For Quick Alerts
    ALLOW NOTIFICATIONS  
    For Daily Alerts

    ಹಿಂದಿಗೆ ಆಟೋ ಶಂಕರ್ : ಕೆರಳಿ ಕೆಂಡವಾದಳು ಶಿಲ್ಪಾ!

    By Super Admin
    |

    ನೀಳ ಕಾಲ್ಗಳ ಸುಂದರಿ ಶಿಲ್ಪಾ ಶೆಟ್ಟಿಗೆ ಸಕತ್ತು ಸಿಟ್ಟು ಬಂದಿದೆ. ತಮ್ಮ ಗಮನಕ್ಕೇ ತಾರದೇ ಕನ್ನಡದ 'ಆಟೋ ಶಂಕರ್' ಚಿತ್ರವನ್ನು ಹಿಂದಿಗೆ ಡಬ್ ಮಾಡಿ, ಬಿಡುಗಡೆ ಮಾಡುತ್ತಿರುವುದು ಅವರನ್ನು ಕೆರಳಿಸಿದೆ.

    'ಶಿಲ್ಪಾ ದ ಬಿಗ್ ಡಾನ್'ಹೆಸರಲ್ಲಿ 2005ರಲ್ಲಿ ಬಿಡುಗಡೆಯಾಗಿದ್ದ 'ಆಟೋ ಶಂಕರ್' ಚಿತ್ರವನ್ನು ಹಿಂದಿಗೆ ಡಬ್ ಮಾಡಲಾಗಿದೆ. ಸಿನಿಮಾ ಪತ್ರಿಕೆಗಳಲ್ಲಿ ಚಿತ್ರದ ಪೋಸ್ಟರ್ ಗಳನ್ನು ಕಂಡಾಗ ಶಿಲ್ಪಾಗೆ ಶಾಕ್ ಆಗಿದೆ. ಅವರ ಬಿಗ್ ಬ್ರದರ್ ಖ್ಯಾತಿಯನ್ನು ಬಳಸಿಕೊಂಡು, ದುಡ್ಡು ಮಾಡಿಕೊಳ್ಳುವ ಹುನ್ನಾರ ಈ ಪ್ರಯತ್ನದ ಹಿಂದಿದೆ ಎಂದು ಶಿಲ್ಪಾರ ಪ್ರಚಾರಕರ್ತ ದಲೆ ಭಗವಾಗ್ಬರ್ ದೂರಿದ್ದಾರೆ.

    ಆಟೋ ಶಂಕರ್ ಚಿತ್ರದಲ್ಲಿ ಲೇಡಿ ಡಾನ್ ಪಾತ್ರದಲ್ಲಿ ಶಿಲ್ಪಾ ಕಾಣಿಸಿಕೊಂಡಿದ್ದು, ಉಪೇಂದ್ರ ಚಿತ್ರದ ನಾಯಕ. ರಾಧಿಕಾ, ಸುಧಾರಾಣಿ ತಾರಾಬಳಗದಲ್ಲಿದ್ದಾರೆ. ಡಿ.ರಾಜೇಂದ್ರ ಬಾಬು ನಿರ್ದೇಶನದ ಈ ಚಿತ್ರಕ್ಕೆ ದುಡ್ಡು ಸುರಿದು, ನಷ್ಟ ಅನುಭವಿಸಿದ ನಿರ್ಮಾಪಕರ ಹೆಸರು; ಕೋಟಿ ರಾಮು.!

    ಆಟೋ ಚಾಲಕ ಶಂಕರ್ ಮಧ್ಯಮ ವರ್ಗಕ್ಕೆ ಸೇರಿದವನು. ಬಡವರಿಗೆ ಹೆಚ್ಚಿನ ಬಡ್ಡಿಗೆ ಹಣ ಕೊಟ್ಟು ಹಿಂಸಿರುವ ಕೊಬ್ಬಿನ ನಾಯಕಿ(ಶಿಲ್ಪಾ)ಗೆ ಪಾಠ ಕಲಿಸುವುದು.. ಪ್ರೇಮ ಸಲ್ಲಾಪ.. ಇದು ಚಿತ್ರದ ಸಾರಾಂಶ. ಈ ಚಿತ್ರದ ಛಾಯಾಚಿತ್ರವೊಂದು ವಿವಾದಕ್ಕೆ ಕಾರಣವಾಗಿದ್ದ ಅಂಶ ಇಲ್ಲಿ ಉಲ್ಲೇಖನೀಯ. ಶಿಲ್ಪಾ ಶೆಟ್ಟಿಯ ಅಸಭ್ಯಕರ ಛಾಯಾಚಿತ್ರವನ್ನು ಮಧುರೈ ಮೂಲದ ವಕೀಲ ಶೆಟ್ಟಿ ಖಂಡಿಸಿದ್ದರು. ಶಿಲ್ಪಾ ವಿರುದ್ಧ ಕೋರ್ಟಿನಲ್ಲಿ ಅವರು ದೂರು ದಾಖಲಿಸಿದ್ದರು.

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X