ಶ್ರೀದೇವಿ ಅನಾರೋಗ್ಯದ ಗುಟ್ಟು ರಟ್ಟು ಮಾಡಿದ ಆತ್ಮೀಯ ಗೆಳತಿ

ಶ್ರೀದೇವಿ ಗೆಳತಿ ಪಿಂಕಿ ರೆಡ್ಡಿ

ಶ್ರೀದೇವಿ ಎಂಟು ವರ್ಷದ ಬಾಲಕಿಯಾಗಿದ್ದಾಗಿನಿಂದಲೂ ಪಿಂಕಿ ರೆಡ್ಡಿ ಪರಿಚಯ. ಇಬ್ಬರೂ ಕ್ಲೋಸ್ ಫ್ರೆಂಡ್ಸ್. ಶ್ರೀದೇವಿ ಜೀವನವನ್ನ ಹತ್ತಿರದಿಂದ ಬಲ್ಲವರ ಪೈಕಿ ಪಿಂಕಿ ರೆಡ್ಡಿ ಕೂಡ ಒಬ್ಬರು. ಶ್ರೀದೇವಿ ನಿಧನ ಸುದ್ದಿ ಕೇಳಿ, ''ನಾನು ನನ್ನ ಸಹೋದರಿಯನ್ನು ಕಳೆದುಕೊಂಡಿದ್ದೇನೆ'' ಎಂದು ಭಾವುಕರಾದರು ಪಿಂಕಿ ರೆಡ್ಡಿ.

ಪಿಂಕಿ ರೆಡ್ಡಿ ತಂದೆ ಕೂಡ ನಿರ್ಮಾಪಕ

ಪಿಂಕಿ ರೆಡ್ಡಿ ತಂದೆ ಕೂಡ 'ಚಾಂದಿನಿ' ಚಿತ್ರದ ಸಹ ನಿರ್ಮಾಪಕರ ಪೈಕಿ ಒಬ್ಬರು. ಹೀಗಾಗಿ, ಶ್ರೀದೇವಿಯ ಸಿನಿ ಜರ್ನಿ ಹಾಗೂ ವೈಯುಕ್ತಿಕ ಬದುಕು ಪಿಂಕಿ ರೆಡ್ಡಿಗೆ ಚೆನ್ನಾಗಿ ಗೊತ್ತು.

ಜ್ವರದಿಂದ ಬಳಲುತ್ತಿದ್ದ ಶ್ರೀದೇವಿ

ದುಬೈ ಹೊರಡುವಾಗ ನಟಿ ಶ್ರೀದೇವಿ ಆರೋಗ್ಯ ಸರಿ ಇರಲಿಲ್ಲ. ಜ್ವರದಿಂದ ಶ್ರೀದೇವಿ ಬಳಲುತ್ತಿದ್ದರು. ''ದುಬೈಗೆ ಹೊರಡುವ ದಿನ ನಾನು ಶ್ರೀದೇವಿ ಜೊತೆ ಮಾತನಾಡಿದ್ದೆ. ಜ್ವರ ಇದೆ, ಮಾತ್ರೆ ತೆಗೆದುಕೊಳ್ಳುತ್ತಿದ್ದೇನೆ. ತುಂಬಾ ಸುಸ್ತು ಆಗುತ್ತಿದೆ. ಆದ್ರೆ, ಮದುವೆಗೆ ಹೋಗಲೇಬೇಕು ಎಂದು ಶ್ರೀದೇವಿ ಹೇಳಿದ್ದರು'' ಎನ್ನುತ್ತಾರೆ ಪಿಂಕಿ ರೆಡ್ಡಿ.

ಬೇಸರ ಆಗಿದೆ

''ಶ್ರೀದೇವಿ ಸಾವಿನ ಸುತ್ತ ಅನುಮಾನ ಹಾಗೂ ಏನೇನೋ ಊಹಾಪೋಹ ಕೇಳಿಬರುತ್ತಿದೆ. ಅದನ್ನೆಲ್ಲ ನೋಡಿ ಮನಸ್ಸಿಗೆ ಬೇಸರ ಆಗಿದೆ. ಸಿಟ್ಟು ಕೂಡ ಬರುತ್ತಿದೆ'' ಅಂತಾರೆ ಪಿಂಕಿ ರೆಡ್ಡಿ.

ದಿಗ್ಬ್ರಮೆಗೊಂಡ ಬೋನಿ ಕಪೂರ್

''ಬೋನಿ ಕಪೂರ್ ಜೊತೆಗೆ ನಿನ್ನೆಯಷ್ಟೇ ಮಾತನಾಡಿದೆ. ಅವರು ದಿಗ್ಭ್ರಮೆಗೊಂಡಿದ್ದಾರೆ'' - ಪಿಂಕಿ ರೆಡ್ಡಿ