ಬಾಡಿಗೆ ತಾಯ್ತನ ಮೂಲಕ ಮತ್ತೆ ಅಮ್ಮನಾದ ಸಂಭ್ರಮದಲ್ಲಿ ನಟಿ ಶಿಲ್ಪ ಶೆಟ್ಟಿ

ಮಗುವಿಗೆ ನಾಮಕರಣ ಮಾಡಿರುವ ದಂಪತಿ

ಶಿಲ್ಪ ಶೆಟ್ಟಿ ಮತ್ತು ರಾಜ್ ಕುಂದ್ರ ದಂಪತಿ ಮುದ್ದಾದ ಮಗುವಿಗೆ ನಾಮಕರಣ ಮಾಡಿದ್ದಾರೆ. ಜೂನಿಯರ್ ಶಿಲ್ಪಶೆಟ್ಟಿ ಆಗಮಿಸಿರುವ ಖುಷಿಯಲ್ಲಿ ಮಗುವಿಗೆ ಸಮಿಶಾ ಶೆಟ್ಟಿ ಕುಂದ್ರ ಎಂದು ಹೆಸರಿಟ್ಟಿದ್ದಾರೆ.

ಶಿಲ್ಪ ಶೆಟ್ಟಿ ಹೇಳಿದ್ದೇನು?

ಈ ಬಗ್ಗೆ ಟ್ವಿಟ್ಟರ್ ನಲ್ಲಿ ಬರೆದುಕೊಂಡಿರುವ ಶಿಲ್ಪ ಶೆಟ್ಟಿ
"ನಮ್ಮ ಪ್ರಾರ್ಥನೆಗೆ ಪವಾಡದಿಂದ ಉತ್ತರಿಸಲಾಗಿದೆ. ನಮ್ಮ ಪುಟ್ಟ ಏಂಜಲ್ ಆಗಮನವನ್ನು ಘೋಷಿಸಲು ನಾವು ರೋಮಂಚನಗೊಂಡಿದ್ದೇವೆ. ಸಮಿತಾ ಶೆಟ್ಟಿ ಕುಂದ್ರ. ಫೆಬ್ರವರಿ 15ರಂದು ಜನಿಸಿದರು. ಜೂನಿಯರ್ ಶಿಲ್ಪ ಶೆಟ್ಟಿ ಕುಂದ್ರ" ಎಂದು ಬರೆದುಕೊಂಡಿದ್ದಾರೆ.

ಮೊದಲ ಮಗ ವಿಹಾನ್

ಶಿಲ್ಪ ಶೆಟ್ಟಿ ಮತ್ತು ರಾಜ್ ಕುಂದ್ರ ದಂಪತಿಗೆ ಈಗಾಗಲೆ ಒಬ್ಬ ಮಗನಿದ್ದಾನೆ. 2012ರಲ್ಲಿ ಶಿಲ್ಪ ಮೊದಲ ಮಗುವಿಗೆ ಜನ್ಮ ನೀಡಿದ್ದರು. ಮಗನಿಗೆ ವಿಹಾನ್ ಎಂದು ನಾಮಕರಣ ಮಾಡಿದ್ದಾರೆ. ಶಿಲ್ಪ ಶೆಟ್ಟಿ ಮತ್ತು ರಾಜ್ ಕುಂದ್ರ 2009ರಲ್ಲಿ ಹಸೆಮಣೆ ಏರಿದ್ದರು.

ಮತ್ತೆ ಸಿನಿಮಾದಲ್ಲಿ ಅಭಿನಯಿಸುತ್ತಿರುವ ಶಿಲ್ಪ

ಮದುವೆ ನಂತರ ಶಿಲ್ಪ ಶೆಟ್ಟಿ ಬಣ್ಣದ ಲೋಕದಿಂದ ಬ್ರೇಕ್ ಪಡೆದಿದ್ದರು. ಅನೇಕ ವರ್ಷಗಳ ಬಳಿಕ 'ನಿಕಮ್ಮ' ಸಿನಿಮಾ ಮೂಲಕ ಮತ್ತೆ ವಾಪಾಸ್ ಆಗಿದ್ದಾರೆ. ಇನ್ನು 'ಹಂಗಾಮ-2' ಸಿನಿಮಾದಲ್ಲೂ ಶಿಲ್ಪ ಶೆಟ್ಟಿ ಕಾಣಿಸಿಕೊಳ್ಳುತ್ತಿದ್ದಾರೆ. ಈ ಚಿತ್ರದಲ್ಲಿ ಕನ್ನಡ ನಟಿ ಪ್ರಣೀತಾ ಕೂಡ ಅಭಿನಯಿಸುತ್ತಿದ್ದಾರೆ.