'ಸಂಜು' ಚಿತ್ರದಲ್ಲಿ ಸಂಜಯ್ ಮೊದಲ ಪತ್ನಿ ಬಗ್ಗೆ ಉಲ್ಲೇಖ ಯಾಕಿಲ್ಲ.? ಇಲ್ಲಿದೆ ಸತ್ಯ..

ನಾನು ತಾಕೀತು ಮಾಡಿಲ್ಲ.!

''ಇರುವುದೆಲ್ಲವನ್ನೂ ನಾನು ನಿರ್ದೇಶಕರ ಜೊತೆಗೆ ಹಂಚಿಕೊಂಡಿದ್ದೆ. ಇದನ್ನ ಮಾತ್ರ ತೋರಿಸಿ, ಕೆಲವನ್ನ ಬಿಟ್ಟುಬಿಡಿ ಅಂತ ನಾನು ಹೇಳಿಲ್ಲ. ನನ್ನ ಮೊದಲೆರಡು ಮದುವೆಗಳ ಬಗ್ಗೆ ಸಿನಿಮಾದಲ್ಲಿ ತೋರಿಸಬೇಡಿ ಅಂತ ನಾನು ನಿರ್ದೇಶಕರಿಗೆ ತಾಕೀತು ಮಾಡಿಲ್ಲ. ಅವರಿಗೆ ಯಾವುದು ಪ್ರಮುಖ ಅಂತ ಅನಿಸಿದ್ಯೋ, ಅದನ್ನಷ್ಟೇ ತೋರಿಸಿದ್ದಾರೆ. ಎಲ್ಲವನ್ನೂ ತೋರಿಸಿದಿದ್ರೆ, ಚಿತ್ರದ ಅವಧಿ ಹೆಚ್ಚಾಗುತ್ತಿತ್ತು'' ಅಂತ ಸಂಜಯ್ ದತ್ ಹೇಳಿದ್ದಾರೆ.

ಮಾನ್ಯತಾ ಐಡಿಯಾ

''ನನ್ನ ಜೀವನಚರಿತ್ರೆ ಆಧಾರಿತ ಸಿನಿಮಾ ಮಾಡಬೇಕು ಎಂಬ ಐಡಿಯಾ ಬಂದಿದ್ದು ಪತ್ನಿ ಮಾನ್ಯತಾ ಕಡೆಯಿಂದ. ನಾನು ಜೈಲಿನಲ್ಲಿ ಇರುವಾಗ ಈ ಬಗ್ಗೆ ಆಕೆ ನಿರ್ದೇಶಕರ ಜೊತೆಗೆ ಮಾತುಕತೆ ಮಾಡಿದ್ದಳು'' ಎಂದಿದ್ದಾರೆ ಸಂಜಯ್ ದತ್.

ಭಯೋತ್ಪಾದಕ ಅಲ್ಲ

''ನನ್ನ ಮನೆಯಲ್ಲಿ ರೈಫಲ್ ಇಟ್ಟುಕೊಂಡ ತಪ್ಪಿಗೆ ದೊಡ್ಡ ಶಿಕ್ಷೆ ಅನುಭವಿಸಿದ್ದೇನೆ. ನಾನು ಭಯೋತ್ಪಾದಕ ಅಲ್ಲ ಅಂತ ಮತ್ತೆ ಮತ್ತೆ ಹೇಳುತ್ತಿದ್ದೇನೆ. ನನ್ನ ಕನ್ಫೆಶನ್ ನ ದಯವಿಟ್ಟು ಓದಿರಿ. ಶಸ್ತ್ರಾಸ್ತ್ರ ಕಾಯ್ದೆ ಅಡಿ ನನ್ನನ್ನ ಬಂಧಿಸಲಾಗಿತ್ತು. ನಾನು ಓಡಿ ಹೋಗಲಿಲ್ಲ. ಎಲ್ಲವನ್ನೂ ಎದುರಿಸಿ ಬಂಧನಕ್ಕೆ ಒಳಗಾದೆ'' - ಸಂಜಯ್ ದತ್

ಭಿನ್ನಾಭಿಪ್ರಾಯ ಇಲ್ಲ

''ನನ್ನ ಹಾಗೂ ನನ್ನ ಸಹೋದರಿಯರ ನಡುವೆ ಯಾವುದೇ ಭಿನ್ನಾಭಿಪ್ರಾಯ ಇಲ್ಲ. ನಾವೆಲ್ಲ ಚೆನ್ನಾಗಿದ್ದೇವೆ. ನನ್ನ ಸಹೋದರಿಯರ ಜೊತೆಗೆ ಮಾನ್ಯತಾ ಕೂಡ ಹೊಂದುಕೊಂಡಿದ್ದಾಳೆ'' - ಸಂಜಯ್ ದತ್