ಡ್ರಗ್ಸ್ ಪ್ರಕರಣ: ರಕುಲ್ ಮತ್ತು ಸಾರಾ ಅಲಿ ಖಾನ್ ಪರ ನಿಂತ ನಟಿ ಸಮಂತಾ

ಕ್ಷಮಿಸು ರಕುಲ್, ಕ್ಷಮಿಸು ಸಾರಾ ಎಂದ ಸಮಂತಾ

ರಿಯಾ ಅನೇಕರ ಹೆಸರನ್ನು ಹೇಳಿದ್ದಾರೆ ಎನ್ನುವ ಸುದ್ದಿ ಸುಳ್ಳು ಎಂದು ಹೇಳಲಾಗುತ್ತಿದೆ. ರಿಯಾ ಯಾರ ಹೆಸರನ್ನು ಹೇಳಿಲ್ಲ ಎನ್ನುವ ಮಾತು ಕೇಳಿ ಬರುತ್ತಿದೆ. ಎನ್ ಸಿ ಬಿ ನಿರ್ದೇಶಕ ಕೆಪಿಎಸ್ ಮಲ್ಹೋತ್ರ, ರಿಯಾ ಯಾರ ಹೆಸರನ್ನು ಹೇಳಿಲ್ಲ ಎಂದು ಹೇಳಿದ್ದಾರೆ. ಈ ಬಗ್ಗೆ ನಟಿ ಸಮಂತಾ ಕೂಡ ಪ್ರತಿಕ್ರಿಯೆ ನೀಡಿದ್ದಾರೆ. 'ಕ್ಷಮಿಸು ರಕುಲ್, ಕ್ಷಮಿಸು ಸಾರಾ' ಎಂದು ಬರೆದುಕೊಂಡು, ಎನ್ ಸಿ ಬಿ ಅಧಿಕಾರಿ ಹೇಳಿರುವ ಪೋಸ್ಟ್ ಅನ್ನು ಇನ್ಸ್ಟಾಗ್ರಾಮ್ ನಲ್ಲಿ ಶೇರ್ ಮಾಡಿದ್ದಾರೆ.

ರಿಯಾ ಯಾವ ಸ್ಟಾರ್ಸ್ ಹೆಸರನ್ನು ಹೇಳಲಿಲ್ಲ

'ನಾವು ಯಾವುದೇ ಬಾಲಿವುಡ್ ಪಟ್ಟಿಯನ್ನು ಸಿದ್ಧಪಡಿಸಿಲ್ಲ. ಮೊದಲೇ ಸಿದ್ಧಪಡಿಸಿದ ಹೆಸರುಗಳು ಬಾಲಿವುಡ್ ನಲ್ಲಿ ಗೊಂದಲಕ್ಕೀಡು ಮಾಡಿದೆ' ಎಂದು ಕೆಪಿಎಸ್ ಮಲ್ಹೋತ್ರ ಹೇಳಿದ್ದಾರೆ. ರಿಯಾ ಚಕ್ರವರ್ತಿ ಅಧಿಕಾರಿಗಳ ಒತ್ತಡಕ್ಕೆ ಮಣಿದು ಡ್ರಗ್ಸ್ ಬಗ್ಗೆ ಬಾಯಿಬಿಟ್ಟಿರುವುದಾಗಿ ಹೇಳಿದ್ದಾರೆ.

ಸಾರಾ ಮತ್ತು ರಕುಲ್ ಪರ ನಿಂತ ಸ್ಟಾರ್ಸ್

ಇದೀಗ ರಕುಲ್ ಮತ್ತು ಸಾರಾ ಪರವಾಗಿ ಅನೇಕರು ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಮಾಡುತ್ತಿದ್ದಾರೆ. ಕ್ಷಮಿಸು ಸಾರಾ ಮತ್ತು ಕ್ಷಮಿಸು ರಕುಲ್ ಎಂದು ಹ್ಯಾಶ್ ಟ್ಯಾಗ್ ಹಾಕಿ ವೈರಲ್ ಮಾಡುತ್ತಿದ್ದಾರೆ. ಆದರೆ ಈ ಬಗ್ಗೆ ರಕುಲ್ ಆಗಲಿ ಅಥವಾ ಸಾರಾ ಅಲಿ ಖಾನ್ ಆಗಲಿ ಎಲ್ಲಿಯೂ ಪ್ರತಿಕ್ರಿಯೆ ನೀಡಿಲ್ಲ.

Recommended Video

ಪತ್ನಿ Revathi ಕಾಲೆಳೆದ Nikhil Kumaraswamy | Oneindia Kannada

ಟಾಲಿವುಡ್ ಮಂದಿಗೂ ಆತಂಕ

ರಕುಲ್ ಪ್ರೀತ್ ಸಿಂಗ್ ಹೆಸರು ಕೇಳಿ ಬರುತ್ತಿದ್ದಂತೆ ಟಾಲಿವುಡ್ ಮಂದಿಗೂ ಭಯ ಶುರುವಾಗಿದೆ. ರಕುಲ್ ಬಾಲಿವುಡ್‌ ಇಂಡಸ್ಟ್ರಿಗಿಂತ ತೆಲುಗು ಚಿತ್ರರಂಗದಲ್ಲಿ ಹೆಚ್ಚು ತೊಡಗಿಕೊಂಡಿದ್ದಾರೆ. ಹೀಗಾಗಿ, ಡ್ರಗ್ಸ್ ಕರಿ ನೆರಳು ಟಾಲಿವುಡ್ ಗೂ ಬರಲಿದೆಯಾ ಎಂಬ ಆತಂಕ ತೆಲುಗು ಮಂದಿಯನ್ನು ಕಾಡುತ್ತಿದೆ. ಈ ಹಿಂದೆ ತೆಲುಗು ಇಂಡಸ್ಟ್ರಿಯಲ್ಲಿ ಡ್ರಗ್ಸ್ ಜಾಲದ ತನಿಖೆ ಬಹಳ ದೊಡ್ಡ ಮಟ್ಟದಲ್ಲಿ ನಡೆದಿತ್ತು.