2020ರಲ್ಲಿ ಹಸೆಮಣೆ ಏರಿದ ಬಾಲಿವುಡ್ ತಾರೆಯರು

ಸನಾ ಖಾನ್ Weds ಅನಾಸ್ ಸೈಯದ್

ಬಾಲಿವುಡ್ ನಟಿ-ಮಾಡೆಲ್ ಸನಾ ಖಾನ್ ಅವರು ನವೆಂಬರ್ 20 ರಂದು ಇಸ್ಲಾಮಿಕ್ ಧರ್ಮಗುರು ಮುಫ್ತಿ ಅನಸ್ ಸೈಯದ್ ಅವರನ್ನು ವಿವಾಹವಾದರು. ಸನಾ ಖಾನ್ ಐಟಂ ಹಾಡುಗಳಿಗೆ ಹೆಚ್ಚು ಖ್ಯಾತಿ ಗಳಿಸಿಕೊಂಡಿದ್ದರು.

ಪ್ರಾಚಿ Weds ರೋಹಿತ್ ಸರೋಹಾ

ಬಾಲಿವುಡ್ ನಟಿ ಹಾಗೂ ರಾಷ್ಟ್ರೀಯ ನೆಟ್‌ಬಾಲ್ ಆಟಗಾರ್ತಿ ಪ್ರಾಚಿ ತೆಹ್ಲಾನ್ ಆಗಸ್ಟ್ 7 ರಂದು ರೋಹಿತ್ ಸರೋಹಾ ಜೊತೆ ದಾಂಪತ್ಯ ಜೀವನ ಆರಂಭಿಸಿದರು. ಪ್ರಾಚಿ ತೆಹ್ಲಾನ್ 2010ರ ಕಾಮನ್‌ವೆಲ್ತ್ ಗೇಮ್ಸ್‌ನಲ್ಲಿ ರಾಷ್ಟ್ರೀಯ ತಂಡವನ್ನು ಪ್ರತಿನಿಧಿಸಿದ್ದರು.

ಪೂಜಾ ಬ್ಯಾನರ್ಜಿ Weds ಕುನಾಲ್ ವರ್ಮಾ

ನಟಿ ಪೂಜಾ ಬ್ಯಾನರ್ಜಿ ತನ್ನ ಗೆಳೆಯ ಕುನಾಲ್ ವರ್ಮಾ 2017 ರಲ್ಲಿ ನಿಶ್ಚಿತಾರ್ಥ ಮಾಡಿಕೊಂಡಿದ್ದರು. 2020 ರ ಏಪ್ರಿಲ್‌ನಲ್ಲಿ ಅದ್ಧೂರಿಯಾಗಿ ವಿವಾಹ ಮಾಡಿಕೊಳ್ಳಲು ಪ್ಲಾನ್ ಮಾಡಿದ್ದರು. ಆದ್ರೆ, ಕೊರೊನಾ ಕಾರಣದಿಂದ ಆಸೆ ನೆರವೇರಲಿಲ್ಲ. ಹಾಗಾಗಿ, ರಿಜಿಸ್ಟರ್ ಮದುವೆ ಆಗುವ ಮೂಲಕ ಈ ಜೋಡಿ ಗಮನ ಸೆಳೆದಿದೆ. ಮದುವೆಗಾಗಿ ಮೀಸಲಿಟ್ಟಿದ್ದ ಹಣವನ್ನು ದಾನ ಮಾಡಿ ಮೆಚ್ಚುಗೆ ಗಳಿಸಿಕೊಂಡರು.

ಮನೀಶ್ Weds ಸಂಗೀತ ಚೌಹಾಣ್

'ಸಾಸುರಾಲ್ ಸಿಮರ್ ಕಾ' ಖ್ಯಾತಿಯ ನಟ ಮನೀಶ್ ಮತ್ತು ಅಭಿಮಾನ್ ಖ್ಯಾತಿಯ ನಟಿ ಸಂಗೀತ ಜೋಡಿ ಜೂನ್ 30 ರಂದು ಕೇವಲ 5 ಜನರ ಸಮ್ಮುಖದಲ್ಲಿ ವಿವಾಹವಾದರು. ವಯಸ್ಸಾದ ಕಾರಣ ಅವರ ಪೋಷಕರು ಸಹ ಈ ಮದುವೆಗೆ ಹಾಜರಾಗಿರಲಿಲ್ಲ.