ತಪ್ಪಾಯಿತು ಕ್ಷಮಿಸಿ, ನನ್ನ ಕುಟುಂಬವನ್ನು ಬಿಟ್ಟುಬಿಡಿ: ಕೈ ಮುಗಿದ ಕಮಿಡಿಯನ್

ಸೂಕ್ಷ್ಮ ವಿಷಯಗಳ ಮೇಲೆ ಹಾಸ್ಯ

ಧರ್ಮ ಸೇರಿದಂತೆ ಹಲವು ಸೂಕ್ಷ್ಮ ವಿಷಯಗಳ ಮೇಲೆ ಹಾಸ್ಯ ಮಾಡುತ್ತಿದ್ದ ರೋಹನ್ ಜೋಷಿ ಮತ್ತು ಆತನ ಎಐಬಿ ಗೆಳೆಯರ ವಿರುದ್ಧ ಈಗಾಗಲೇ ಕೆಲವು ದೂರುಗಳು ಕೇಳಿಬಂದಿದ್ದವು. ಇದೀಗ ಅವರ ಫೋನ್ ನಂಬರ್ ಬಹಿರಂಗವಾದ ಬಳಿಕ ನಡುರಾತ್ರಿಗಳಲ್ಲೆಲ್ಲಾ ಜನರು ಕರೆ ಮಾಡಿ ಬೆದರಿಕೆ ಹಾಕುತ್ತಿದ್ದಾರಂತೆ.

ಬೇಷರತ್ ಆಗಿ ಕ್ಷಮೆ ಯಾಚಿಸಿದ ಕಾಮಿಡಿಯನ್

ಸಾಮಾಜಿಕ ಜಾಲತಾಣ ಖಾತೆ ನಿಷ್ಕ್ರಿಯಗೊಳಿಸುವ ಮುನ್ನಾ ಪತ್ರ ಪ್ರಕಟಿಸಿರುವ ರೋಹನ್, 'ಯಾರದ್ದಾದರೂ ಭಾವನೆಗಳನ್ನು ನನ್ನ ಮಾತಿನಿಂದ ಘಾಸಿಗೊಳಿಸಿದ್ದಾರೆ ನನ್ನನ್ನು ಕ್ಷಮಿಸಿಬಿಡಿ, ನನ್ನ ಮಾತಿನಿಂದ ಯಾರದ್ದಾದರೂ ಧಾರ್ಮಿಕ ಭಾವನೆ ಘಾಸಿಯಾಗಿದ್ದರೆ ನಾನೂ ಬೇಷರತ್ ಕ್ಷಮೆ ಕೋರುತ್ತಿದ್ದೇನೆ' ಎಂದಿದ್ದಾರೆ.

ನನ್ನ ಕುಟುಂಬವನ್ನು ನೆಮ್ಮದಿಯಾಗಿರಲು ಬಿಡಿ: ಮನವಿ

'ನನ್ನ ಫೋನ್ ನಂಬರ್, ಮನೆ ವಿಳಾಸ ಬಹಿರಂಗವಾದ ಬಳಿಕ ನಡುರಾತ್ರಿ ಬೆದರಿಕೆ ಕರೆಗಳು ಬರುತ್ತಿವೆ. ನಾನು ಕ್ಷಮಾಪಣೆ ಕೋರುತ್ತೇನೆ, ನನ್ನ ಕುಟುಂಬವನ್ನು ನೆಮ್ಮದಿಯಾಗಿರಲು ಬಿಟ್ಟು ಬಿಡಿ' ಎಂದು ರೋಹನ್ ಕೈಮುಗಿದಿದ್ದಾರೆ.

2012 ರಲ್ಲಿ ಸ್ಥಾಪನೆಯಾಗಿದ್ದ ಎಐಬಿ

ರೋಹನ್ ಜೋಷಿ, ಗುರುಸಿಮ್ರನ್ ಕಂಬಾ, ತನ್ಮಯ್ ಭಟ್, ಆಶೀಷ್ ಶಾಕ್ಯಾ ಅವರುಗಳು ಸೇರಿ 2012 ರಲ್ಲಿ ಎಐಬಿ ಸ್ಥಾಪಿಸಿದ್ದರು. ಮೊದಲಿಗೆ ಕಾಮಿಡಿ ಶೋ, ಯೂಟ್ಯೂಬ್ ಹಾಸ್ಯ ಶೋಗಳನ್ನು ಮಾಡುತ್ತಿದ್ದ ಈ ತಂಡ ಕೊನೆಗೆ ಸಿನಿಮಾ ಸಹ ನಿರ್ಮಿಸಿತು. ಆದರೆ ಗುರುಸಿಮ್ರನ್ ಕಂಬಾ ಮತ್ತು ಉತ್ಸವ್ ಚಕ್ರವರ್ತಿ ವಿರುದ್ಧ ಲೈಂಗಿಕ ದೌರ್ಜನ್ಯ ಆರೋಪ ಬಂದ ನಂತರ ಎಐಬಿ ಒಡೆದು ಹೋಗಿ, ಒಬ್ಬೊಬ್ಬರು ಒಂದೊಂದು ದಾರಿ ಆಗಿದ್ದಾರೆ.