1000 ವಾರ ಕಂಡ 19ರ ಹರೆಯ ಶಾರುಖ್- ಕಾಜೋಲ್

ಕಿಂಗ್ ಖಾನ್ ಶಾರುಖ್ ಹಾಗೂ ಮೋಹಕ ಕಂಗಳ ಚೆಲುವೆ ಕಾಜೋಲ್ ಯಶಸ್ವಿ ಜೋಡಿಯ 'ದಿಲ್ ವಾಲೇ ದುಲ್ಹನಿಯಾ ಲೇ ಜಾಯೇಂಗೆ' ಚಿತ್ರ ಒಂದೇ ಚಿತ್ರಮಂದಿರದಲ್ಲಿ 19ನೇ ವರ್ಷದ ಸಂಭ್ರಮಾಚರಣೆ ಮೂಡ್ ನಲ್ಲಿದೆ. ಅಕ್ಟೋಬರ್ 20ಕ್ಕೆ ಮುಂಬೈನ ಮರಾಠಾ ಮಂದಿರ್ ಚಿತ್ರಮಂದಿರದಲ್ಲಿ ಈ ಪ್ರೇಮಕಾವ್ಯ 19ನೇ ಶಿಶಿರಕ್ಕೆ ಕಾಲಿಟ್ಟಿದೆ.

20 ಅಕ್ಟೋಬರ್ 1995 ರಲ್ಲಿ ಬಿಡುಗಡೆಗೊಂಡ ಈ ಚಿತ್ರ ಭಾರತದಲ್ಲಿ 580 ಮಿಲಿಯನ್ ಹಾಗೂ ಸಾಗರೋತ್ತರ ದೇಶಗಳಲ್ಲಿ 175 ಮಿಲಿಯನ್ ಹಣ ದೋಚಿತ್ತು. 2010ರಲ್ಲಿ ಸತತವಾಗಿ 750ನೇ ವಾರಗಳ ಕಾಲ ಪ್ರದರ್ಶನಗೊಂಡ ದಾಖಲೆ ಬರೆಯಿತು.ಶೋಲೆ ಚಿತ್ರ ಸತತ ಏಳು ವರ್ಷ ಒಂದೇ ಚಿತ್ರಮಂದಿರದಲ್ಲಿ ಪ್ರದರ್ಶನ ಕಂಡು ದಾಖಲೆ ಬರೆದಿತ್ತು. ಈ ದಾಖಲೆಯನ್ನೂ ಆದಿತ್ಯಾ ಛೋಪ್ರಾ ನಿರ್ದೇಶನದ ಡಿಡಿಎಲ್ ಜೆ ಮುರಿದು ಹಾಕಿದೆ. [ಶಾರುಖ್ 'ಡಿಡಿಎಲ್ ಜೆ' ಅನಿಮೇಷನ್ ಟ್ರೇಲರ್ ನೋಡಿ]

ಮರಾಠಾ ಮಂದಿರ್ ಸಿಂಗಲ್ ಸ್ಕ್ರೀನ್ ಚಿತ್ರಮಂದಿರದಲ್ಲಿ ಬೇರೆ ಚಿತ್ರಗಳು ಬಂದು ಹೋದರೂ ಮ್ಯಾಟ್ನಿ ಮಾತ್ರ ಡಿಡಿಎಲ್ ಜೆಗೆ ಮೀಸಲು. ಬೆಳಗ್ಗೆ 11.30ಕ್ಕೆ ಶುರುವಾಗುವ ಚಿತ್ರ ನೋಡಲು ಜನ ತಪ್ಪದೇ ಬರುತ್ತಿದ್ದಾರೆ. ಶಾರುಖ್ -ಕಾಜೋಲ್ ನೋಡುವುದಕ್ಕೆ ಜನ ಮತ್ತೆ ಮತ್ತೆ ಬರುತ್ತಾರೆ. ಜೊತೆ ಚಿತ್ರದ ಮ್ಯೂಸಿಕೆ ಪ್ಲಸ್ ಪಾಯಿಂಟ್, ಅದಿತ್ಯಾ ಛೋಪ್ರಾ ಹಾಗೂ ನಾನು ನಮಗೆ ಬೇಕೆನಿಸುವಷ್ಟು ವಾರ ಚಿತ್ರವನ್ನು ಪ್ರದರ್ಶಿಸುತ್ತೇವೆ ಎಂದು ದೇಸಾಯಿ ಹೆಮ್ಮೆಯಿಂದ ಹೇಳಿಕೊಂಡಿದ್ದಾರೆ. [ಶಾರುಖ್ -ಕಾಜೋಲ್ ಜೋಡಿಗೆ 19 ವರ್ಷ]

ಮರಾಠಾ ಮಂದಿರ್ ನ ಮ್ಯಾನೇಜಿಂಗ್ ಡೈರೆಕ್ಟರ್ ಮನೋಜ್ ದೇಸಾಯಿ ಅವರು ಈಗ 1000 ವಾರ ಪ್ರದರ್ಶನ ಕಂಡಿರುವ ಡಿಡಿಎಲ್ ಜೆ ಸಂಭ್ರಮವನ್ನು ಆಚರಿಸಲು ಸಿದ್ಧತೆ ನಡೆಸಿದ್ದಾರೆ. ಆದಿತ್ಯ ಛೋಪ್ರಾ ಅವರು ಚಿತ್ರದ ಉತ್ತಮ ಸನ್ನಿವೇಶಗಳನ್ನು ಆಯ್ದು ಹೊಚ್ಚ ಹೊಸ ಟ್ರೇಲರ್ ಬಿಡುಗಡೆ ಮಾಡಿದ್ದಾರೆ.