ಉದ್ಯಮಿಯ ಕೈ ಹಿಡಿಯಲಿದ್ದಾಳೆ ನಟ ವಿಶಾಲ್ ಮಾಜಿ ಪ್ರೇಯಸಿ?

ಉದ್ಯಮಿ ಕೈ ಹಿಡಿಯಲಿದ್ದಾರೆ ಅನಿಶಾ?

ನಟ ವಿಶಾಲ್ ಜೊತೆ ನಿಶ್ಚಿತಾರ್ಥ ಮಾಡಿಕೊಂಡಿದ್ದ ಅನಿಶಾ ಅಲ್ಲ ರೆಡ್ಡಿ ಈಗ ಉದ್ಯಮಿಯೊಬ್ಬರ ಜೊತೆ ವಿವಾಹವಾಗಲು ಸಜ್ಜಾಗಿದ್ದಾರೆ ಎಂದು ವರದಿಯಾಗಿದೆ. ವಿಶಾಲ್ ಜೊತೆ ಭಿನ್ನಾಭಿಪ್ರಾಯದಿಂದ ಸಂಬಂಧ ಮುರಿದುಕೊಂಡಿರುವುದಾಗಿ ತಿಳಿದು ಬಂದಿದೆ. ಆದರೆ, ಉದ್ಯಮಿ ಜೊತೆಗಿನ ಮದುವೆ ಬಗ್ಗೆ ಅಧಿಕೃತವಾಗಿ ಮಾಹಿತಿ ಹೊರಬಿದ್ದಿಲ್ಲ.

ಬ್ರೇಕ್ ಅಪ್ ಖಚಿತ ಪಡಿಸಿದ್ರಾ ನಟ?

ಯೂಟ್ಯೂಬ್ ಚಾನಲ್‌ ಗೆ ನೀಡಿರುವ ಸಂದರ್ಶನದಲ್ಲಿ ಈ ಬಗ್ಗೆ ನಟ ವಿಶಾಲ್ ಸ್ಪಷ್ಟನೆ ನೀಡಿದ್ದಾರಂತೆ. 'ಅನಿಶಾ ಜೊತೆಗಿನ ನಿಶ್ಚಿತಾರ್ಥ ಅಂತ್ಯವಾಗಿದೆ. ಅವರ ಮನೆಯಲ್ಲಿ ಆಕೆಗೆ ವರನನ್ನು ಹುಡುಕುತ್ತಿದ್ದಾರೆ' ಎಂದು ತಿಳಿಸಿದ್ದಾರೆ ಎಂದು ಫಿಲ್ಮಿಬೀಟ್ ಇಂಗ್ಲೀಷ್ ವರದಿ ಮಾಡಿದೆ.

ತಂದೆ ಹೇಳಿಕೆ ನೀಡಿದ್ದರು

ವಿಶಾಲ್ ಮತ್ತು ಅನಿಶಾ ಸಂಬಂಧ ಮುರಿದು ಬಿದ್ದಿದೆ ಎಂಬ ವಿಚಾರ ಕಳೆದ ವರ್ಷ ಆಗಸ್ಟ್ ತಿಂಗಳಲ್ಲಿ ಬಹಿರಂಗವಾಗಿತ್ತು. ಅಷ್ಟೋತ್ತಿಗಾಗಲೇ ಅನಿಶಾ ತಮ್ಮ ಸಾಮಾಜಿಕ ಜಾಲತಾಣದ ಖಾತೆಗಳಲ್ಲಿ ವಿಶಾಲ್ ಅವರ ಫೋಟೋಗಳನ್ನು ಡಿಲೀಟ್ ಮಾಡಿದ್ದರು. ಆಗ ವಿಶಾಲ್ ತಂದೆ ಪ್ರತಿಕ್ರಿಯಿಸಿ ''ಕಲಾವಿದರ ಸಂಘದ ಕಟ್ಟಡ ನಿರ್ಮಾಣವಾಗುತ್ತಿದೆ, ಉದ್ಘಾಟನೆಯಾದ ಬಳಿಕ ಮದುವೆ ನಿಶ್ಚಿಯವಾಗಲಿದೆ. ಮದುವೆ ಮುರಿದು ಬಿದ್ದಿಲ್ಲ'' ಎಂದಿದ್ದರು.

ಸಲಾರ್ ನಂತರ ಮತ್ತೊಂದು ಸಿನಿಮಾ ಘೋಷಣೆ ಮಾಡಲಿದೆ ಹೊಂಬಾಳೆ ಫಿಲಂಸ್ | Filmibeat Kannada

ಅನಿಶಾ ಅಲ್ಲ ರೆಡ್ಡಿ ಕುರಿತು

ಅನಿಶಾ ಮೂಲತಃ ತೆಲುಗಿನವರು. ಉದ್ಯಮಿ ವಿಜಯ್ ರೆಡ್ಡಿ ಮತ್ತು ಪದ್ಮಜಾ ದಂಪತಿಯ ಪುತ್ರಿ. ಅನಿಶಾ ನಟಿ ಕೂಡ ಹೌದು. ತೆಲುಗಿನ ಎರಡು ಸಿನಿಮಾಗಳಲ್ಲಿ ಅಭಿನಯಿಸಿದ್ದಾರೆ. ವಿಜಯ್ ದೇವರಕೊಂಡ ಅಭಿನಯದ 'ಪೆಳ್ಳಿ ಚೂಪುಲು' ಮತ್ತು 'ಅರ್ಜುನ್ ರೆಡ್ಡಿ' ಸಿನಿಮಾಗಳಲ್ಲಿ ಕಾಣಿಸಿಕೊಳ್ಳುವ ಮೂಲಕ ತೆರೆಮೇಲೆ ಮಿಂಚಿದ್ದಾರೆ.