ಕಾಂಗ್ರೆಸ್ ಶಾಸಕನ ಬಗ್ಗೆ ಯೂಟ್ಯೂಬರ್ ಮಾತು: ಕಿಡಿಕಾರಿದ ಬಾಲಿವುಡ್ ನಟರು

ಇಂಥಹ ಘಟನೆಯನ್ನು ಸಹಿಸಲಾಗದು: ವರುಣ್ ಧವನ್

ಈ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಹಾಕಿರುವ ವರುಣ್ ಧವನ್, 'ನಿನ್ನದೇ ದೇಶದ ಬಗ್ಗೆ ಮಾಹಿತಿ ಇಲ್ಲದೇ ಇರುವುದು ದಡ್ಡತನ. ಆ ದಡ್ಡತನವನ್ನು, ಮೂರ್ಖತನವನ್ನು ಪ್ರಚೋದನಾತ್ಮಕ ರೂಪದಲ್ಲಿ ಹಂಚಿಕೊಳ್ಳುವುದು ಇನ್ನೂ ವಿಷಕಾರಕ. ಈ ರೀತಿಯ ಮೂರ್ಖತನವನ್ನು ಸಹಿಸಲಾಗುವುದಿಲ್ಲ ಎಂದು ನಾವೆಲ್ಲರೂ ಒಕ್ಕೂರಲಿನಿಂದ ಹೇಳಬೇಕಿದೆ' ಎಂದಿದ್ದಾರೆ.

ರಾಜ್‌ಕುಮಾರ್ ರಾವ್ ಸಹ ಖಂಡಿಸಿದ್ದಾರೆ

ಮತ್ತೊಬ್ಬ ಬಾಲಿವುಡ್ ನಟ ರಾಜ್‌ಕುಮಾರ್ ರಾವ್ ಸಹ ಈ ಘಟನೆ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ಆಕ್ರೋಶ ವ್ಯಕ್ತಪಡಿಸಿದ್ದು, 'ಇಂಥಹಾ ಘಟನೆಗಳನ್ನು ಸಹಿಸಿಕೊಳ್ಳಬಾರದು. ತಪ್ಪಿತಸ್ಥರಿಗೆ ಕಠಿಣ ಶಿಕ್ಷೆ ಆಗಬೇಕು' ಎಂದಿದ್ದಾರೆ. ಬಾಲಿವುಡ್ ನಿರ್ದೇಶಕ ಅಮರ್ ಕೌಶಿಕ್ ಸಹ ಯೂಟ್ಯೂಬರ್ ವಿರುದ್ಧ ಸಾಮಾಜಿಕ ಜಾಲತಾಣದಲ್ಲಿ ಕಿಡಿ ಕಾರಿದ್ದಾರೆ.

ಪಬ್‌ಜೀ ಬ್ಯಾನ್‌ ಮಾಡುವಂತೆ ಪತ್ರ ಬರೆದಿದ್ದ ಶಾಸಕ

ಅರುಣಾಚಲ ಪ್ರದೇಶ ಕಾಂಗ್ರೆಸ್ ಶಾಸಕ ನಿನಾಂಗ್ ಎರಿಂಗ್, ಪಬ್‌ಜೀಯು ಬ್ಯಾಟಲ್‌ ಗ್ರೌಂಡ್ಸ್ ಆಫ್ ಇಂಡಿಯಾ ಹೆಸರಿನಲ್ಲಿ ಮರಳಿ ಬರುತ್ತಿದ್ದು ಅದನ್ನೂ ಸಹ ಬ್ಯಾನ್ ಮಾಡಬೇಕು ಎಂದು ಮೋದಿಗೆ ಪತ್ರ ಬರೆದಿದ್ದರು. ಇದೇ ವಿಷಯವಾಗಿ ಮಾತನಾಡಿದ್ದ ಪರಾಸ್ ಸಿಂಗ್ ಬಹಳ ಕೆಟ್ಟ ಭಾಷೆಯಲ್ಲಿ ಶಾಸಕರನ್ನು ಬೈದಿದ್ದ ಹಾಗೂ ಅರುಣಾಚಲ ಪ್ರದೇಶ ಚೈನಾಕ್ಕೆ ಸೇರಿದ್ದು ಎಂದಿದ್ದ.

Recommended Video

ಇನ್ಯಾವತ್ತೂ Salman Khan ಸಿನಿಮಾ ವಿಮರ್ಶೆ ಮಾಡೋದಿಲ್ಲ ಎಂದ‌ KRK | Filmibeat Kannada

ಪರಾಸ್ ಅನ್ನು ಬಂಧಿಸಿರುವ ಪಂಜಾಬ್ ಪೊಲೀಸರು

ಪರಾಸ್ ಸಿಂಗ್ ಉದ್ಧಟತನವನ್ನು ಗಂಭೀರವಾಗಿ ಪರಿಗಣಿಸಿದ ಅರುಣಾಚಲ ಪ್ರದೇಶ ಸರ್ಕಾರ ಪರಾಸ್ ವಿರುದ್ಧ ದೂರು ದಾಖಲಿಸಿತು. ಅರುಣಾಚಲ ಸಿಎಂ ಸಹ ಈ ಬಗ್ಗೆ ಹೇಳಿಕೆ ನೀಡಿದರು. ಶಾಸಕ ನಿನಾಂಗ್ ಎರಿಂಗ್ ಸಹ ಪ್ರತ್ಯೇಕ ದೂರು ದಾಖಲಿಸಿದರು. ಕೊನೆಗೆ ಪಂಜಾಬ್‌ನ ಲುಧಿಯಾನಾದಲ್ಲಿ ಪರಾಸ್‌ನ ಬಂಧನವಾಗಿದೆ. ಪರಾಸ್‌ ಬಂಧನದ ಬಗ್ಗೆ ಕೇಂದ್ರ ಕ್ರೀಡಾ ಮಂತ್ರಿ ಕಿರಣ್ ರಿಜುಜು ಮಾಹಿತಿ ಹಂಚಿಕೊಂಡಿದ್ದಾರೆ. ಬಂಧನಕ್ಕೊಳಗಾಗುವ ಮುನ್ನ ಪರಾಸ್ ಸಿಂಗ್ ತನ್ನ ಯೂಟ್ಯೂಬ್‌ ಚಾನೆಲ್‌ನಲ್ಲಿ ಕ್ಷಮೆ ಕೇಳಿದ.