»   » ಗುಟ್ಟಾಗಿ ಬಿಯರ್ ಖರೀದಿಸಿ ಸಿಕ್ಕಿಬಿದ್ದ ನಯನತಾರಾ!

ಗುಟ್ಟಾಗಿ ಬಿಯರ್ ಖರೀದಿಸಿ ಸಿಕ್ಕಿಬಿದ್ದ ನಯನತಾರಾ!

By: ಶಂಕರ್, ಚೆನ್ನೈ
Subscribe to Filmibeat Kannada

ನಟಿ ನಯನತಾರಾ ಏನಾದರೂ ಗುಂಡುಪ್ರಿಯಳೇ? ಗುಂಡಿನ ಗಮ್ಮತ್ತಿಗೆ ಅವರೂ ಮಾರುಹೋಗಿದ್ದಾರಾ? ಒಳಗೆ ಸೇರಿದರೆ ಗುಂಡು ಹುಡುಗಿಯಾಗುವಳು ಗಂಡು ಎಂದು ಏನಾದರೂ ಸ್ಟೆಪ್ ಹಾಕುವ ಪ್ಲಾನ್ ಏನಾದರೂ ಇದೆಯೇ? ಈ ವಿಡಿಯೋ ನೋಡಿದರೆ ನಿಮಗೂ ಆ ಡೌಟು ಬಂದರೂ ಬರಬಹುದು.

ಇತ್ತೀಚೆಗೆ ಚೆನ್ನೈನ ಮದ್ಯದಂಗಡಿಯೊಂದರಲ್ಲಿ ಅವರು ಬಿಯರ್ ಬಾಟಲ್ ಖರೀದಿಸುತ್ತಿರುವ ವಿಡಿಯೋ ಇದೀಗ ಈ ಎಲ್ಲಾ ಊಹಾಪೋಹಗಳಿಗೆ ತುಪ್ಪ ಸುರಿದಂತಿದೆ. ಕುಡಿಯೋ ಬಿಡೋದು ಅವರವರ ಖಾಸಗಿ ವಿಚಾರ. ಆದರೆ ನಯನತಾರಾ ಅವರಂತಹ ಜನಪ್ರಿಯ ತಾರೆ ಬಹಿರಂಗವಾಗಿ ಬಾಟಲ್ ಖರೀದಿಸಿರುವುದು ಹಲವರ ಹೊಟ್ಟೆಯಲ್ಲಿ ಚಿಟ್ಟೆ ಹಾರಾಡಿದಂತಾಗಿದೆ. [ಸದ್ದಿಲ್ಲದಂತೆ ನಡದೇಹೋಯ್ತು ನಯನತಾರಾ ಮದುವೆ!]

Actor Nayanatara wine shop visit becomes viral

ಈ ವಿಡಿಯೋ ನೋಡಿದರೆ, ನಯನತಾರಾ ನಿಜಕ್ಕೂ ಕುಡೀತಾರಾ, ಇಲ್ಲವೇ ಎಂಬುದು ಅವರ ಅಭಿಮಾನಿಗಳ ಮನಸ್ಸನಲ್ಲೂ ನಾನಾ ಅನುಮಾನಗಳನ್ನು ಹುಟ್ಟುಹಾಕಿದೆ. ಆದರೆ ಅದರ ಅಸಲಿ ವಿಷಯವೇ ಬೇರೆ ಎಂಬುದು ತಡವಾಗಿ ಬೆಳಕಿಗೆ ಬಂದಿದೆ.

ಈ ವಿಡಿಯೋ ದೃಶ್ಯಗಳಲ್ಲಿ ಇರುವುದು ಸ್ವತಃ ನಯನತಾರಾ ಎಂಬುದು ಹಂಡ್ರಡ್ ಪರ್ಸೆಂಟ್ ಸತ್ಯ. ಅವರು ಬಿಯರ್ ಬಾಟಲ್ ತೆಗೆದುಕೊಂಡಿರುವುದೂ ಅಷ್ಟೇ ನಿಜ. ಆದರೆ ಇದೆಲ್ಲಾ ಅವರು ಅಭಿನಯಿಸುತ್ತಿರುವ 'ನಾನುಂ ರೌಡಿದಾ' ಚಿತ್ರಕ್ಕಾಗಿ ಎಂಬುದೇ ವಿಶೇಷ.

ಚಿತ್ರೀಕರಣದ ಆ ಸನ್ನಿವೇಶವನ್ನು ಯಾರೋ ಪುಣ್ಯಾತ್ಮ ವಿಡಿಯೋ ತೆಗೆದು ಇದೀಗ ಯೂಟ್ಯೂಬ್ ನಲ್ಲಿ ಹರಿಯಬಿಟ್ಟಿದ್ದಾನೆ. ಆ ವಿಡಿಯೋ ಈಗ ಲಂಗುಲಗಾಮಿಲ್ಲದಂತೆ ಯೂಟ್ಯೂಬ್ ನಲ್ಲಿ ಓಡುತ್ತಿದೆ. ಇದು ಚಿತ್ರತಂಡವೇ ಮಾಡಿದ ಟ್ರಿಕ್ ಇರಬಹುದೇ? ಅಥವಾ ಚಿತ್ರತಂಡಕ್ಕೆ ಗೊತ್ತಿಲ್ಲದೆ ನಡೆದ ಕೃತ್ಯವೇ ಎಂಬುದು ಇನ್ನಷ್ಟೇ ಗೊತ್ತಾಗಬೇಕು.

ಧನುಷ್ ಅವರು ತನ್ನ ಸ್ವಂತ ಬ್ಯಾನರ್ ನಲ್ಲಿ ನಿರ್ಮಿಸುತ್ತಿರುವ ಈ ಚಿತ್ರಕ್ಕೆ ಪೋಡಾ ಪೋಡಿ ಖ್ಯಾತಿಯ ವಿಘ್ನೇಶ್ ಆಕ್ಷನ್ ಕಟ್ ಹೇಳುತ್ತಿದ್ದಾರೆ. ವಿಜಯ್ ಸೇತುಪತಿ ಜೊತೆ ನಯನತಾರಾ ತೆರೆಹಂಚಿಕೊಳ್ಳುತ್ತಿದ್ದಾರೆ.

English summary
There was a certain video of Nayantara buying beer from a local wine shop doing the rounds on many online portals. The fact is that the video is apparently a shot from the Nayantara-Vijay Sethupathi starrer 'Naanum Rowdydhaan' 'NDR' is being directed by 'Poda Podi' fame Vignesh Shivan and produced by Dhanush under the Wunderbar Films banner.
Please Wait while comments are loading...