ಬಾಯ್‌ಫ್ರೆಂಡ್ ಜೊತೆ ಮದುವೆ ಯಾವಾಗ? ಕೃತಿ ಕರಬಂಧ ಕೊಟ್ಟರು ಉತ್ತರ

ಮದುವೆಯ ಬಗ್ಗೆ ನಾವು ಚರ್ಚೆಯನ್ನೇ ಮಾಡಿಲ್ಲ: ಕೃತಿ

ನಾನು ಹಾಗೂ ಪುಲ್ಕಿತ್ ಸಮರ್ತ್ ಮದುವೆ ಬಗ್ಗೆ ಈ ವರೆಗೆ ಮಾತನಾಡಿಯೇ ಇಲ್ಲ ಎಂದಿದ್ದಾರೆ ಕೃತಿ ಕರಬಂಧ. ಅಷ್ಟೇ ಅಲ್ಲ, ಮದುವೆ ಇನ್ನೂ ದೂರವಿದೆ ಎಂದಿದ್ದಾರೆ. ಆ ಮೂಲಕ ಹತ್ತಿರದಲ್ಲಿ ಈ ಜೋಡಿ ಹಸೆಮಣೆ ಏರುವುದಿಲ್ಲ ಎನ್ನುವುದು ಖಾತ್ರಿಯಾಗಿದೆ.

ಪ್ರವಾಸಕ್ಕೆ ತೆರಳಿದ್ದ ಯುವ ಜೋಡಿ

ಕೆಲವು ದಿನಗಳ ಹಿಂದಷ್ಟೆ ಈ ಜೋಡಿ ಪ್ರವಾಸಕ್ಕೆ ತೆರಳಿತ್ತು, ಈ ಬಗ್ಗೆ ಸಂದರ್ಶನವೊಂದರಲ್ಲಿ ಮಾತನಾಡಿರುವ ಕೃತಿ ಕರಬಂಧ, 'ಈ ಪ್ರವಾಸ, ನಾವಿಬ್ಬರೂ ಪರಸ್ಪರರನ್ನು ಚೆನ್ನಾಗಿ ಅರ್ಥ ಮಾಡಿಕೊಳ್ಳಲು ಸಹಕರಿಸಿತು. ಪುಲ್ಕಿತ್ ಅಂಥಹಾ ಹುಡುಗನನ್ನು ಪಡೆಯಲು ನಾನು ಪುಣ್ಯ ಮಾಡಿದ್ದೇನೆ. ನಾನು ಸದಾ ನಗುತ್ತಿರುವಂತೆ ಆತ ನೋಡಿಕೊಳ್ಳುತ್ತಾನೆ' ಎಂದಿದ್ದಾರೆ ಕೃತಿ.

ಪುಲ್ಕಿತ್ ಹುಟ್ಟುಹಬ್ಬಕ್ಕೆ ಸರ್ಪ್ರೈಸ್ ನೀಡಲಿದ್ದಾರೆ ಕೃತಿ

ಹುಟ್ಟುಹಬ್ಬಕ್ಕೆ ಒಳ್ಳೆಯ ಸರ್ಪ್ರೈಸ್ ಅನ್ನು ಪುಲ್ಕಿತ್ ಕೊಟ್ಟಿದ್ದಾರಂತೆ. ಹಾಗಾಗಿ ಡಿಸೆಂಬರ್ ತಿಂಗಳಿನಲ್ಲಿರುವ ಪುಲ್ಕಿತ್ ಹುಟ್ಟುಹಬ್ಬಕ್ಕೆ ಯಾವ ಸರ್ಪ್ರೈಸ್ ಕೊಡುವುದೆಂದು ಈಗಿನಿಂದಲೇ ಪ್ಲ್ಯಾನ್ ಮಾಡುತ್ತಿದ್ದಾರಂತೆ ಕೃತಿ.

Recommended Video

6 ಗಂಟೆ ಆದ್ರೆ ಒಂದು ಸಲ ಗಡಿಯಾರ ನೋಡಿ ಸಿಗ್ನಲ್ ಕೊಡ್ತಾ ಇದ್ರು ರಾಜ್ ಕುಮಾರ್ | Jaggesh and DR Rajkumar

ವೃತ್ತಿಯ ಬಗ್ಗೆ ಹೆಚ್ಚು ಗಮನ ಕೊಡುತ್ತೇವೆ: ಕೃತಿ

'ಪ್ರೀತಿ ಶುರುವಾಗಿ ಒಂದೂವರೆ ವರ್ಷವಾಗಿದೆಯಷ್ಟೆ. ಮದುವೆಗೆ ಈಗಲೇ ಏನೂ ದಾವಂತ ಇಲ್ಲ. ಇಬ್ಬರೂ ನಮ್ಮ ಕರಿಯರ್‌ಗಳನ್ನು ಗೌರವಿಸುತ್ತೇವೆ. ಹಾಗಾಗಿ ಸದ್ಯಕ್ಕೆ ವೃತ್ತಿಯ ಬಗ್ಗೆ ಹೆಚ್ಚು ಗಮನ ಕೊಡಲು ನಿರ್ಧರಿಸಿದ್ದೇವೆ' ಎಂದಿದ್ದಾರೆ ಕೃತಿ.