ಎಲ್ಲಾ ಸತ್ಯ ಹೊರಹಾಕಲಿದೆ ಸುಶಾಂತ್ ಸಿಂಗ್ ಡೈರಿ: ಈಗೆಲ್ಲಿದೆ ಆ ಡೈರಿ?

ಸುಶಾಂತ್‌ ಗೆ ಡೈರಿ ಬರೆಯುವ ಅಭ್ಯಾಸವಿತ್ತು

ಸುಶಾಂತ್ ಸಿಂಗ್‌ ಗೆ ಡೈರಿ ಬರೆಯುವ ಅಭ್ಯಾಸವಿತ್ತು. ಡೈರಿ ಮಾತ್ರವಲ್ಲ ಆತ ತನ್ನಿಷ್ಟದ ವ್ಯಕ್ತಿಗಳ ಬಗ್ಗೆ, ತಾನು ಮುಂದೆ ಮಾಡಬೇಕಾದ ಕಾರ್ಯಗಳ ಬಗ್ಗೆ. ತನಗೆ ಆಸಕ್ತಿ ಎನಿಸಿದ ವಿಷಯಗಳ ಬಗ್ಗೆ ಬರೆದಿಡುತ್ತಿದ್ದ.

'ಡೈರಿಯ ಕೊನೆಯ ಕೆಲ ಪೇಜುಗಳಲ್ಲಿ ಸತ್ಯವಿದೆ'

ಸುಶಾಂತ್ ಸಿಂಗ್ ಬರೆದಿದ್ದ ಆ ಡೈರಿ ದೊರಕಿದರೆ ಎಲ್ಲಾ ಸತ್ಯವು ಹೊರಗೆ ಬರಲಿದೆ. ಈ ಮಾತನ್ನು ಸ್ವತಃ ಸುಶಾಂತ್ ತಂದೆಯ ಪರ ವಕೀಲರೆ ಹೇಳಿದ್ದಾರೆ. 'ಸುಶಾಂತ್ ಸಿಂಗ್ ಡೈರಿಯ ಕೊನೆಯ ಕೆಲವು ಪುಟಗಳಲ್ಲಿ ಎಲ್ಲಾ ಸತ್ಯ ಅಡಗಿದೆ' ಎಂದಿದ್ದಾರೆ ಅವರು.

ಫೋನ್ ಕರೆ ಮಾಹಿತಿ, ಸುಶಾಂತ್ ಸಾವಿನ ಚಿತ್ರಗಳು ಮುಖ್ಯ

ಮುಂದುವರೆದು ಮಾತನಾಡಿರುವ ವಕೀಲ ವಿಕಾಸ್ ಸಿಂಗ್, 'ಸುಶಾಂತ್ ಸಾವಿನ ನಂತರ ಘಟನೆ ಸ್ಥಳದ ಚಿತ್ರಗಳು, ಸುಶಾಂತ್ ಸಿಂಗ್ ನ ಹಾಗೂ ಆರೋಪಿಗಳ, ಅನುಮಾನಿತರ ಫೋನ್ ಕರೆ ಮಾಹಿತಿಗಳು ಇವೆಲ್ಲವೂ ಮುಖ್ಯವಾಗಿದ್ದು, ಇವು ಪ್ರಕರಣವನ್ನು ಸತ್ಯದ ಕಡೆಗೆ ಕರೆದೊಯ್ಯುತ್ತವೆ' ಎಂದಿದ್ದಾರೆ.

ಈಗ ಡೈರಿ ಎಲ್ಲಿದೆ?

ಇತ್ತೀಚೆಗಷ್ಟೆ ಸುಶಾಂತ್ ಸಿಂಗ್ ಡೈರಿಯ ಒಂದು ಹಾಳೆಯ ಚಿತ್ರವನ್ನು ರಿಯಾ ಚಕ್ರವರ್ತಿ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದರು. ಸುಶಾಂತ್ ಸಿಂಗ್ ಡೈರಿ ರೆಹಾ ಬಳಿ ಇದೆ ಎಂದೇ ಎಲ್ಲರೂ ಅಂದುಕೊಂಡಿದ್ದರು. ಆದರೆ ಅದು ಮುಂಬೈ ಪೊಲೀಸರ ಬಳಿ ಇದೆ. ಅದನ್ನು ಸಿಬಿಐ ಸಹ ತಪಾಸಣೆ ಮಾಡಲಿದೆ.