ಕುಡಿದ ಮತ್ತಿನಲ್ಲಿ ಗರ್ಲ್ ಫ್ರೆಂಡ್ ಕುತ್ತಿಗೆಗೆ 'ಸಂಜು' ಟಾಯ್ಲೆಟ್ ಸೀಟ್ ಹಾಕಿದ್ದು ಸತ್ಯ ಕಣ್ರೀ.!

'ಸಂಜು' ಚಿತ್ರದಲ್ಲಿ ಸೋನಂ ಕಪೂರ್ ಯಾರು.?

''ಸಂಜು' ಚಿತ್ರದಲ್ಲಿ ಸೋನಂ ಕಪೂರ್ ಯಾರು.?'' ಈ ಪ್ರಶ್ನೆಗೆ ಉತ್ತರ ಕೊಡಲು ನಟಿ ಸೋನಂ ಕಪೂರ್ ನಿರಾಕರಿಸಿದರು. ಯಾಕೆ ಅಂದ್ರೆ, ''ನಾನು ಸಿನಿಮಾದ ಯಾವುದೇ ಗುಟ್ಟನ್ನು ಬಿಟ್ಟುಕೊಡುವುದಿಲ್ಲ ಎಂದು ಅಗ್ರೀಮೆಂಟ್ ಗೆ ಸಹಿ ಹಾಕಿರುವೆ. ಹೀಗಾಗಿ, ನನ್ನ ಪಾತ್ರದ ಬಗ್ಗೆ ನಾನು ಹೆಚ್ಚೇನೂ ಹೇಳಲಾರೆ. ಆದ್ರೆ, ಸಿನಿಮಾದಲ್ಲಿ ನಾನು ಸಂಜಯ್ ದತ್ ಗರ್ಲ್ ಫ್ರೆಂಡ್ ಆಗಿ ಕಾಣಿಸಿಕೊಂಡಿದ್ದೇನೆ'' ಎಂದು ಡೆಕ್ಕನ್ ಕ್ರಾನಿಕಲ್ ಪತ್ರಿಕೆಗೆ ನೀಡಿದ ಸಂದರ್ಶನದಲ್ಲಿ ಸೋನಂ ಕಪೂರ್ ಹೇಳಿದ್ದಾರೆ.

ಟಾಯ್ಲೆಟ್ ಸೀಟ್ ಸನ್ನಿವೇಶದ ಬಗ್ಗೆ...

''ಸಿನಿಮಾದ ಟ್ರೈಲರ್ ನಲ್ಲಿ ಇರುವ ಟಾಯ್ಲೆಟ್ ಸೀಟ್ ದೃಶ್ಯ (ಕುಡಿದ ಮತ್ತಿನಲ್ಲಿ ಸಂಜು ತನ್ನ ಗರ್ಲ್ ಫ್ರೆಂಡ್ ಕುತ್ತಿಗೆಗೆ ಟಾಯ್ಲೆಟ್ ಸೀಟ್ ಹಾಕುವ ಸನ್ನಿವೇಶ) ಕಲ್ಪನೆ ಅಲ್ಲ. ಅದು ನಿಜವಾಗಿಯೂ ನಡೆದಿದೆ'' ಅಂತ ಸೋನಂ ಕಪೂರ್ ಖಚಿತ ಪಡಿಸಿದ್ದಾರೆ.

'ಸಾವರಿಯಾ' ಬಳಿಕ ಸೋನಂ-ರಣ್ಬೀರ್

''ಸಾವರಿಯಾ' ಚಿತ್ರದಲ್ಲಿ ನಾನು ಹಾಗೂ ರಣ್ಬೀರ್ ಒಟ್ಟಿಗೆ ಅಭಿನಯಿಸಿದ್ವಿ. ಅದಾದ್ಮೇಲೆ, ನಾವಿಬ್ಬರೂ ಸ್ಕ್ರೀನ್ ಶೇರ್ ಮಾಡಿರುವುದು 'ಸಂಜು' ಚಿತ್ರದಲ್ಲಿಯೇ'' - ಸೋನಂ ಕಪೂರ್, ನಟಿ

ಇದೇ ವಾರ 'ಸಂಜು' ಬಿಡುಗಡೆ

ಸಂಜಯ್ ದತ್ ಜೀವನಾಧಾರಿತ 'ಸಂಜು' ಸಿನಿಮಾ ಇದೇ ವಾರ (ಜೂನ್ 29) ಬಿಡುಗಡೆ ಆಗಲಿದೆ. ಚಿತ್ರದಲ್ಲಿ ರಣ್ಬೀರ್ ಕಪೂರ್, ಸೋನಂ ಕಪೂರ್, ದಿಯಾ ಮಿರ್ಜಾ ಸೇರಿದಂತೆ ದೊಡ್ಡ ತಾರಾಬಳಗ ಇದೆ.