Don't Miss!
- Automobiles Suzuki Access Electric: ಸುಜುಕಿ ಆಕ್ಸೆಸ್ ಎಲೆಕ್ಟ್ರಿಕ್ ಸ್ಕೂಟರ್ ಈ ವರ್ಷ ಬಿಡುಗಡೆ ಸಾಧ್ಯತೆ!
- Lifestyle 5 ಸೆಕೆಂಡ್ನಲ್ಲಿ ಈ ಚಿತ್ರದಲ್ಲಿರುವ ಮೇಕೆ ಮಾಲೀಕನ ಹುಡುಕಿ..! ಎಲ್ಲಿದ್ದಾನೆ ಗೊತ್ತಾ?
- News ಏಪ್ರಿಲ್ 28ಕ್ಕೆ ಬೆಣ್ಣೆನಗರಿಗೆ ಪ್ರಧಾನಿ ನರೇಂದ್ರ ಮೋದಿ ಆಗಮನ: ಸಿದ್ಧತೆ ಹೇಗಿದೆ? ಮಾಹಿತಿ
- Technology Bengaluru: ಆ ಆಪ್ ಇನ್ಸ್ಟಾಲ್ ಮಾಡಿದ್ದೇ ತಡ 5.2 ಕೋಟಿ ರೂ. ಮಾಯ.. ನೀವು ಎಚ್ಚರ
- Sports ಟಿ20 ವಿಶ್ವಕಪ್ಗೆ 15 ಸದಸ್ಯರ ಭಾರತ ತಂಡದ ಆಯ್ಕೆ ಮಾಡಿದ ಇರ್ಫಾನ್ ಪಠಾಣ್; ಸಂಜು, ರಾಹುಲ್ಗೆ ಸ್ಥಾನವಿಲ್ಲ!
- Finance ರಿಲಯನ್ಸ್ಗೆ 28,607 ಕೋಟಿ ನಷ್ಟ, ಕಾರಣ ಏನು ಗೊತ್ತೆ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ರಜತ ಪರದೆಗೆ ಅಡಿಯಿಡಲಿರುವ ಶ್ರೀದೇವಿ ಕುವರಿ
ಈ ಸುದ್ದಿ ಸುಮಾರು ದಿನಗಳಿಂದಲೂ ಹರಿದಾಡುತ್ತಲೇ ಇದೆ. ಎಪ್ಪತ್ತು ಎಂಬತ್ತರ ದಶಕದಲ್ಲಿ ಚಿತ್ರರಸಿಕರ ಮನಸೂರೆಗೊಂಡ ನಾಯಕಿ ಶ್ರೀದೇವಿ ಅವರ ಕುವರಿ ಬೆಳ್ಳಿಪರದೆಗೆ ಅಡಿಯಿಡಲು ಸಿದ್ಧವಾಗಿದ್ದಾರೆ. ಇತ್ತೀಚೆಗೆ ತಮ್ಮ 'ಇಂಗ್ಲಿಷ್ ವಿಂಗ್ಲಿಷ್' ಚಿತ್ರದ ಟ್ರೇಲರ್ ಬಿಡುಗಡೆಗೆ ಹೈದರಾಬಾದಿಗೆ ಶ್ರೀದೇವಿ ಆಗಮಿಸಿದ್ದರು.
ಆಗ ಮಾಧ್ಯಮ ಮಿತ್ರರು ಕೇಳಿದ ಪ್ರಶ್ನೆ ಹೀಗಿತ್ತು. ತಮ್ಮ ಮಗಳನ್ನು ಬೆಳ್ಳಿತೆರೆಗೆ ಯಾವಾಗ ಪರಿಚಯಿಸುತ್ತೀರಿ ಎಂದು. ಅದಕ್ಕೆ ಶ್ರೀದೇವಿ, ಬಹಳ ಸುದೀರ್ಘ ಸಮುಯದ ಬಳಿಕ ಅಭಿನಯಿಸಿದ್ದೇನೆ. ಮೊದಲು ನನ್ನ ಚಿತ್ರ ನೋಡಿ. ಆಮೇಲೆ ನೋಡೋಣ ಎಂದು ಹಾರಿಕೆಯ ಉತ್ತರ ನೀಡಿದ್ದಾರೆ.
ಬಹಳ ದಿನಗಳ ಬಳಿಕ ಈ ಚಿತ್ರದಲ್ಲಿ ಶ್ರೀದೇವಿ ಡಾನ್ಸ್ ಕೂಡ ಮಾಡಿದ್ದಾರೆ. ಈ ರೀತಿ ಕುಣಿಯಲು ನನಗೇನು ತೊಂದರೆಯಾಗಲಿಲ್ಲ ಎಂದಿದ್ದಾರೆ. ಹಿಂದಿ ಸೇರಿದಂತೆ ದಕ್ಷಿಣ ಭಾರತದಲ್ಲಿ ಮನೆ ಮಾತಾದ ಶ್ರೀದೇವಿ, 1996ರಲ್ಲಿ ಹಿಂದಿ ನಿರ್ಮಾಪಕ ಬೋನಿ ಕಪೂರ್ ಅವರನ್ನು ಮದುವೆಯಾದ ಬಳಿಕ ಮುಂಬೈನಲ್ಲಿ ನೆಲೆಗೊಂಡರು.
ಪ್ರೀತಿಗೆ ಸಾಕ್ಷಿಯಾಗಿ ಈಗ ಇಬ್ಬರು ಮಕ್ಕಳು ಜಾನ್ವಿ ಹಾಗೂ ಖುಷಿ. ಈಗ ಜಾನ್ವಿಯನ್ನು ಬೆಳ್ಳಿ ಪರದೆಗೆ ತರುವ ಸಿದ್ಧತೆಯಲ್ಲಿದ್ದಾರೆ ಶ್ರೀದೇವಿ. ವಯಸ್ಸು 50ರ ಗಡಿ ತಲುಪಿದ್ದರೂ ಇನ್ನೂ ಶ್ರೀದೇವಿ ಅವರ ಆಕರ್ಷಣೆ ಮಾತ್ರ ಗುಲಗಂಜಿಯಷ್ಟೂ ಕಡಿಮೆಯಾಗಿಲ್ಲ. ಅವರ ಮಗಳೂ ಸಹ ಅಷ್ಟೇ ಅಮ್ಮನ ಪಡಿಯಚ್ಚಿನಂತಿದ್ದಾರೆ.
ತಮ್ಮ ಪುತ್ರಿಯನ್ನು ದಕ್ಷಿಣ ಚಿತ್ರರಂಗ ಚಿತ್ರದ ಮೂಲಕವೇ ಪರಿಚಯಿಸಬೇಕು ಎಂಬುದು ಶ್ರೀದೇವಿ ದಂಪತಿಗಳ ಮಹದಾಸೆ. ಅದ್ಯಾವಾಗ ಇವರ ಆಸೆಗೆ ಮುಹೂರ್ತ ಕೂಡಿಬರುತ್ತದೋ ಗೊತ್ತಿಲ್ಲ. ಆದಷ್ಟು ಬೇಗ ಅವರ ಕನಸು ನೆರವೇರಲಿ ಶೀಘ್ರದಲ್ಲೇ ಜೂನಿಯರ್ ಶ್ರೀದೇವಿ ಆಗಮನವಾಗಲಿ ಎಂದು ಆಶಿಸೋಣ. (ಏಜೆನ್ಸೀಸ್)