'ಸಂಜು' ಹವಾ ಬಲು ಜೋರು: ಸಲ್ಮಾನ್ ನ ಸೈಡಿಗೆ ತಳ್ಳಿದ ರಣ್ಬೀರ್ ಕಪೂರ್.!

ಆರನೇ ಸ್ಥಾನದಲ್ಲಿ 'ಸಂಜು'

ಇಡೀ ಭಾರತೀಯ ಚಿತ್ರರಂಗದ ಇತಿಹಾಸದಲ್ಲಿಯೇ ಅತಿ ಹೆಚ್ಚು ಕಲೆಕ್ಷನ್ ಮಾಡಿರುವ ಸಿನಿಮಾಗಳ ಪಟ್ಟಿಯಲ್ಲಿ ಸದ್ಯ ರಣ್ಬೀರ್ ಕಪೂರ್ ಅಭಿನಯದ ರಾಜಕುಮಾರ್ ಹಿರಾನಿ ನಿರ್ದೇಶನದ 'ಸಂಜು' ಸಿನಿಮಾ ಆರನೇ ಸ್ಥಾನದಲ್ಲಿದೆ. ಮೂರು ವಾರಕ್ಕೆ ಮುನ್ನೂರು ಕೋಟಿ ಕ್ಲಬ್ ಸೇರಿ ದಾಖಲೆ ಬರೆದಿದೆ 'ಸಂಜು' ಚಿತ್ರ.

'ಸಂಜು' ಮಾಡಿರುವ ಕಲೆಕ್ಷನ್ ಎಷ್ಟು.?

ಮೂರು ವಾರಗಳಲ್ಲಿ 'ಸಂಜು' ಸಿನಿಮಾ ಒಟ್ಟಾರೆ 316.64 ಕೋಟಿ ಕಲೆಕ್ಷನ್ ಮಾಡಿದೆ. ರಣ್ಬೀರ್ ಕಪೂರ್ ಹಾಗೂ ರಾಜಕುಮಾರ್ ಹಿರಾನಿ ವೃತ್ತಿ ಬದುಕಿನಲ್ಲಿಯೇ ಇದು ರೆಕಾರ್ಡ್ ಬ್ರೇಕಿಂಗ್.!

ಸಲ್ಮಾನ್ ಖಾನ್ ದಾಖಲೆ ಧೂಳಿಪಟ ಆದರೂ ಅಚ್ಚರಿ ಇಲ್ಲ.!

ಸಲ್ಮಾನ್ ಖಾನ್ ಅಭಿನಯದ 'ಭಜರಂಗಿ ಭಾಯಿಜಾನ್' ಸಿನಿಮಾ 320.34 ಕೋಟಿ ಕಲೆಕ್ಷನ್ ಮಾಡಿತ್ತು. ಇದು ಸಲ್ಮಾನ್ ಖಾನ್ ಕೆರಿಯರ್ ನಲ್ಲಿಯೇ ಅತಿ ಹೆಚ್ಚು ಕಲೆಕ್ಷನ್ ಮಾಡಿದ ಸಿನಿಮಾ. 'ಸಂಜು' ನಾಗಾಲೋಟ ಹೀಗೇ ಮುಂದುವರೆದರೆ, 'ಟೈಗರ್ ಝಿಂದಾ ಹೈ' ಹಾಗೂ 'ಭಜರಂಗಿ ಭಾಯಿಜಾನ್' ರೆಕಾರ್ಡ್ ಗಳನ್ನ ರಣ್ಬೀರ್ ಕಪೂರ್ ಉಡೀಸ್ ಮಾಡಿ ಮೇಲಕ್ಕೇರುವುದು ಪಕ್ಕಾ.

ಮೂರನೇ ಸ್ಥಾನಕ್ಕೆ ಬರಬಹುದು.!

ಭಾರತೀಯ ಚಿತ್ರರಂಗದ ಇತಿಹಾಸದಲ್ಲಿಯೇ ಅತಿ ಹೆಚ್ಚು ಕಲೆಕ್ಷನ್ ಮಾಡಿರುವ ಚಿತ್ರಗಳು 'ಬಾಹುಬಲಿ-2' ಹಾಗೂ 'ದಂಗಲ್'. ಇವೆರಡು ಚಿತ್ರಗಳ ದಾಖಲೆಯನ್ನ ಸೈಡಿಗೆ ತಳ್ಳಲು ಸಾಧ್ಯವಾಗದೇ ಇದ್ದರೂ, ಮೂರನೇ ಸ್ಥಾನಕ್ಕೆ 'ಸಂಜು' ಬರುವುದು ಪಕ್ಕಾ ಅಂತಿದ್ದಾರೆ ಬಾಲಿವುಡ್ ಟ್ರೇಡ್ ಎಕ್ಸ್ ಪರ್ಟ್ಸ್.

ರಣ್ಬೀರ್ ಮುಂದೆ ಸಲ್ಮಾನ್ ಡಮ್ಮಿ.?!

ಒಂದು ವೇಳೆ ಕಲೆಕ್ಷನ್ ಲೆಕ್ಕಾಚಾರದಲ್ಲಿ 'ಸಂಜು' ಸಿನಿಮಾ ಮೂರನೇ ಸ್ಥಾನಕ್ಕೆ ಬಂದರೆ ರಣ್ಬೀರ್ ಕಪೂರ್ ಬಾಲಿವುಡ್ ನ ಬಹು ಬೇಡಿಕೆಯ ನಟರಾಗುವುದರಲ್ಲಿ ಯಾವುದೇ ಅನುಮಾನ ಇಲ್ಲ. ರಣ್ಬೀರ್ ಕಪೂರ್ ಮುಂದೆ 'ಬಾಲಿವುಡ್ ಟೈಗರ್' ಸಲ್ಮಾನ್ ಡಮ್ಮಿ ಆಗೋದ್ರಲ್ಲಿ ಡೌಟ್ ಬೇಡ.!