ಸಲ್ಮಾನ್ ಚಿತ್ರದ ದಾಖಲೆ ಮುರಿದ ಶಾರುಖ್ ಎಕ್ಸ್ ಪ್ರೆಸ್

ವಿಮರ್ಶೆಗೆ ಸೆಡ್ಡು ಹೊಡೆದ ಚಿತ್ರ

ಶಾರುಖ್ ಖಾನ್- ದೀಪಿಕಾ ಪಡುಕೋಣೆ ಯಶಸ್ವಿ ಜೋಡಿಯೊಂದಿಗೆ ರೋಹಿತ್ ಶೆಟ್ಟಿ ನೀಡಿರುವ ಮಸಾಲೆ ಭರಿತ ಮನರಂಜನೆ ಚಿತ್ರ ಚೆನ್ನೈ ಎಕ್ಸ್ ಪ್ರೆಸ್ ಜಾಸ್ತಿ ಹತ್ತಬೇಡಿ ಎಂದು ವಿಮರ್ಶಕರು ಎಚ್ಚರಿಕೆ ನೀಡಿದ್ದರು., ಆದರೆ, ಮನರಂಜನೆ ಮುಖ್ಯವಾಗಿರಬೇಕಾದರೆ ಪ್ರೇಕ್ಷಕರು ರಜಾ ದಿನಗಳಲ್ಲಿ ಮುಗಿ ಬಿದ್ದು ಚಿತ್ರಮಂದಿರಕ್ಕೆ ನುಗ್ಗಿ ಮತ್ತೆ ಮತ್ತೆ ಚೆನ್ನೈ ಎಕ್ಸ್ ಪ್ರೆಸ್ ನಲ್ಲಿ ಪ್ರಯಾಣಿಸಿದ್ದಾರೆ.

ಮೊದಲವಾರ ಸರ್ವಕಾಲಿಕ ದಾಖಲೆ

ಮೊದಲ ವಾರದಲ್ಲೇ ದೇಶಿ ಮಾರುಕಟ್ಟೆಯಲ್ಲಿ 100.42 ಕೋಟಿ ರು ನಿವ್ವಳ ಲಾಭ ಗಳಿಸಿತ್ತು. ವಾರದ ದಿನಗಳಲ್ಲೂ ಭರ್ಜರಿ ಗಳಿಕೆ ಮುಂದುವರೆಸಿ ಸೋಮವಾರ, ಮಂಗಳ ವಾರ ಹಾಗೂ ಬುಧವಾರ ಸೇರಿದಂತೆ 34.37 ಕೋಟಿ ರು ಗಳಿಸಿತ್ತು. ಒಟ್ಟಾರೆ 156.70 ಕೋಟಿ ರು ಗಳಿಸಿದ್ದು ಅಭೂತಪೂರ್ವ ದಾಖಲೆಯಾಗಿದೆ.

ಫೈಟ್ ನೀಡದ ಅಕ್ಷಯ್ ಚಿತ್ರ

ಒನ್ಸ್ ಅಪನ್ ಎ ಟೈಮ್ ಇನ್ ಮುಂಬೈ ದೊಬಾರಾ ಆ.15 ರಂದು ಬಿಡುಗಡೆಗೊಂಡ ಮೇಲೆ ಚೆನ್ನೈ ಎಕ್ಸ್ ಪ್ರೆಸ್ ಗಳಿಕೆ ಶೇ 60 ರಷ್ಟು ಇಳಿಕೆಯ ನಿರೀಕ್ಷೆ ಇತ್ತು. ಚಿತ್ರಮಂದಿರಗಳ ಹಂಚಿಕೆ ಇದಕ್ಕೆ ಕಾರಣವಾಗಿತ್ತ್ತು.

ಆದರೆ, ಎರಡನೇ ವಾರ ಕೂಡಾ 50 ಕೋಟಿ ರು ಗೂ ಅಧಿಕ ಗಳಿಕೆ ಮಾಡಿದ ಶಾರುಖ್ ಚಿತ್ರ ಭರ್ಜರಿಯಾಗಿ ಮುನ್ನುಗ್ಗುತ್ತಿದೆ. ಅಕ್ಷಯ್ ಚಿತ್ರ ಕೂಡಾ ವಿಮರ್ಶಕರಿಂದ ಟೀಕೆಗೆ ಒಳಗಾಗಿದೆ. ಚಿತ್ರದ ವಿಮರ್ಶೆ ಓದಿ

ಎರಡನೇ ವಾರದ ಗಳಿಕೆ

ಎರಡನೇ ವಾರ ಒಟ್ಟು 44.1 ಕೋಟಿ ರು ನಿವ್ವಳ( 25.23 ಕೋಟಿ ವಾರಾಂತ್ಯದಲ್ಲಿ ಹಾಗೂ ವಾರದ ದಿನಗಳಲ್ಲಿ 18.87 ಕೋಟಿ ರು) ದೇಶಿ ಮಾರುಕಟ್ಟೆಯಲ್ಲಿ ಗಳಿಸಿದೆ.

ಒಟ್ಟಾರೆ 14 ದಿನಗಳ ನಂತರ ದೇಶಿ ಮಾರುಕಟ್ಟೆಯಲ್ಲಿ 200.80 ಕೋಟಿ ರು ಗಳಿಸಿದೆ. ಶುಕ್ರವಾರ 6.50 ಕೋಟಿ, ಶನಿವಾರ 8.51 ಕೋಟಿ ರು, ಭಾನುವಾರ 10.22 ಕೋಟಿ ರು ಗಳಿಕೆ ಕಂಡಿದೆ.

ಸರ್ವಕಾಲಿಕ ದಾಖಲೆ

ಅತಿ ವೇಗವಾಗಿ 200 ಕೋಟಿ ರು ಗಳಿಕೆ ಕಂಡಿದ್ದ ಸಲ್ಮಾನ್ ಖಾನ್ ಹಾಗೂ ಕತ್ರೀನಾ ಕೈಫ್ ಚಿತ್ರ ಎಕ್ ಥಾ ಟೈಗರ್ ದಾಖಲೆಯನ್ನು ಚೆನ್ನೈ ಎಕ್ಸ್ ಪ್ರೆಸ್ ಮುರಿದಿದೆ. ಈಗ 15ದಿನಕ್ಕೆ ಕಾಲಿಟ್ಟ ಮೇಲೆ ಅಮೀರ್ ಖಾನ್ ಅವರ 3 ಈಡಿಯಟ್ಸ್ ಚಿತ್ರದ ದಾಖಲೆ ಮೊತ್ತ 202 ಕೋಟಿ ರು ಗಳಿಸಿ ಶಾರುಖ್ ಖಾನ್ ಚಿತ್ರ ಹೊಸ ದಾಖಲೆ ನಿರ್ಮಿಸಿದೆ.