ರಾಮ್ ಗೋಪಾಲ್ ವರ್ಮಾ ವಿರುದ್ಧ ಉರಿದುಬಿದ್ದ ಸಂಜಯ್ ದತ್ ಸಹೋದರಿ.!

ದುರಾದೃಷ್ಟಕರ ಘಟನೆ

''ಅದು ಸಂಜಯ್ ದತ್ ಬದುಕಿನ ದುರಾದೃಷ್ಟಕರ ಘಟನೆ. ಅದನ್ನ ಸಂಜಯ್ ದತ್ ದಾಟಿ ಬಂದಿದ್ದಾಗಿದೆ. ಈಗ ಯಾಕೆ ಅದನ್ನ ರಾಮ್ ಗೋಪಾಲ್ ವರ್ಮಾ ಕೆದಕಬೇಕು.?'' ಅಂತ ನಮ್ರತಾ ದತ್ ಗುಡುಗಿದ್ದಾರೆ.

ಇಷ್ಟೊಂದು ಚರ್ಚೆ ಯಾಕೆ.?

''ಸಂಜಯ್ ದತ್ ಬದುಕಿನ ಬಗ್ಗೆ ಇಷ್ಟೊಂದು ಚರ್ಚೆ ಯಾಕೆ.? ನಮಗೆಲ್ಲ ಯಾಕೆ ಇಷ್ಟೊಂದು ನೋವು ಕೊಡುತ್ತಿದ್ದಾರೆ.? ಹಾಗೇನಾದರೂ, ರಾಮ್ ಗೋಪಾಲ್ ವರ್ಮಾ ಗೆ ಸಂಜಯ್ ದತ್ ಗ್ರೀನ್ ಸಿಗ್ನಲ್ ಕೊಟ್ಟರೆ, ನಾವ್ಯಾರೂ ಬೇಡ ಎನ್ನಲು ಆಗಲ್ಲ'' ಅಂತ ಸಂದರ್ಶನವೊಂದರಲ್ಲಿ ನಮ್ರತಾ ದತ್ ತಿಳಿಸಿದ್ದಾರೆ.

ಸಿನಿಮಾ ಮಾಡಿಯೇ ತೀರುವೆ ಎಂಬ ವರ್ಮಾ.!

ರಾಮ್ ಗೋಪಾಲ್ ವರ್ಮಾ ಕಣ್ಣು ಇದೀಗ ಸಂಜಯ್ ದತ್ ಬದುಕಿನ ಮೇಲೆ ಬಿದ್ದಾಗಿದೆ. 'ಸಂಜು: ದಿ ರಿಯಲ್ ಸ್ಟೋರಿ' ಸಿನಿಮಾದಲ್ಲಿ ಸಂಜಯ್ ದತ್ ಬದುಕಿನ ಎರಡು ಪ್ರಮುಖ ಘಟನೆಗಳ (ಸಂಜಯ್ ದತ್ ಗೂ ಭೂಗತ ಲೋಕಕ್ಕೂ ಇರುವ ನಂಟು ಹಾಗೂ ಸಂಜಯ್ ದತ್ ಅಫೇರ್ಸ್) ಬಗ್ಗೆ ರಾಮ್ ಗೋಪಾಲ್ ವರ್ಮಾ ಹೇಳಲು ಹೊರಟಿದ್ದಾರೆ. ಈಗಾಗಲೇ ಈ ಬಗ್ಗೆ ರಿಸರ್ಚ್ ಮಾಡಲು ಆರಂಭಿಸಿದ್ದಾರೆ ವರ್ಮಾ ಸಾಹೇಬ್ರು.

ಒಟ್ಟಿಗೆ ಕೆಲಸ ಮಾಡಿರುವ ವರ್ಮಾ-ಸಂಜಯ್

ಸಂಜಯ್ ದತ್ ಹಾಗೂ ರಾಮ್ ಗೋಪಾಲ್ ವರ್ಮಾ ಈಗಾಗಲೇ ಒಟ್ಟಿಗೆ ಕೆಲಸ ಮಾಡಿದ್ದಾರೆ. 1997 ರಲ್ಲಿ ಬಿಡುಗಡೆ ಆದ 'ದೌಡ್' ಚಿತ್ರದಲ್ಲಿ ಸಂಜಯ್ ಗೆ ವರ್ಮಾ ಆಕ್ಷನ್ ಕಟ್ ಹೇಳಿದ್ದರು.