2020: ಹೆಚ್ಚು ಹುಡುಕಲ್ಪಟ್ಟ ವಿಶ್ವದ ಟಾಪ್ 10 ನಟರಲ್ಲಿ ಒಬ್ಬ ಭಾರತೀಯ ನಟ!

ಮೂರನೇ ಸ್ಥಾನದಲ್ಲಿದ್ದಾರೆ ಅಮಿತಾಬ್

ಹೌದು, ಬಾಲಿವುಡ್ ಸೂಪರ್ ಸ್ಟಾರ್, ನಟ ಅಮಿತಾಬ್ ಬಚ್ಚನ್ ಅವರು, ವಿಶ್ವದಲ್ಲಿ ಅತಿ ಹೆಚ್ಚು ಹುಡುಕಲ್ಪಟ್ಟ ಟಾಪ್ 10 ನಟರ ಪಟ್ಟಿಯಲ್ಲಿ ಮೂರನೇ ಸ್ಥಾನ ಪಡೆದಿದ್ದಾರೆ. ಅದರಲ್ಲೂ ಈ ವರ್ಷದ ಜುಲೈ ತಿಂಗಳಲ್ಲಿ ಅಮಿತಾಬ್ ಬಚ್ಚನ್ ಬಗ್ಗೆ ಅತಿ ಹೆಚ್ಚು ಹುಡುಕಾಟ ನಡೆದಿದೆ ಗೂಗಲ್‌ನಲ್ಲಿ.

ಹಲವು ದೇಶಗಳ ಜನ ಬಚ್ಚನ್ ಬಗ್ಗೆ ಹುಡುಕಿದ್ದಾರೆ

ಭಾರತದಲ್ಲಿ ಅಮಿತಾಬ್ ಬಚ್ಚನ್ ಬಗ್ಗೆ ಹೆಚ್ಚು ಹುಡುಕಾಟ ನಡೆದಿದೆ. ಅದನ್ನು ಹೊರತುಪಡಿಸಿದರೆ, ಭೂತಾನ್, ನೇಪಾಳ, ಫಿಜಿ, ಮಾರಿಷನ್, ಮಾಲ್ಡೀವ್ಸ್, ಪಾಕಿಸ್ತಾನ, ಅರಬ್ ದೇಶಗಳ ಜನ ಹೆಚ್ಚ-ಹೆಚ್ಚು ಅಮಿತಾಬ್ ಬಚ್ಚನ್ ಬಗ್ಗೆ ಹುಡುಕಾಟ ನಡೆಸಿದ್ದಾರೆ.

ಮೊದಲ ಸ್ಥಾನದಲ್ಲಿ ಟಾಮ್ ಹಾಂಕ್ಸ್

ಅತಿ ಹೆಚ್ಚು ಹುಡುಕಲ್ಪಟ್ಟ ನಟರ ಪಟ್ಟಿಯಲ್ಲಿ ಹಾಲಿವುಡ್ ನಟ ಟಾಮ್ ಹಾಂಕ್ಸ್‌ ಇದ್ದಾರೆ. ಫಾರೆಸ್ಟ್ ಗಂಪ್, ಅಪೋಲೊ 11, ಸೇರಿದಂತೆ ಹಲವು ಸಿನಿಮಾಗಳಲ್ಲಿ ನಟಿಸಿರುವ ಟಾಮ್ ಹಾಂಕ್ಸ್‌ ಅನ್ನು ಹೆಚ್ಚು ಜನ ಹುಡುಕಿದ್ದಾರೆ.

ಎರಡನೇ ಸ್ಥಾನದಲ್ಲಿ ಜಾಕ್ವಿನ್ ಫಿಯೋನೆಕ್ಸ್‌

ಎರಡನೇ ಸ್ಥಾನದಲ್ಲಿ ಜೋಕರ್ ಖ್ಯಾತಿಯ ಜಾಕ್ವಿನ್ ಫಿಯೋನೆಕ್ಸ್, ಮೂರನೇ ಸ್ಥಾನದಲ್ಲಿ ಅಮಿತಾಬ್ ಬಚ್ಚನ್. ನಾಲ್ಕನೇ ಸ್ಥಾನದಲ್ಲಿ ರಿಕ್ಕಿ ಗೆರವೇಸ್, ಐದನೇ ಸ್ಥಾನದಲ್ಲಿ ನಟಿ ಜಾಡಾ ಪಿಂಕೆಟ್ ಸ್ಮಿತ್, ಆರನೇ ಸ್ಥಾನದಲ್ಲಿ ಜಸ್ಟಿನ್ ಹಾರ್ಟ್ಲಿ, ಏಳರಲ್ಲಿ ನಟಿ ಲಿಯಾ ಮಿಶೆಲ್, ಎಂಟರಲ್ಲಿ ಎಲೇಜರ್ ಗೊಮೇಜ್, ಒಂಬತ್ತರಲ್ಲಿ ಅಸ್ನಲ್ ಎಲ್ಗೋರ್ಟ್ ಇದ್ದಾರೆ.