ಲೈವ್ ಪ್ರೋಗ್ರಾಂನಲ್ಲಿ ಬೂಸಿ ಬಿಟ್ಟ ಹಂಸಲೇಖ

ಟಿವಿ ವಾಹಿನಿಯಲ್ಲಿ ರಿಯಾಲಿಟಿ ಶೋ. ತೀರ್ಪುಗಾರರ ಸಾಲಿನಲ್ಲಿ ಕೂತಿದ್ದವರು ಹಂಸಲೇಖ. ಅಲ್ಲಾದ ತಮಾಷೆ ನೋಡಿ; ಒಂದು ಮಗು ಪ್ರೀತೀನೆ ಆ ದ್ಯಾವ್ರು ತಂದ ಆಸ್ತಿ ನಮ್ಮ ಬಾಳ್ವೆಗೆ ಹಾಡಿತು. ಹಾಡು ಮುಗಿದ ಮೇಲೆ ಹಂಸ್ ಉದ್ದುದ್ದವಾಗಿ ಮಾತಾಡಿದರು.

ದಿನವು ನಿತ್ಯ ಉಗಾದಿನೇ ಎಂಬ ದ್ವಿರುಕ್ತಿಯನ್ನು ಸಾಹಿತಿ ಬಹಳ ಚೆನ್ನಾಗಿ ಬಳಸಿದ್ದಾರೆ ಎಂದರು. ಖುದ್ದು ಚಿ.ಉದಯಶಂಕರ್ ಹತ್ತಿರ ಅವರು ಬರೆದ ಆ ಸಾಲುಗಳ ಕುರಿತು ಚರ್ಚಿಸಿದ್ದಾಗಿ ನುಡಿದರು. ಎಲ್ಲರೂ ಚಪ್ಪಾಳೆ ಹೊಡೆದರು. ಹಂಸಲೇಖ ಮತ್ತೆಮತ್ತೆ ಹಸನ್ಮುಖಿಯಾದರು.

ತಮಾಷೆ ನೋಡಿ, ಆ ಹಾಡನ್ನು ಬರದಿರುವವರು ಉದಯಶಂಕರ್ ಅಲ್ಲ; ಹುಣಸೂರು ಕೃಷ್ಣಮೂರ್ತಿ. ಅನೇಕ ಕಡೆ ಅದು ತಮಗೆ ಇಷ್ಟವಾದ ಹಾಡು ಅಂತ ಅವರೇ ಉಲ್ಲೇಖಿಸಿದ್ದಾರೆ. ಹಾಡೇ ಬರೆಯದವರ ಹತ್ತಿರ ಅದರ ಬಗ್ಗೆ ಹಂಸಲೇಖ ಚರ್ಚೆ ನಡೆಸಿರುವ ಸಂಗತಿಯನ್ನು ಒಂಚೂರೂ ಸಂಕೋಚವಿಲ್ಲದೆ ಹೇಳಿಕೊಳ್ಳುತ್ತಾರೆ. ಹಂಸಲೇಖ ತರಹದವರು ಹೀಗೆ ಜಾಹೀರಾಗುವಂತೆ ಸುಳ್ಳುಗಳನ್ನು ಹೇಳುವುದು ತರವೇ?