ಮದ್ವೆ ಸುದ್ದಿ ಹೇಳುತ್ತಿದ್ದಂತೆ ಸ್ಟಾರ್ ನಟನ ಚಿತ್ರದಿಂದ ಕಾಜಲ್ ಹೊರಕ್ಕೆ!

ಆಚಾರ್ಯದಿಂದ ಕಾಜಲ್ ಹೊರಕ್ಕೆ!

ಮೆಗಾಸ್ಟಾರ್ ಚಿರಂಜೀವಿ ನಟಿಸಲಿರುವ ಆಚಾರ್ಯ ಚಿತ್ರದಿಂದ ನಟಿ ಕಾಜಲ್ ಅಗರ್‌ವಾಲ್ ಹೊರಕ್ಕೆ ಹೋಗುವ ಸಾಧ್ಯತೆ ಹೆಚ್ಚಿದೆ ಎಂಬ ಸುದ್ದಿ ಟಾಲಿವುಡ್‌ನಲ್ಲಿ ಸದ್ದು ಮಾಡ್ತಿದೆ. ಶೂಟಿಂಗ್ ಆರಂಭವಾಗುವುದಕ್ಕೆ ಮುಂಚೆಯೇ ಇಂತಹದೊಂದು ಸುದ್ದಿ ಅಭಿಮಾನಿಗಳಲ್ಲಿ ಬೇಸರ ತರಿಸಿದೆ.

ಮದುವೆ ಕಾರಣ ಆಯ್ತಾ?

ಕಾಜಲ್ ಅಗರ್‌ವಾಲ್ ಮದುವೆ ಅಕ್ಟೋಬರ್ 30 ರಂದು ನಡೆಯಲಿದೆ. ಆಚಾರ್ಯ ಸಿನಿಮಾ ಚಿತ್ರೀಕರಣ ನವೆಂಬರ್ ಮೊದಲ ವಾರದಿಂದ ಆರಂಭಿಸಲು ನಿರ್ಧರಿಸಲಾಗಿದೆ. ಮದುವೆ ಆದ ತಕ್ಷಣ ಶೂಟಿಂಗ್‌ನಲ್ಲಿ ಭಾಗಿಯಾಗಬೇಕಾಗಬಹುದು. ಇದು ಕಷ್ಟದ ಸ್ಥಿತಿ ಎಂಬ ಕಾರಣಕ್ಕೆ ಕಾಜಲ್ ಬದಲು ಮತ್ತೊಬ್ಬ ನಟಿಯನ್ನು ಚಿತ್ರತಂಡ ಹುಡುಕುತ್ತಿದೆ ಎಂದು ಹೇಳಲಾಗಿದೆ.

ಚಿತ್ರತಂಡ ನಿರಾಕರಣೆ!

ಕಾಜಲ್ ಅಗರ್‌ವಾಲ್ ಮದುವೆ ಬಗ್ಗೆ ನಿರ್ಮಾಪಕ ಹಾಗೂ ನಿರ್ದೇಶಕರು ತಲೆಕೆಡಿಸಿಕೊಂಡಿಲ್ಲ. ಮದುವೆಗೂ ಚಿತ್ರಕ್ಕೂ ಯಾವುದೇ ಸಂಬಂಧ ಇಲ್ಲ. ಚಿರಂಜೀವಿಗೆ ನಾಯಕಿಯಾಗಿ ಕಾಜಲ್ ಅವರೇ ನಟಿಸಲಿದ್ದಾರೆ ಎಂಬ ಸುದ್ದಿ ಮೂಲಗಳಿಂದ ತಿಳಿದು ಬಂದಿದೆ.

Recommended Video

ಅಲೆಗಳನ್ನು ಯಾರು ತಡೆಯಲು ಆಗುವುದಿಲ್ಲ ಎಂದು Yash | Filmibeat Kannada

ಡೇಟ್ ಹೊಂದಾಣಿಕೆ ಆಗ್ತಿಲ್ಲ!

ಮದುವೆ ಸುದ್ದಿ ಪ್ರಕಟ ಮಾಡುವುದಕ್ಕೆ ಮುಂಚೆಯೂ ಕಾಜಲ್ ಆಚಾರ್ಯದಿಂದ ಹೊರಬರಲಿದ್ದಾರೆ ಎಂಬ ಸುದ್ದಿ ಚರ್ಚೆಯಾಗಿತ್ತು. ತಮಿಳಿನಲ್ಲಿ ದೊಡ್ಡ ಪ್ರಾಜೆಕ್ಟ್ ಸಹಿ ಹಾಕಿ ಮುಂಗಡ ಹಣ ಸಹ ಪಡೆದಿರುವ ಕಾರಣ ಈ ಚಿತ್ರದಲ್ಲಿ ನಟಿಸಲು ಡೇಟ್ ಹೊಂದಾಣಿಕೆ ಆಗುತ್ತಿಲ್ಲ. ಹಾಗಾಗಿ, ಆಚಾರ್ಯ ಚಿತ್ರದಿಂದ ಕಾಜಲ್ ಹೊರಗುಳಿಯುವ ಸಾಧ್ಯತೆ ಇದೆ ಎನ್ನಲಾಗಿತ್ತು. ಈ ಮಧ್ಯೆ ಮದುವೆ ಸುದ್ದಿಯೂ ಘೋಷಣೆಯಾಗಿದೆ.