Don't Miss!
- News ಹಾಸನದಲ್ಲಿ ಬಿಜೆಪಿಯ ಸಹಕಾರವಿಲ್ಲ, ಮಂಡ್ಯದಲ್ಲಿ ಸುಮಲತಾ ಸಹಾಯ ಮಾಡಿಲ್ಲ: ಮತ್ತೆ ಸಂಕಷ್ಟದಲ್ಲಿ ದಳಪತಿ
- Lifestyle ಮಳೆ ನಿರೀಕ್ಷೆಯಲ್ಲಿದ್ದವರಿಗೆ ಶಾಕ್ ಕೊಟ್ಟ ಹವಾಮಾನ ಇಲಾಖೆ..!
- Automobiles Tata: ಒಬ್ಬರೇ ಬಂದು 2 ಸಾವಿರ ಟಾಟಾ ಎಲೆಕ್ಟ್ರಿಕ್ ಕಾರುಗಳನ್ನು ಖರೀದಿಸಿ ಹೋಗಿಬಿಟ್ಟರು!
- Technology ಮೇ 1 ರಂದು ವಿವೋ T3x 5G ಮೊಬೈಲ್ ಮತ್ತೆ ಖರೀದಿಗೆ ಲಭ್ಯ!..ಅಗ್ಗದ ಬೆಲೆ ಇದೆ!
- Finance ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ
- Sports IPL 2024: ಎಸ್ಆರ್ಹೆಚ್ ಸಂಘಟಿತ ಆಟಕ್ಕೆ ಬ್ರೇಕ್ ಹಾಕಲು ಆರ್ಸಿಬಿ ಏನು ಮಾಡಬೇಕು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಸನ್ನಿ ಲಿಯೋನ್ 'ಜಿಸ್ಮ್ 2' ಪ್ರೇಕ್ಷಕರಿಗೇಕೆ ಇಷ್ಟವಾಗಿಲ್ಲ!
ಪೋಲಿ ಚಿತ್ರಗಳ ತಾರೆ ಸನ್ನಿ ಲಿಯೋನ್ ನಟಿಸಿರುವ ಬಾಲಿವುಡ್ ಚಿತ್ರ 'ಜಿಸ್ಮ್ 2', 03 ಆಗಸ್ಟ್ 2012 ದೇಶಾದ್ಯಂತ ಬಿಡುಗಡೆಯಾಗಿದೆ. ಸೆಟ್ಟೇರಿದ ದಿನದಿಂದಲೂ ಸನ್ನಿ ಮೇನಿಯಾ ದೇಶಾದ್ಯಂತ ಹಬ್ಬಿತ್ತು, ಚಿತ್ರಕ್ಕೆ ಭಾರಿ ಹೈಪ್ ಕ್ರಿಯೇಟ್ ಆಗಿತ್ತು. ಆದರೆ ಬಿಡುಗಡೆ ಬಳಿಕ ಚಿತ್ರ ಅಂದುಕೊಂಡಷ್ಟು ಪ್ರತಿಕ್ರಿಯೆ ಪ್ರೇಕ್ಷಕರ ಕಡೆಯಿಂದ ಜಿಸ್ಮ್ 2 ಚಿತ್ರಕ್ಕೆ ಲಭಿಸಲಿಲ್ಲ. ಕಾರಣವೇನು?
ಇದಕ್ಕೆ ಉತ್ತರ ಸ್ಪಷ್ಟವಾಗಿ ಹೇಳಲಾಗದಿದ್ದರೂ ಬಾಲಿವುಡ್ ಪಂಡಿತರು ಹಾಗೂ ಗಾಂಧಿನಗರದ ಕೆಲವರ ಪ್ರಕಾರ ಅದಕ್ಕೆ ಕಾರಣ ಸನ್ನಿ ಲಿಯೋನ್. ಅಂದರೆ, ಪ್ರೇಕ್ಷಕರು ಸನ್ನಿ ಲಿಯೋನ್ ಅವರನ್ನು ಈ ರೀತಿಯಲ್ಲಿ ನೋಡಲು ಇಷ್ಟಪಟ್ಟಿರಲಿಲ್ಲ. ಸನ್ನಿ ಲಿಯೋನ್ ಚಿತ್ರವೆಂದರೆ ಅದು ಪಡ್ಡೆಗಳ ಪಾಲಿನ ಮೃಷ್ಟಾನ್ನ ಎಂದುಕೊಂಡಿದ್ದರು. ಆದರೆ ಆಗಿದ್ದೇ ಬೇರೆ! ಸನ್ನಿ ಲಿಯೋನ್ ಬಾಲಿವುಡ್ ನಟಿಯರಂತೆ ಕಾಣಿಸಿಕೊಂಡಿದ್ದಾರೆ.
