ಬಾಕ್ಸ್ ಆಫೀಸ್ ನಲ್ಲಿ 'ಸಂಜು' ಅಬ್ಬರ: ಇಲ್ಲಿಯವರೆಗಿನ ಕಲೆಕ್ಷನ್ ಎಷ್ಟು ಗೊತ್ತಾ.?

ನಾಲ್ಕನೇ ಸ್ಥಾನಕ್ಕೆ ಏರಿದ 'ಸಂಜು' ಸಿನಿಮಾ

ಇಡೀ ಭಾರತೀಯ ಚಿತ್ರರಂಗದ ಇತಿಹಾಸದಲ್ಲಿಯೇ ಅತಿ ಹೆಚ್ಚು ಕಲೆಕ್ಷನ್ ಮಾಡಿರುವ ಹಿಂದಿ ಸಿನಿಮಾಗಳ ಪಟ್ಟಿಯಲ್ಲಿ ಸದ್ಯ ರಣ್ಬೀರ್ ಕಪೂರ್ ಅಭಿನಯದ ರಾಜಕುಮಾರ್ ಹಿರಾನಿ ನಿರ್ದೇಶನದ 'ಸಂಜು' ಸಿನಿಮಾ ನಾಲ್ಕನೇ ಸ್ಥಾನಕ್ಕೆ ಏರಿದೆ.

ಹಾಗಾದ್ರೆ, 'ಸಂಜು' ಮಾಡಿರುವ ಕಲೆಕ್ಷನ್ ಎಷ್ಟು.?

ಬಿಡುಗಡೆ ಆದ ನಾಲ್ಕು ವಾರಗಳಲ್ಲಿ 'ಸಂಜು' ಸಿನಿಮಾ 339.75 ಕೋಟಿ ಕಲೆಕ್ಷನ್ ಮಾಡಿದೆ. ರಣ್ಬೀರ್ ಕಪೂರ್ ವೃತ್ತಿ ಬದುಕಿನಲ್ಲಿಯೇ ಇದು 'ಆಲ್ ಟೈಮ್ ಬ್ಲಾಕ್ ಬಸ್ಟರ್'.

ಸಲ್ಮಾನ್ ರೆಕಾರ್ಡ್ ಬ್ರೇಕ್ ಮಾಡಿದ 'ಸಂಜು'

ಸಲ್ಮಾನ್ ಖಾನ್ ಅಭಿನಯದ 'ಟೈಗರ್ ಝಿಂದಾ ಹೈ' ಚಿತ್ರ ಬಾಕ್ಸ್ ಆಫೀಸ್ ನಲ್ಲಿ ಮಾಡಿದ ದಾಖಲೆಯನ್ನ 'ಸಂಜು' ಸಿನಿಮಾ ಅಳಿಸಿ ಹಾಕಿದೆ. ಆ ಮೂಲಕ 'ಟೈಗರ್ ಝಿಂದಾ ಹೈ' ಚಿತ್ರವನ್ನ ಕೆಳಕ್ಕೆ ತಳ್ಳಿ ನಾಲ್ಕನೇ ಸ್ಥಾನಕ್ಕೇರಿದೆ 'ಸಂಜು'.

ಈಗ 'ಪಿಕೆ' ಟಾರ್ಗೆಟ್

ಆಮೀರ್ ಖಾನ್ ಅಭಿನಯದ 'ಪಿಕೆ' ಸಿನಿಮಾ 340.8 ಕೋಟಿ ಕಲೆಕ್ಷನ್ ಮಾಡಿತ್ತು. 'ಪಿಕೆ' ರೆಕಾರ್ಡ್ ನ ಬ್ರೇಕ್ ಮಾಡೋಕೆ 'ಸಂಜು'ಗೆ ಜಾಸ್ತಿ ದಿನ ಬೇಕಿಲ್ಲ. ಇನ್ನೆರಡು ದಿನಗಳ ಒಳಗೆ ಅತಿ ಹೆಚ್ಚು ಕಲೆಕ್ಷನ್ ಮಾಡಿರುವ ಹಿಂದಿ ಸಿನಿಮಾಗಳ ಪಟ್ಟಿಯಲ್ಲಿ 'ಸಂಜು' ಮೂರನೇ ಸ್ಥಾನ ಪಡೆದರೂ ಅಚ್ಚರಿ ಇಲ್ಲ.