ರಾಜಕೀಯ ಆಧಾರಿತ ಟಾಪ್ ಕನ್ನಡದ ಸಿನಿಮಾಗಳ ಪಟ್ಟಿ, ನಿಮಗೆ ಯಾವುದಿಷ್ಟ?

ಅಂಬರೀಶ್ 'ಚಕ್ರವ್ಯೂಹ'

ಕನ್ನಡದಲ್ಲಿ ರಾಜಕೀಯ ಕುರಿತಾದ ಸಿನಿಮಾ ಎಂದಾಕ್ಷಣ ಅಂಬರೀಶ್ ಅಭಿನಯದ 'ಚಕ್ರವ್ಯೂಹ' ಸಿನಿಮಾ ಮೊದಲು ನೆನಪಾಗುತ್ತದೆ. ರಾಜಕಾರಣಿಗಳ ಸಂಚಿಗೆ ದಕ್ಷ ಪೊಲೀಸ್ ಆಫೀಸರ್ ಬಲಿಯಾಗುವ ಕಥೆ. ಕೊನೆಯಲ್ಲಿ ಅದೇ ರಾಜಕಾರಣ ಬಳಸಿಕೊಂಡು ಆ ರಾಜಕಾರಣಿಗಳನ್ನು ನಾಯಕನಟ ಕೊಲ್ಲುವುದು ಕಥಾ ಸಾರಾಂಶ. ಸಿನಿಮಾ ಮುಗಿಯುವ ವೇಳೆ ಇದೊಂದು ಪೊಲಿಟಿಕಲ್ ಥ್ರಿಲ್ಲರ್ ಎಂಬ ಭಾವನೆ ಕೊಡುತ್ತದೆ. ವಿ ಸೋಮಶೇಖರ್ ಈ ಸಿನಿಮಾ ನಿರ್ದೇಶಿಸಿದ್ದರು.

ಆಕ್ಸಿಡೆಂಟ್

ಶಂಕರ್ ನಾಗ್ ನಿರ್ದೇಶನದಲ್ಲಿ ಬಂದಿದ್ದ ಚಿತ್ರ 'ಆಕ್ಸಿಡೆಂಟ್'. ಪತ್ರಕರ್ತನ ಪಾತ್ರದಲ್ಲಿ ಶಂಕರ್ ನಾಗ್, ರಾಜಕಾರಣಿ ಪಾತ್ರದಲ್ಲಿ ಅನಂತ್ ನಾಗ್ ನಟಿಸಿದ್ದರು. ಪ್ರಭಾವಿ ರಾಜಕಾರಣಿಯ ಮಗ ಪುಟ್‌ಪಾತ್ ಮೇಲೆ ಮಲಗಿದ್ದವರ ಮೇಲೆ ಕಾರು ಹತ್ತಿಸಿ ಹತ್ಯೆ ಮಾಡ್ತಾನೆ. ಮಗನನ್ನು ಬಚಾವ್ ಮಾಡಲು ಆ ಪ್ರಭಾವಿ ರಾಜಕಾರಣಿ ಏನೆಲ್ಲಾ ಮಾಡ್ತಾನೆ, ನೊಂದವರಿಗೆ ನ್ಯಾಯ ಸಿಗುತ್ತಾ ಎನ್ನುವುದು ಸಿನಿಮಾ. 1984ರಲ್ಲಿ ಬಂದಿದ್ದ ಈ ಸಿನಿಮಾ ಬಹಳ ಪ್ರಭಾವ ಬೀರಿತ್ತು.

ಗೋಲಿಬಾರ್

ದೇವರಾಜ್ ಮುಖ್ಯ ಭೂಮಿಕೆಯಲ್ಲಿ ನಟಿಸಿದ್ದ 'ಗೋಲಿಬಾರ್' ಸಿನಿಮಾವನ್ನು ಇಲ್ಲಿ ನೆನಪು ಮಾಡಿಕೊಳ್ಳಬಹುದು. ನೈಜ ಘಟನೆಗಳನ್ನು ಆಧರಿಸಿ ಈ ಚಿತ್ರ ತಯಾರಿಸಲಾಗಿತ್ತು. ಅರುಂಧತಿ ನಾಗ್ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದರು. ರಾಜಕೀಯ ಮತ್ತು ಪೊಲೀಸ್ ಇಲಾಖೆಯ ಸುತ್ತ ಈ ಸಿನಿಮಾ ಬಂದಿತ್ತು. ಶಿವಮಣಿ ನಿರ್ದೇಶಿಸಿದ್ದರು.

ರಾಜಕೀಯ

'ಗೋಲಿಬಾರ್' ಸಿನಿಮಾದ ಯಶಸ್ಸಿನ ನಂತರ ದೇವರಾಜ್ ಮತ್ತು ನಿರ್ದೇಶಕ ಶಿವಮಣಿ ಕಾಂಬಿನೇಷನ್‌ನಲ್ಲಿ ಬಂದ ಮತ್ತೊಂದು ಚಿತ್ರ 'ರಾಜಕೀಯ'. ಮಂಡ್ಯದಲ್ಲಿ ವಕೀಲರೊಬ್ಬರ ಕೊಲೆಯಾಗಿತ್ತು. ಅದೇ ಸಮಯದಲ್ಲಿ ಬಂದ ಸಿನಿಮಾ 'ರಾಜಕೀಯ'. ಲಾಯರ್ ಕೊಲೆಯ ಸುತ್ತ ಈ ಸಿನಿಮಾ ತಯಾರಾಗಿತ್ತು.

