ಸುಷ್ಮಿತಾ ಸೇನ್: ಬ್ರೇಕಪ್ ಬಳಿಕ ಗಂಡು ಮಗು ದತ್ತು ಪಡೆದ ನಟಿ!

ಗಂಡು ಮಗುವನ್ನು ದತ್ತು ಪಡೆದ ಸುಷ್ಮಿತಾ ಸೇನ್!

ಈ ಮೊದಲು ನಟಿ ಸುಷ್ಮಿತಾ ಸೇನ್ ಇಬ್ಬರು ಹೆಣ್ಣು ಮಕ್ಕಳನ್ನು ದತ್ತು ಪಡೆದುಕೊಂಡಿದ್ದರು. ಈಗ ಮೂರನೇ ಮಗುವನ್ನು ದತ್ತು ಪಡೆದಿದ್ದಾರೆ. ಆದರೆ ಈ ಬಾರಿ ಸುಷ್ಮಿತಾ ಗಂಡು ಮಗುವನ್ನು ದತ್ತು ಪಡೆದುಕೊಂಡಿದ್ದಾರೆ. ತಮ್ಮ ಇಬ್ಬರು ದತ್ತು ಮಕ್ಕಳಾದ ರೀನಾ ಮತ್ತು ಅಲಿಸಾ ಜೊತೆಗೆ ತನ್ನ ಹೊಸ ಗಂಡು ಮಗುವಿನ ಜೊತೆಗೆ ಫೊಟೋಗೆ ಪೋಸ್‌ ಕೊಟ್ಟಿದ್ದಾರೆ ಸುಷ್ಮಿತಾ ಸೇನ್.

11 ವರ್ಷದ ಬಳಿಕ 3ನೇ ಮಗು ದತ್ತು ಪಡೆದ ನಟಿ!

ನಟಿ ಸುಷ್ಮಿತಾ ಸೇನ್‌ ತನಗೆ 24 ವರ್ಷ ಇದ್ದಾಗ ಮೊದಲ ಮಗು ರೀನಾಳನ್ನು ದತ್ತು ಪಡೆದಿದ್ದಾರೆ. ಅದು 2000 ಇಸವಿಯಲ್ಲಿ. ನಂತರ 2010ರಲ್ಲಿ ಎರಡನೇ ಮಗು ಅಲಿಸಾಳನ್ನು ದತ್ತು ಪಡೆದಿದ್ದಾರೆ. ಈಗ 11 ವರ್ಷದ ಬಳಿಕ ಮತ್ತೊಂದು ಮಗುವನ್ನು ಸುಷ್ಮಿತಾ ದತ್ತು ಪಡೆದುಕೊಂಡಿದ್ದಾರೆ. ಬಹುಶಃ ಸುಷ್ಮಿತಾ ಅವರು ಮಕ್ಕಳ ಜೊತೆಗೆ ಅತಿ ಹೆಚ್ಚಾಗಿ ಸಂತಸದಿಂದ ಇರುತ್ತಾರೆ ಎನಿಸುತ್ತೆ. ಹಾಗಾಗಿ ಮತ್ತೊಂದು ಮಗುವನ್ನು ದತ್ತು ಪಡೆದುಕೊಂಡಿದ್ದಾರೆ. ಸುಷ್ಮಿತಾಳ ಈ ನಡೆಗೆ ಭಾರಿ ಪ್ರಶಂಸೆ ವ್ಯಕ್ತವಾಗಿದೆ.

ಮದುವೆಗೆ ಗುಡ್‌ ಬೈ ಹೇಳಿದರ ಸುಷ್ಮಿತಾ!

ಇನ್ನು ನಟಿ ಸುಷ್ಮಿತಾ ಸೇನ್‌ ಮದುವೆ ಆಗಿಲ್ಲ. ಮೊದಲಿಂದಲೂ ತನ್ನ ದತ್ತು ಮಕ್ಕಳ ಜೊತೆಗೆ ಸಂತೋಷವಾಗಿ ಇದ್ದಾರೆ. ಆದರೆ ಕೆಲವು ವರ್ಷಗಳಿಂದ ರೋಹ್‌ಮನ್ ಶಾಲ್ ಜೊತೆಗೆ ಪ್ರೀತಿಯಲ್ಲಿ ಇದ್ದರು ಸುಷ್ಮಿತಾ. ಹಾಗಾಗಿ ಸುಷ್ಮಿತಾ ರೋಹ್‌ಮನ್ ಶಾಲ್ ಅವರನ್ನು ಮದುವೆ ಆಗುತ್ತಾರೆ ಎನ್ನಲಾಗಿತ್ತು. ಆದರೆ ಅದು ಸಾಧ್ಯವಾಗಿಲ್ಲ. ಸುಷ್ಮಿತಾ ರೋಹ್‌ಮನ್ ಅವರಿಂದ ದೂರಾಗಿದ್ದಾರೆ. ಈಗ ಮತ್ತೊಂದು ಮಗುವನ್ನು ದತ್ತು ಪಡೆದು, ಮಗುವಿನ ಲಾಲನೆ ಪಾಲನೆಯಲ್ಲಿ ತೊಡಗಿದ್ದಾರೆ.

ಕೊನೆಯದಾಗಿ ವೆಬ್ ಸರಣಿಯಲ್ಲಿ ಕಾಣಿಸಿಕೊಂಡ ನಟಿ!

ಮಿಸ್ ಯುನಿವರ್ಸ್ ಕಿರೀಟ ತೊಟ್ಟಿದ್ದ ನಟಿ ಸುಷ್ಮಿತಾ ಸೇನ್ ಈಗ ಮಾದರಿ ಆಗುವ ಕೆಲಸ ಮಾಡಿದ್ದಾರೆ. ಇತ್ತ ಚಿತ್ರಗಳಲ್ಲೂ ಕೂಡ ಸುಷ್ಮಿತಾ ಸೇನ್ ಬ್ಯುಸಿ ಆಗುತ್ತಿದ್ದಾರೆ. ಮತ್ತೆ ಸಿನಿಮಾಗಳಲ್ಲಿ ಅಭಿಯಿಸಲು ಮುಂದಾಗಿದ್ದಾರೆ. ಕೊನೆಯದಾಗಿ ಆಕೆ 'ಆರ್ಯ' ವೆಬ್‌ ಸರಣಿಯಲ್ಲಿ ಕಾಣಿಸಿಕೊಂಡಿದ್ದಾರೆ.