34 ದಾಟಿದ್ರೂ ಬಾಲಿವುಡ್ ನಟಿಯರು ಏನ್ ಬ್ಯೂಟಿ ಅಂತೀನಿ

ಐಶ್ವರ್ಯ ರೈ ಬಚ್ಚನ್

ಹುಟ್ಟಿದ್ದು 01.11.1973 ರಂದು, ಅಂದರೆ ಹೆಚ್ಚುಕಮ್ಮಿ ನಮ್ಮ ಕರಾವಳಿದ ಪೊಣ್ಣುಗು ನಲವತ್ತು ವರ್ಷ. ಬಚ್ಚನ್ ಕುಟುಂಬದ ಸೊಸೆಯಾಗಿರುವ ಈಕೆ ಹೆಣ್ಣುಮಗುವಿನ ತಾಯಿ. ಐಶ್ವರ್ಯ ಬ್ಯೂಟಿ ಬಗ್ಗೆ ಹೆಚ್ಚಿನ ವಿವರಣೆ ಅನಗತ್ಯ.

ಶಿಲ್ಪಾ ಶೆಟ್ಟಿ

ಜೂನ್ 8,1972ರಲ್ಲಿ ಹುಟ್ಟಿದ ಶಿಲ್ಪಾ ಶೆಟ್ಟಿ 2009ರಲ್ಲಿ ರಾಜ್ ಕುಂದ್ರಾರನ್ನು ವರಿಸಿದರು. ಶಿಲ್ಪಾ ಮತ್ತು ಕುಂದ್ರಾ ದಂಪತಿಗಳಿಗೆ ಒಂದು ಮಗುವಿದೆ.

ರಾಣಿ ಮುಖರ್ಜಿ

ಹುಟ್ಟಿದ್ದು 21.03.1978ರಂದು ಅಂದರೆ 35 ವರ್ಷ. ರಾಣಿ ಮುಖರ್ಜಿ ನಾಯಕಿಯಾಗಿ ನಟಿಸುತ್ತಿರುವ ಚಿತ್ರವೊಂದು ಇದೇ ವರ್ಷ ಸೆಟ್ಟೇರಲಿದೆ, ಹಾಗೂ ಕೆಲ ಪ್ರಾಜೆಕ್ಟ್ ಗಳು ಪೈಪ್ ಲೈನಿನಲ್ಲಿದೆ.

ಪ್ರೀತಿ ಜಿಂಟಾ

31.01.1975 ಜನಿಸಿದ ಪ್ರೀತಿ ಇದುವರೆಗೆ ಹಿಂದಿ, ತೆಲುಗು, ಪಂಜಾಬಿ ಮತ್ತು ಹಾಲಿವುಡ್ ಚಿತ್ರದಲ್ಲಿ ನಟಿಸಿದ್ದಾರೆ. ಕೆಲ ಹಿಂದಿ ಚಿತ್ರಗಳು ಕೈಯಲ್ಲಿವೆ.

ಬಿಪಾಸ ಬಸು ಯಾನೆ ಬಿಪ್ಸ್

07.01.1979ರಂದು ನವದೆಹಲಿಯಲ್ಲಿ ಜನಿಸಿದ ಈ ಕೃಷ್ಣಸುಂದರಿ, ಹಾಟ್ ನಟಿಯಾಗಿ ಜನಪ್ರಿಯತೆ ಪಡೆದವಳು. ಜಾನ್ ಅಬ್ರಹಾಂ ಜೊತೆ ಸುತ್ತಾಡುತ್ತಿದ್ದ ಈಕೆಯ ಕೈಯಲ್ಲಿ ಇನ್ನಷ್ಟು ಪ್ರಾಜೆಕ್ಟ್ ಗಳಿವೆ.

ಸುಶ್ಮಿತಾ ಸೇನ್

19.11.1975 ಹೈದರಾಬಾದಿನಲ್ಲಿ ಜನಿಸಿದ ಈಕೆಗೆ 38 ವರ್ಷ. ಹೋದ ವರ್ಷ ಪಾಕ್ ಮಾಜಿ ಕ್ರಿಕೆಟಿಗ ವಾಸೀಂ ಅಕ್ರಂ ಜೊತೆ ಡೇಟಿಂಗ್ ಮಾಡುತ್ತಿದ್ದಳು ಎನ್ನುವ ಸುದ್ದಿಯಿತ್ತು. ಮದುವೆಯಾಗದೆಯೇ ತಾಯಿಯಾಗ ಬೇಕೆಂದು ಬಯಸಿ ಈಕೆ ನೀಡಿದ್ದ ಹೇಳಿಕೆ ಭಾರೀ ಗುಲ್ಲೆಬ್ಬಿಸಿತ್ತು.

ಕಾಜಲ್ ದೇವಗನ್

05.08.1974 (39) ರಂದು ಜನಿಸಿದ ಕಾಜಲ್ ಖ್ಯಾತ ಹಿಂದಿ ನಟಿ ತನುಜಾ ಮಗಳು. ಅಜಯ್ ದೇವಗನ್ ಕೈಹಿಡಿದಿರುವ ಈಕೆಗೆ ಇನ್ನೂ ನಾಯಕಿ ನಟಿಯಾಗಿ ನಟಿಸಲು ಆಫರ್ ಗಳು ಬರುತ್ತಲೇ ಇದೆ. ಚಿತ್ರದಲ್ಲಿ ಗಂಡ ಮತ್ತು ಹೆಂಡತಿ ಒಟ್ಟಾಗಿ ನಟಿಸಿದರೆ ನಿರ್ಮಾಪಕರಿಗೆ ಸಂಭಾವನೆಯಲ್ಲಿ ಸ್ಪೆಷಲ್ ಡಿಸ್ಕೌಂಟ್ ದಂಪತಿಗಳು ನೀಡುತ್ತಾರೆ ಎನ್ನುವ ಸುದ್ದಿಯೂ ಇದೆ.