಗಳಲ್ಲಿ ಸಾವಿರಾರು ಮಂದಿ ಲೈಕ್ ಮಾಡಿದ್ದಾರೆ. ಸಾವಿರಾರು ಮಂದಿ ಕಮೆಂಟ್ ಮಾಡಿದ್ದಾರೆ. ರೀಟ್ವೀಟ್ ಸಹ ಮಾಡಿದ್ದಾರೆ. ಸದ್ಯದ ಪರಿಸ್ಥಿತಿಗೆ ಸೂಕ್ತವಾದ ಚಿತ್ರ ಇದಾಗಿದೆ.

ಕೊರೊನಾ ವಿರುದ್ಧ ಹೋರಾಟಕ್ಕೆ ದೇಣಿಗೆ ನೀಡಿರುವ ನಟ

ಸಲ್ಮಾನ್ ಖಾನ್ ಅವರು ಕೊರೊನಾ ವಿರುದ್ಧ ಹೋರಾಟಕ್ಕೆ ಬೆಂಬಲ ನೀಡಿದ್ದಾರೆ. ಹಣ ದೇಣಿಗೆ ನೀಡುವ ಜೊತೆಗೆ ಆಹಾರ, ದಿನಸಿ ಸಾಮಗ್ರಿಗಳನ್ನು ಅವರು ತಮ್ಮ ಫೌಂಡೇಶನ್, 'ಬೀಯಿಂಗ್ ಹ್ಯೂಮನ್' ಮೂಲಕ ನೀಡುತ್ತಿದ್ದಾರೆ.