ಶಾರುಖ್ ಖಾನ್ ಬಕ್ರೀದ್ ಹಬ್ಬಕ್ಕೆ ಬೆಂಗಳೂರು ಆಡು

ಶಾರುಖ್ ಖಾನ್

ಕಳೆದ ಎರಡು ವರ್ಷಗಳಿಂದ ಶಾರುಖ್ ಅವರಿಗಾಗಿ ಆಡುಗಳನ್ನು ಬೆಂಗಳೂರಿನಿಂದ ಕಳುಹಿಸುತ್ತಿರುವ ಮೊಹಮ್ಮದ್ ಎಂಡಿ ಇಬ್ರಾಹಿಂ "ನಾನು ಕಳೆದ ವರ್ಷ ಶಾರುಖ್ ಅವರಿಗಾಗಿ ರು. 5 ಲಕ್ಷ ಬೆಲೆಬಾಳುವ ಆಡುಗಳನ್ನು ಕಳಿಸಿದ್ದೆ. ಈ ಬಾರಿ ಕೂಡ ಅವರ ಬಕ್ರೀದ್ ಆರಣೆಗಾಗಿ ಆಡುಗಳನ್ನು ಕಳುಹಿಸಲಿದ್ದೇನೆ. ಈ ಬಾರಿ 22 ಆಡುಗಳನ್ನು ಕಳುಹಿಸುವ ಯೋಜನೆಯಿದ್ದು ಇದರ ಬೆಲೆ ಸುಮಾರು 7 ಲಕ್ಷ ರು. ಆಗಲಿದೆ" ಎಂದಿದ್ದಾರೆ.

ಮೊಹಮ್ಮದ್ ಎಂಡಿ ಇಬ್ರಾಹಿಂ ಬೆಳೆಸುವ ಆಡುಗಳು ತುಂಬಾ ವಿಶೇಷವಾಗಿರುತ್ತವೆಯಂತೆ. ಕಾರಣ, ಅವರು ಆಡುಗಳಿಗೆ ಕಾಶ್ಯು, ಬಾದಾಮಿ ಹಾಗೂ ಪಿಸ್ಟಾಗಳನ್ನು ತಿನ್ನಿಸಿ ಬೆಳೆಸುತ್ತಾರಂತೆ. ಅಷ್ಟೇ ಅಲ್ಲ, ದಿನವೂ ಆ ಆಡುಗಳಿಗೆ ಆಹಾರವಾಗಿ 2 ಮೊಟ್ಟೆ ಹಾಗೂ 2 ಲೀಟರ್ ಹಾಲನ್ನೂ ಕೂಡ ಅವರು ಬಳಸುತ್ತಾರಂತೆ. ಅವರು ಮಾಡುವ ಭಾರೀ ಆರೈಕೆಯಿಂದ ಕೊಬ್ಬಿರುವ ಅವುಗಳು ಮಿಕ್ಕ ಆಡುಗಳಿಗಿಂತ ಗಾತ್ರ ಹಾಗೂ ತೂಕದಲ್ಲಿ ಗಮನಾರ್ಹವಾಗಿ ಹೆಚ್ಚಾಗಿರುತ್ತವೆಯಂತೆ. (ಬಕ್ರೀದ್ ಆಚರಣೆ ಹೇಗೆ?: ಓದಿ...)

ಒಟ್ಟಿನಲ್ಲಿ ಬಾಲಿವುಡ್ ಸೂಪರ್ ಸ್ಟಾರ್ ಶಾರುಖ್ ಖಾನ್ ಅವರಿಗೆ ಬೆಂಗಳೂರಿನ ಆಡುಗಳ ಮೇಲೆ ಕಣ್ಣು ಬಿದ್ದಿದೆ ಅಂದ ಹಾಗಾಯಿತು. ಕಳೆದ 2 ವರ್ಷಗಳಿಂದ ನಡೆಯುತ್ತಿರುವ ಈ ವ್ಯವಹಾರ ಇದೀಗ 3 ನೇ ವರ್ಷಕ್ಕೆ ಕಾಲಿಟ್ಟಿದೆ. ಬೆಂಗಳೂರು ಏಜೆಂಟ್ ಮೊಹಮ್ಮದ್ ಎಂಡಿ ಇಬ್ರಾಹಿಂ ಈಗ ಶಾರುಖ್ ಅವರಿಗೆ ಕಳುಹಿಸುವ ಆಡುಗಳ ಆರೈಕೆಯಲ್ಲಿ ಭಾರಿ ಬಿಜಿಯಾಗಿದ್ದಾರೆ. ಬೆಂಗಳೂರಿನಿಂದ ಬರಲಿರುವ ಆಡುಗಳಿಗಾಗಿ ಅಲ್ಲಿ ಮುಂಬೈನಲ್ಲಿ ಶಾರುಖ್ ಕಾಯುತ್ತಿದ್ದಾರೆ, ಹೇಗಿದೆ ನೋಡಿ ಶಾರುಖ್ ಬಕ್ರೀದ್ ಸಮಾಚಾರ್...(ಏಜೆನ್ಸೀಸ್)