ಒಡೆದ ಕಪೂರ್ ಕುಟುಂಬ ಒಂದಾಗಿಸಿದ ಶ್ರೀದೇವಿ ಸಾವು!

ತಂದೆಯ ಸಹಾಯ ಕೇಳದ ಅರ್ಜುನ್, ಅನ್ಷುಲಾ

ತಮ್ಮ ತಾಯಿ ಮೋನಾ ಕಪೂರ್ ತೀರಿಕೊಂಡ ಬಳಿಕ ಸ್ವತಂತ್ರವಾಗಿ ಅರ್ಜುನ್ ಕಪೂರ್ ಹಾಗೂ ಅನ್ಷುಲಾ ಬದುಕುತ್ತಿದ್ದಾರೆ. ಎಂದೂ ತಂದೆ ಬೋನಿ ಕಪೂರ್ ಸಹಾಯ ಕೇಳಿಲ್ಲ.

ತಂದೆ ಜೊತೆಯಾದ ಅರ್ಜುನ್

ಶ್ರೀದೇವಿ ಸಾವಿನ ಬಳಿಕ ಎಲ್ಲ ಮನಸ್ತಾಪ, ಭಿನ್ನಾಭಿಪ್ರಾಯ ಮರೆತು ಬೋನಿ ಕಪೂರ್ ಗೆ ಅರ್ಜುನ್ ಕಪೂರ್ ಹತ್ತಿರವಾಗಿದ್ದಾರೆ. ತಮ್ಮ 'ನಮಸ್ತೆ ಇಂಗ್ಲೆಂಡ್' ಶೂಟಿಂಗ್ ನಡೆಯುತ್ತಿದ್ದರೂ, ಅದನ್ನ ಅರ್ಧಕ್ಕೆ ಬಿಟ್ಟು ನಿನ್ನೆ ಬೆಳಗ್ಗೆ ಅರ್ಜುನ್ ಕಪೂರ್ ದುಬೈಗೆ ಹಾರಿದ್ದರು. ದುಬೈನಲ್ಲಿ ತಂದೆ ಜೊತೆಯಾದ ಅರ್ಜುನ್ ಕಪೂರ್, ಶ್ರೀದೇವಿ ಪಾರ್ಥೀವ ಶರೀರದೊಂದಿಗೆ ಮುಂಬೈಗೆ ಆಗಮಿಸಿದರು.

ಹೆಣ್ಮಕ್ಕಳೆಲ್ಲ ಒಂದಾದರು

ಜಾಹ್ನವಿ ಹಾಗೂ ಖುಷಿ ಜೊತೆಗೆ ಎಂದೂ ಮಾತೇ ಆಡಿರದ ಬೋನಿ ಕಪೂರ್ ಮೊದಲ ಪತ್ನಿಯ ಪುತ್ರಿ ಅನ್ಷುಲಾ, ಶ್ರೀದೇವಿ ಸಾವಿನ ಬಳಿಕ ಜಾಹ್ನವಿ ಹಾಗೂ ಖುಷಿಗೆ ಆತ್ಮ ಸ್ಥೈರ್ಯ ತುಂಬಿದ್ದಾರೆ. ಮೂವರೂ ಬೋನಿ ಸಹೋದರ ಅನಿಲ್ ಕಪೂರ್ ನಿವಾಸದಲ್ಲೇ ಒಟ್ಟಿಗೆ ಇದ್ದಾರೆ.

ಮೋನಾ ಕಪೂರ್ ನಿಧನರಾದಾಗ...

2012 ರಲ್ಲಿ ಮೋನಾ ಕಪೂರ್ ನಿಧನರಾದಾಗ, ಅಂತಿಮ ದರ್ಶನ ಪಡೆಯಲು ಶ್ರೀದೇವಿ ಆಗಲಿ, ಪುತ್ರಿಯರಾದ ಜಾಹ್ನವಿ, ಖುಷಿ ಬಂದಿರಲಿಲ್ಲ.

ಒಂದಾದ ಕುಟುಂಬ

ಶ್ರೀದೇವಿ ಆಗಮನದಿಂದ ಒಡೆದಿದ್ದ ಕಪೂರ್ ಕುಟುಂಬ ಇಂದು ಶ್ರೀದೇವಿ ಸಾವಿನ ಬಳಿಕ ಒಂದಾಗಿದೆ. ಶ್ರೀದೇವಿ ಅಂತಿಮ ಸಂಸ್ಕಾರದಲ್ಲಿ ಅರ್ಜುನ್ ಕಪೂರ್ ಹಾಗೂ ಅನ್ಷುಲಾ ಕೂಡ ಭಾಗವಹಿಸಲಿದ್ದಾರೆ. ಇಬ್ಬರು ಹೆಂಡತಿಯರನ್ನೂ ಕಳೆದುಕೊಂಡಿರುವ ಬೋನಿ ಕಪೂರ್ ಗೆ ಈಗ ನಾಲ್ವರು ಮಕ್ಕಳೇ ದಿಕ್ಕು.