ವಿವಾದದ ಸುಳಿಯಲ್ಲಿ ಗೋವಿಂದಾಯ ನಮಃ ಚಿತ್ರ

ತಮ್ಮ ಕಥೆಯನ್ನು ಕದ್ದು ಸಿನಿಮಾ ಮಾಡಿದ್ದಾರೆ ಎಂದು ನಿರ್ದೇಶಕ ವೇಣುಗೋಪಾಲ್ ಎಂಬುವವರು ಆರೋಪಿಸಿದ್ದಾರೆ. 2006ರಲ್ಲಿ ತೆರೆಕಂಡ 'ಅವ್ನಂದ್ರೆ ಅವನೇನಾ' ಚಿತ್ರವನ್ನು ಕದ್ದು 'ಗೋವಿಂದಾಯ ನಮಃ' ಚಿತ್ರ ಮಾಡಿದ್ದಾರೆ ಎಂಬುದು ಅವರ ಆರೋಪ.

ಈ ಸಂಬಂಧ ಅವರು ನಿರ್ದೇಶಕರ ಸಂಘಕ್ಕೂ ದೂರು ನೀಡಿದ್ದಾರೆ. ತಮ್ಮ ಅವ್ನಂದ್ರೆ ಅವನೇನಾ ಚಿತ್ರದ ಡಿವಿಡಿ ಪ್ರತಿಯೊಂದನ್ನೂ ದೂರಿನ ಜೊತೆಗೆ ಲಗತ್ತಿಸಿ ಕೊಟ್ಟಿದ್ದಾರೆ. ನಿರ್ದೇಶಕರ ಸಂಘ ಸತ್ಯಾಸತ್ಯತೆಗಳನ್ನು ಇನ್ನಷ್ಟೇ ನಿರ್ಧರಿಸಬೇಕಾಗಿದೆ.

ಏತನ್ಮಧ್ಯೆ ಅನಂತನಾಗ್ ಮುಖ್ಯಭೂಮಿಕೆಯಲ್ಲಿದ್ದ 'ಸಮಯಕ್ಕೊಂದು ಸುಳ್ಳು' ಚಿತ್ರವನ್ನೂ 'ಗೋವಿಂದಾಯ ನಮಃ' ಚಿತ್ರ ಬಹುತೇಕ ಹೋಲುತ್ತದೆ ಎಂಬ ಮಾತುಗಳೂ ಕೇಳಿಬಂದಿವೆ. ಈ ಬಗ್ಗೆ 'ಗೋವಿಂದಾಯ ನಮಃ' ಚಿತ್ರ ತಂಡ ಇನ್ನೂ ಪ್ರತಿಕ್ರಿಯಿಸಿಲ್ಲ. (ಒನ್‌ಇಂಡಿಯಾ ಕನ್ನಡ)