ಹೆಸರು ಹೇಳದೆ ಕಂಗನಾ ರಣೌತ್ ವರ್ತನೆ ಟೀಕಿಸಿದ ಸೋನು ಸೂದ್

ನಮ್ಮವರೇ ಸಿನಿಮಾರಂಗವನ್ನು ನಿಂದಿಸುತ್ತಿದ್ದಾರೆ: ಸೋನು ಸೂದ್

'ಸಿನಿಮಾರಂಗದ ನಿಂದನೆ ನನಗೆ ಬೇಸರ ತರಿಸಿದೆ. ಸಿನಿಮಾರಂಗದಲ್ಲಿರುವವರೇ ಸಿನಿಮಾರಂಗದ ಬಗ್ಗೆ ಕೆಟ್ಟದಾಗಿ ಮಾತನಾಡುತ್ತಿರುವುದು ತೀವ್ರ ಬೇಸರ ತಂದಿದೆ. ಈ ಉದ್ಯಮವು ನಮಗೆ ಮನೆ, ಕುಟುಂಬವನ್ನು ಕೊಟ್ಟಿದೆ. ನಮ್ಮ ಕನಸುಗಳು ಈಡೇರುವಂತೆ ಮಾಡಿದೆ. ಆದರೆ ಇದರಲ್ಲೇ ಇರುವ ಜನ ಸಿನಿಮಾರಂಗದ ಮೇಲೆ ಬೆರಳೆತ್ತಿ ತೋರುತ್ತಿದ್ದಾರೆ' ಎಂದಿದ್ದಾರೆ ಸೋನು ಸೂದ್.

ಬಾಲಿವುಡ್ ಸತತವಾಗಿ ಟೀಕಿಸುತ್ತಿರುವ ಕಂಗನಾ

ನಟಿ ಕಂಗನಾ ರಣೌತ್ ಬಾಲಿವುಡ್‌ ಬಗ್ಗೆ ತಿಂಗಳುಗಳಿಂದ ಕೆಟ್ಟದಾಗಿ ಮಾತನಾಡುತ್ತಿದ್ದಾರೆ. ಬಾಲಿವುಡ್ ಅನ್ನು 'ಮಾಫಿಯಾ' ಎಂಥಲೂ 'ಬುಲ್ಲಿವುಡ್' ಎಂಥಲೂ, ಅನೈತಿಕತೆಯ ಅಡ್ಡ ಎಂತಲೂ ನಿಂದಿಸುತ್ತಿದ್ದಾರೆ ಕಂಗನಾ. ಅಷ್ಟೇ ಅಲ್ಲದೆ, ನಟಿ ತಾಪ್ಸಿ, ಸಲ್ಮಾನ್ ಖಾನ್, ಮಹೇಶ್ ಭಟ್, ರಣಬೀರ್ ಕಪೂರ್, ದೀಪಿಕಾ ಪಡುಕೋಣೆ, ಊರ್ಮಿಳಾ ಮತೋಡ್ಕರ್ ಇನ್ನೂ ಹಲವರ ವಿರುದ್ಧ ಪುಂಖಾನುಪುಂಖವಾಗಿ ವಾಗ್ದಾಳಿ ಮಾಡಿದ್ದಾರೆ.

ಹೆಸರು ಹೇಳದೆ ಟೀಕೆ ಮಾಡಿದ ಸೋನು ಸೂದ್

ಇದೇ ವಿಷಯವಾಗಿ ಸೋನು ಸೂದ್ ಸಹ ಸಂದರ್ಶನದಲ್ಲಿ ಹೇಳಿದ್ದಾರೆ. ಆದರೆ ಅವರು ಕಂಗನಾ ಹೆಸರನ್ನು ಬಳಸದೆ ಅವರ ವರ್ತನೆ ಅಸಹನೀಯ ಎಂಬರ್ಥದ ಮಾತುಗಳನ್ನು ಹೇಳಿದ್ದಾರೆ. 'ಕೆಲವರು ತಾವು ಬಾಲಿವುಡ್ಡಿನವರೇ ಎಂದು ಹೇಳುತ್ತಾರೆ, ಆದರೆ ಅವರೇ ಬಾಲಿವುಡ್‌ ಅನ್ನು ನಿಂದಿಸುತ್ತಾರೆ, ಅವರಿಗೆ ಬುದ್ಧಿವಾದ ಹೇಳಲೂ ಸಾಧ್ಯವಿಲ್ಲ, ಅವರು ತಮ್ಮ ಸುತ್ತ ಗೋಡೆ ಕಟ್ಟಿಕೊಂಡುಬಿಟ್ಟಿದ್ದಾರೆ' ಎಂದಿದ್ದಾರೆ ಸೋನು ಸೂದ್.

Recommended Video

ಬಾಯ್ ಫ್ರೆಂಡ್ ಜೊತೆ ರೋಮ್ಯಾಂಟಿಕ್ ಫೋಟೋ ಹಂಚಿಕೊಂಡ ಗೊಗ್ಲಿ ಬೆಡಗಿ | Filmibeat Kannada

ಕಂಗನಾ-ಸೋನು ಸೂದ್‌ ನಡುವೆ ಮನಸ್ತಾಪವಿದೆ

ನಟಿ ಕಂಗನಾ ರಣೌತ್ ಹಾಗೂ ಸೋನು ಸೂದ್ ನಡುವೆ ಹಲವು ವರ್ಷಗಳಿಂದ ಮನಸ್ಥಾಪವಿದೆ. ಕಂಗನಾ ನಟಿಸಿದ್ದ 'ಮಣಿಕರ್ಣಿಕಾ' ಸಿನಿಮಾದಿಂದ ಸೋನು ಸೂದ್ ಅನ್ನು ಹೊರಹಾಕಿದ್ದರು ಕಂಗನಾ ರಣೌತ್. ಸೋನು ಸೂದ್ ಗೆ ನಟನೆ ಬರುವುದಿಲ್ಲ ಎಂದು ಹೇಳಿದ್ದರು ಕಂಗನಾ.