ಪೂಜಾ ಭಟ್ ನಿರ್ದೇಶನದ 'ಜಿಸ್ಮ್-2' ಕ್ಲಾಸ್ ಚಿತ್ರದಂತಿದೆ. ಚಿತ್ರದ ಸಬ್ಜೆಕ್ಟ್ ಗೆ ಎಷ್ಟು ಬೇಕೋ ಅಷ್ಟು ಮಾತ್ರ 'ಎಕ್ಸ್ ಪೋಸಿಂಗ್' ಅನ್ನು ಸನ್ನಿಯಿಂದ ಪಡೆದಿದ್ದಾರೆ ಪೂಜಾ ಭಟ್. ನೀಲಿ ಚಿತ್ರತಾರೆಯನ್ನು ಬಳಸಿಕೊಂಡು 'ನೀಲಿ ಚಿತ್ರ' ಮಾಡುವ ಬದಲು ಬಾಲಿವುಡ್ ಚಿತ್ರ ಮಾಡಿದ್ದಾರೆ. ತಮ್ಮ ಚಿತ್ರದಲ್ಲಿ ವಯಸ್ಕರ ಚಿತ್ರತಾರೆಯನ್ನು ಬಳಸಿಕೊಂಡಿದ್ದರೂ ಚಿತ್ರವನ್ನು ತಮ್ಮಿಷ್ಟದಂತೆ ಕ್ಲಾಸ್ ಆಗಿಸಿದ್ದಾರೆ.
ಇದೇ ಪಡ್ಡೆಗಳ ಪಾಲಿಗೆ ಸಮಸ್ಯೆ ಎನಿಸಿದೆ. ಈ ರೀತಿಯ ಸಾಕಷ್ಟು ಚಿತ್ರಗಳನ್ನು ಈಗಾಗಲೇ ನೋಡಿರುವ ಪಡ್ಡೆಗಳಿಗೆ ಇದು ಹತ್ತರ ಜೊತೆ ಹನ್ನೊಂದು ಎಂಬಂತಾಗಿದೆ. ಹೀಗಾಗಿ ಪಡ್ಡೆಗಳ ಬಾಯಿಂದ ಬರಲಿರುವ ಪ್ರೇಕ್ಷಕರ ಕಿವಿಗೆ ಚಿತ್ರದ ಬಗ್ಗೆ ನೆಗೆಟಿವ್ ಪ್ರತಿಕ್ರಿಯೆ ಹರಡಿ ಚಿತ್ರವನ್ನು ನೋಡಲು ಪ್ರೇಕ್ಷಕರು ಹಿಂದೇಟು ಹಾಕುತ್ತಿದ್ದಾರೆ. ಅಡ್ವಾನ್ಸ್ ಬುಕ್ಕಿಂಗ್ ಮಾಡಿದ್ದ ಕೆಲವರು ಚಿತ್ರಮಂದಿರದತ್ತ ಸುಳಿಯಲೇ ಇಲ್ಲ.
ಸ್ವತಃ ಸನ್ನಿ ಲಿಯೋನ್ ತಮ್ಮ ನಟನೆಯ ಜಿಸ್ಮ್ 2 ನೋಡಿ ಗಳಗಳನೇ ಅತ್ತುಬಿಟ್ಟದ್ದರಂತೆ. ಕಣ್ಣೀರು ಕೋಡಿ ಹರಿಸಿರುವ ಸನ್ನಿಗೆ ಈ ಬಗ್ಗೆ ಪ್ರಶ್ನೆ ಕೇಳಲಾಗಿ, "ನಾನು ನನ್ನ ಕುಟುಂಬದ ಜೊತೆ ನೋಡಬಹುದಾದ ಚಿತ್ರ ಇದೊಂದೇ. ಅದಕ್ಕೆ ಈ ಸಂತೋಷದ ಕಣ್ಣೀರು" ಎಂದಿದ್ದರು ಸನ್ನಿ ಲಿಯೋನ್. ಆಗಲೇ ಸಾಕಷ್ಟು ಜನರಿಗೆ ಚಿತ್ರ ಸನ್ನಿ ಲಿಯೋನ್ ಚಿತ್ರವಲ್ಲ. ಕ್ಲಾಸ್ ಆಗಿದೆ ಎಂಬ ಅನುಮಾನ ಮೂಡಿತ್ತು, ಅದೀಗ ನಿಜವಾಗಿದೆ.
ಸನ್ನಿ ತಮ್ಮ ವೃತ್ತಿಜೀವನದಲ್ಲಿ ಬದಲಾವಣೆ ಬಯಸಿ ವಯಸ್ಕರ ಚಿತ್ರಗಳಿಗಿಂತ ವಿಭಿನ್ನವಾದ ಬಾಲಿವುಡ್ ಚಿತ್ರದಲ್ಲಿ ನಟಿಸಿ ಖುಷಿಪಟ್ಟಿದ್ದರೂ ಸನ್ನಿ ಲಿಯೋನ್ ಅಭಿಮಾನಿಗಳು ಸನ್ನಿಯಲ್ಲಿ ಈ ಬದಲಾವಣೆಯನ್ನು ನಿರೀಕ್ಷಿಸಿರಲಿಲ್ಲ. ಸನ್ನಿಯಲ್ಲಾದ ಚೇಂಜ್ ಅವರ ಅಭಿಮಾನಿಗಳಿಗೆ ಇಷ್ಟವಾಗಿಲ್ಲ ಎನ್ನಬಹುದು. ಹೀಗಾಗಿ ಸನ್ನಿ ಚಿತ್ರಕ್ಕೆ ಅಂದುಕೊಂಡಷ್ಟು ಪ್ರತಿಕ್ರಿಯೆ ಮೊದಲೆರಡು ದಿನ ದೊರೆತಿಲ್ಲ. ಮುಂದಿನದನ್ನು ಕಾದು ನೋಡಬೇಕಿದೆ. (ಏಜೆನ್ಸೀಸ್)