ಲವ್ ಮಾಡ್ತಿದ್ದೀನಿ ಎಂದು ಮೋಸ ಮಾಡ್ದ; ಇಲಿಯಾನಾ

ಪ್ರೀತಿ ಪ್ರೇಮ ಪ್ರಣಯದ ವಿಚಾರದಲ್ಲಿ ಮೋಸ ಹೋಗುವುದು ಕೇವಲ ಪ್ರೇಮಿಗಳಷ್ಟೇ ಅಲ್ಲ ತಾರೆಗಳೂ ಒಮ್ಮೊಮ್ಮೆ ಮೋಸ ಹೋಗುತ್ತಾರೆ ಎಂಬುದಕ್ಕೆ ಇಲ್ಲಿದೆ ನಿದರ್ಶನ. ಕನ್ನಡದಲ್ಲಿ ಸೊಂಟ ಬಳುಕಿಸಿದ್ದ ಇಲಿಯಾನಾ ತಮ್ಮ ಲವ್ ಫೆಯಿಲೂರ್ ಬಗ್ಗೆ ಹೇಳಿಕೊಂಡಿದ್ದಾರೆ.

ನಾನು ಒಬ್ಬ ಟಾಲಿವುಡ್ ಹೀರೋನನ್ನು ಪ್ರಾಣಕ್ಕಿಂತಲೂ ಹೆಚ್ಚಾಗಿ ಪ್ರೀತಿಸುತ್ತಿದ್ದೆ. ಆದರೆ ಆತ ನನಗೆ ಮೋಸ ಮಾಡಿದ ಎಂದು ಹೀರೋ ಹೆಸರು ಪ್ರಸ್ತಾಪಿಸದೆ ಹೇಳಿಕೊಂಡಿದ್ದಾರೆ. ಈ ಬಗ್ಗೆ ಈ ಹಿಂದೆಯೂ ಇಲಿಯಾನಾ ಹೇಳಿಕೊಂಡಿದ್ದರು.

ಇಲಿಯಾನಾ

ಫಾರಿನ್ ಫೋಟೋಗ್ರಫರ್ ಜೊತೆ ನೀವು ಕಣ್ಣಾಮುಚ್ಚಾಲೆ ಆಡುತ್ತಿದ್ದೀರಂತೆ ಎಂಬ ಪ್ರಶ್ನೆಗೆ ಉತ್ತರಿಸಿದ ಇಲಿ, "ನಾನು ಯಾರನ್ನೂ ಅಷ್ಟು ಬೇಗ ನನ್ನ ಹೃದಯದಲ್ಲಿ ಬಿಟ್ಟುಕೊಳ್ಳಲ್ಲ. ಒಮ್ಮೆ ಮೋಸ ಹೋಗಿದ್ದೇನೆ. ಈ ಬಾರಿ ಹೇಗೆ ಇರಬೇಕು ಎಂಬುದು ನನಗೆ ಗೊತ್ತು" ಎಂದಿದ್ದಾರೆ.

ತೆಲುಗು ಚಿತ್ರಗಳಲ್ಲಿ ಅಭಿನಯಿಸಬೇಕಾದರೆ ಒಬ್ಬ ಹೀರೋಗೆ ನನ್ನ ಮನಸ್ಸನು ಕೊಟ್ಟೆ. ಅವನೇ ನನ್ನ ಸರ್ವಸ್ವ ಎಂದು ಭಾವಿಸಿದೆ. ಆದರೆ ಆತ ನನ್ನ ನಂಬಿಕೆಯನ್ನು ಹುಸಿ ಮಾಡಿದ. ನನಗೆ ಮೋಸ ಮಾಡಿದ" ಎಂದು ನೋವಿನಿಂದ ಹೇಳಿಕೊಂಡಿದ್ದಾರೆ.