ಕ್ಯಾನ್ಸರ್ ಪೀಡಿತ ಸಂಜಯ್ ದತ್‌ಗೆ ಆತ್ಯಾಪ್ತ ಗೆಳೆಯನ ಭಾವುಕ ಪತ್ರ

ಈ ಯುದ್ಧ ನೀನು ಗೆದ್ದೇ ಗೆಲ್ಲುವೆ: ಸಂಜಯ್

'ಜೀವನದ ರೋಲರ್‌ಕೋಸ್ಟರ್ ರೈಡ್ ಇನ್ನೂ ಬಾಕಿ ಇದೆ. ಜೀವನದ ಮತ್ತೊಂದು ಯುದ್ಧ ಪ್ರಾರಂಭವಾಗಿದೆ. ಈ ಯುದ್ಧವನ್ನು ನೀನು ಗೆದ್ದೇ ಗೆಲ್ಲುತ್ತೀಯ. ನೀನು ಗಟ್ಟಿ ಹೃದಯದವನು, 'ನೀನು ಸಿಂಹ ಗೆಳೆಯ ಸಿಂಹ' ಎಂದಿದ್ದಾರೆ ಗೆಳೆಯ ಪರೇಶ್.

ಸಂಜಯ್ ದತ್ ಜೊತೆಗೆ ಭವಿಷ್ಯದ ಚರ್ಚೆ

'ನಮ್ಮ ಇನ್ನು ಮುಂದಿನ ಜೀವನವನ್ನು ಹೇಗೆ ಕಳೆಯಬೇಕು ಎಂದು ನಾವು ಕೆಲವು ದಿನಗಳ ಹಿಂದಷ್ಟೆ ಮಾತನಾಡಿಕೊಂಡೆವು. ವಾಕಿಂಗ್, ಜಾಗಿಂಗ್ ಮಾಡುತ್ತಾ ಉಳಿದ ಜೀವನವನ್ನು ಚೆನ್ನಾಗಿ ಕಳೆಯಬೇಕು ಎಂದು ಕೆಲವು ದಿನಗಳ ಹಿಂದಷ್ಟೆ ನಾವು ಮಾತನಾಡಿಕೊಂಡೆವು' ಎಂದು ಸಂಜಯ್ ಜೊತೆಗೆ ಕಳೆದ ಘಳಿಗೆಯನ್ನು ನೆನಪಿಸಿಕೊಂಡಿದ್ದಾರೆ.

ಮುಂದಿನ ಜೀವನ ಚೆನ್ನಾಗಿ ಬದುಕಲಿದ್ದೇವೆ: ಪರೇಶ್

ನಾವು ಬಹಳ ಪುಣ್ಯವಂತರು, ನಾವು ನಮ್ಮ ಜೀವನವನ್ನು ಚೆನ್ನಾಗಿ ಬದುಕಿದ್ದೇವೆ. ನಮ್ಮ ಮುಂದಿನ ಜೀವನವನ್ನು ಇನ್ನೂ ಚೆನ್ನಾಗಿ ಬದುಕಲಿದ್ದೀವಿ, ದೇವರು ನಮ್ಮ ಕಡೆಗೆ ಇದ್ದಾನೆ ಎಂದಿದ್ದಾರೆ ಪರೇಶ್.

ಸಂಜಯ್ ದತ್ ಜೀವದ ಗೆಳೆಯ ಪರೇಶ್

ಸಂಜು ಸಿನಿಮಾದಲ್ಲಿ ವಿಕ್ಕಿ ಕೌಶಲ್ ನಿರ್ವಹಿಸಿದ್ದ ಪಾತ್ರ ಪರೇಶ್ ಅವರದ್ದೇ ಆಗಿತ್ತು. ಸಾಕಷ್ಟು ಏಳು ಬೀಳುಗಳನ್ನು ಕಂಡಿರುವ ಸಂಜಯ್ ದತ್ ಅವರಿಗೆ ದಶಕಗಳಿಂದಲೂ ಜೊತೆಯಾಗಿ ನಿಂತಿರುವವರು ಪರೇಶ್. ಸಂಜಯ್ ದತ್ ಅವರ ಜೀವದ ಗೆಳೆಯ ಪರೇಶ್.