ಏನು... ನಟಿ ಜಾಹ್ನವಿ ಕಪೂರ್ ಗೆ ಸರಿಯಾಗಿ ಹಿಂದಿಯಲ್ಲಿ ಮಾತನಾಡಲು ಬರ್ತಿರ್ಲಿಲ್ವಾ.?

ಅಂದು ಪತ್ರಿಕಾಗೋಷ್ಟಿಯಲ್ಲಿ ಆಗಿದ್ದೇನು.?

ಅದು ಪೀಪಲ್ ಮ್ಯಾಗಝೀನ್ ಕವರ್ ಲಾಂಚ್ ಕಾರ್ಯಕ್ರಮ. ಇದೇ ವೇಳೆ ನಡೆದ ಪತ್ರಿಕಾಗೋಷ್ಟಿಯಲ್ಲಿ ''ಬಾಲಿವುಡ್ ಗೆ ಪದಾರ್ಪಣೆ ಮಾಡುವ ಇಚ್ಛೆ ಇದ್ಯಾ.?'' ಎಂದು ಪತ್ರಕರ್ತರೊಬ್ಬರು ಜಾಹ್ನವಿಗೆ ಪ್ರಶ್ನಿಸಿದ್ದರು. ಆಗ ಹಿಂದಿಯಲ್ಲಿ ಉತ್ತರ ಕೊಡಲು ರಾಗ ಎಳೆದು ಒದ್ದಾಡಿದ್ದರು ಜಾಹ್ನವಿ ಕಪೂರ್.

ಮಧ್ಯದಲ್ಲಿ ಮಾತಿಗಿಳಿದ ಶ್ರೀದೇವಿ...

ಉತ್ತರ ಕೊಡಲು ಜಾಹ್ನವಿ ತಡವರಿಸುತ್ತಿದ್ದಾಗ, ಪಕ್ಕದಲ್ಲಿಯೇ ಕೂತಿದ್ದ ಶ್ರೀದೇವಿ ಮೈಕ್ ತೆಗೆದುಕೊಂಡು, ''ದಯವಿಟ್ಟು ಆಕೆಯನ್ನ ಹಿಂದಿಯಲ್ಲಿ ಮಾತನಾಡಿಸಬೇಡಿ. ಇಲ್ಲಾಂದ್ರೆ, ನಾನವಳ ಕಾಲೆಳೆಯುವೆ'' ಅಂತ್ಹೇಳೆ ನಗೆ ಚಟಾಕಿ ಹಾರಿಸಿದ್ದರು ನಟಿ ಶ್ರೀದೇವಿ. ಈ ವಿಡಿಯೋ ಸದ್ಯ ವೈರಲ್ ಆಗಿದ್ದು, ಸೋಷಿಯಲ್ ಮೀಡಿಯಾದಲ್ಲಿ ಜಾಹ್ನವಿ ಕಪೂರ್ ನ ಜನ ಆಡಿಕೊಳ್ಳುತ್ತಿದ್ದಾರೆ.

ಈಗ ಸರಾಗವಾಗಿ ಮಾತನಾಡಲು ಬರುತ್ತೆ.!

ಇದೀಗ ಬಾಲಿವುಡ್ ಗೆ ಎಂಟ್ರಿಕೊಟ್ಟಿರುವ ಜಾಹ್ನವಿ ಕಪೂರ್ ಗೆ ಸರಾಗವಾಗಿ ಹಿಂದಿಯಲ್ಲಿ ಮಾತನಾಡಲು ಬರುತ್ತದೆ. ಭಾಷೆ, ಫಿಟ್ನೆಸ್ ಹಾಗೂ ನಟನೆ.. ಈ ಎಲ್ಲವನ್ನ ಕಲಿತು 'ಧಡಕ್' ಚಿತ್ರಕ್ಕೆ ಎಂಟ್ರಿಕೊಟ್ಟರು ಜಾಹ್ನವಿ ಕಪೂರ್.

ಜಾಹ್ನವಿ ಎರಡನೇ ಚಿತ್ರ ಯಾವುದು.?

'ಧಡಕ್' ಬಳಿಕ ಜಾಹ್ನವಿ ಕಪೂರ್ ಗೆ ಅವಕಾಶಗಳ ಮಹಾಪೂರವೇ ಹರಿದು ಬರುತ್ತಿದೆ. ಆದ್ರೆ, ಯಾವುದಕ್ಕೂ ಅಧಿಕೃತವಾಗಿ ಇನ್ನೂ ಜಾಹ್ನವಿ ಕಪೂರ್ ಗ್ರೀನ್ ಸಿಗ್ನಲ್ ಕೊಟ್ಟಿಲ್ಲ.