ಆಪರೇಷನ್ ಅಂತ

ರಿಯಲ್ ಸ್ಟಾರ್ ಉಪೇಂದ್ರ ನಿರ್ದೇಶನದಲ್ಲಿ ಬಂದ ಚಿತ್ರ 'ಆಪರೇಷನ್ ಅಂತ'. ಇದು 'ಅಂತ' ಸಿನಿಮಾದ ಮುಂದುವರಿದ ಭಾಗ. ಅಂಬರೀಶ್ ಈ ಚಿತ್ರದಲ್ಲಿ ನಾಯಕನಾಗಿ ನಟಿಸಿದ್ದರು. 1995ರಲ್ಲಿ ಬಂದ ಈ ಚಿತ್ರವೂ ರಾಜಕೀಯದ ಸುತ್ತವೇ ಕಥೆ ಹೊಂದಿತ್ತು.

ಸುದೀಪ್ 'ಕಿಚ್ಚ'

2003ರಲ್ಲಿ ಬಂದ ಸಿನಿಮಾ 'ಕಿಚ್ಚ'. ಈ ಚಿತ್ರದಲ್ಲಿ ಸುದೀಪ್ ಪೊಲಿಟಿಶಿಯನ್ ಆಗಿ ನಟಿಸಿದ್ದರು. ಕಾರ್ಪೊರೇಟರ್, ಎಂಎಲ್‌ಎ, ಮಿನಿಸ್ಟರ್ ಹೀಗೆ ಹಂತ ಹಂತವಾಗಿ ಬೆಳೆದ ಅಕ್ರಮವಾಗಿ ಹಣ ಮಾಡುವ ಭ್ರಷ್ಟ ರಾಜಕಾರಣಿ ಮಾತ್ರ ನಿರ್ವಹಿಸಿದ್ದರು.

ಸೂಪರ್

ರಾಜಕೀಯ ಮತ್ತು ರಾಜಕಾರಣಿಗಳನ್ನು ಜನರು ಬೈಯ್ದುಕೊಳ್ಳುವುದು ಸಾಮಾನ್ಯ. ಆ ಸಾಮಾನ್ಯ ಸಂಗತಿಗಳೆಲ್ಲವೂ 'ಸೂಪರ್' ಚಿತ್ರದಲ್ಲಿ ಕಂಡಿತು. ರಿಯಲ್ ಸ್ಟಾರ್ ಉಪೇಂದ್ರ ನಟಿಸಿ, ನಿರ್ದೇಶಿಸಿದ 'ಸೂಪರ್' ಸಿನಿಮಾ ರಾಜಕೀಯಕ್ಕೆ ಹಿಡಿದ ಕನ್ನಡಿಯಂತಿತ್ತು.

ಎಲೆಕ್ಷನ್

ಚುನಾವಣೆ ಸಮಯದಲ್ಲಿ ಎಲೆಕ್ಷನ್ ಅಧಿಕಾರಿ ಎಷ್ಟು ಪ್ರಮುಖ ಎನ್ನುವ ಅಂಶವನ್ನು ಕಥೆಯನ್ನಾಗಿಸಿ ಮಾಡಿದ ಚಿತ್ರ 'ಎಲೆಕ್ಷನ್'. ಚುನಾವಣೆ ಅಧಿಕಾರಿ ಮನಸ್ಸು ಮಾಡಿದ್ರೆ ಎಲೆಕ್ಷನ್ ಪ್ರಾಮಾಣಿಕವಾಗಿ ನಡೆಸಬಹುದು ಎಂದು ತೋರಿಸಿದ ಚಿತ್ರ.

ಹಂಬಲ್ ಪೊಲಿಟಿಶಿಯನ್ ನೊಗರಾಜ್

ಜನಸಾಮಾನ್ಯರ ನಂಬಿಕೆಗಳ ಜೊತೆ ಆಟವಾಡು ರಾಜಕಾರಣಿಯೊಬ್ಬನ ಪಾತ್ರವನ್ನು ಆಧರಿಸಿ ಮಾಡಿದ ಚಿತ್ರ 'ಹಂಬಲ್ ಪೊಲಿಟಿಶಿಯನ್ ನೊಗರಾಜ್'. ಈ ಸಿನಿಮಾದಲ್ಲಿ ದಾನೀಶ್ ಸೇಟ್ ನಟಿಸಿದ್ದರು. ಹಾಸ್ಯಾಸ್ಪದವಾಗಿ ಬಂದಿದ್ದ ಈ ಚಿತ್ರ ಯಶಸ್ಸು ಸಹ ಕಂಡಿತ್ತು.