ಅವಳಿ ಗಂಡು ಮಕ್ಕಳಿಗೆ ಜನ್ಮ ನೀಡಿದ ನಟಿ ನಮಿತಾ!

ನಮಿತಾಗೆ ಅವಳಿ ಗಂಡು ಮಕ್ಕಳು!

ಬಹುಭಾಷಾ ನಟಿ ನಮಿತಾ ಅಭಿಮಾನಿಗಳಿಗೆ ಶುಭ ಸುದ್ದಿಯನ್ನು ಕೊಟ್ಟಿದ್ದಾರೆ. ಶ್ರೀಕೃಷ್ಣ ಜನ್ಮಾಷ್ಟಮಿ ದಿನವೇ ನಟಿ ಅವಳಿ ಗಂಡು ಮಕ್ಕಳಿಗೆ ಜನ್ಮ ನೀಡಿದ್ದಾರೆ. ನಟಿ ಶುಕ್ರವಾರ ಆಗಸ್ಟ್ 19 ರಂದು ಸಾಮಾಜಿಕ ಜಾಲತಾಣದಲ್ಲಿ ಈ ವಿಚಾರವನ್ನು ಹಂಚಿಕೊಂಡಿದ್ದಾರೆ. ಜೊತೆ ಪತಿ, ಪತ್ನಿ ಇಬ್ಬರೂ ಕೂಡ ಮಕ್ಕಳನ್ನೂ ಹಿಡಿದುಕೊಂಡಿರುವ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ.

ನಮಿತಾ ವಿಶೇಷ ಪೋಸ್ಟ್!

ಮಕ್ಕಳ ಜೊತೆಗಿನ ಫೋಟೊ ಹಂಚಿಕೊಂಡ ನಟಿ ನಮಿತಾ, "ಹರೇ ಕೃಷ್ಣ... ಈ ಶುಭ ಸಂದರ್ಭದಲ್ಲಿ ನಿಮ್ಮೆಲ್ಲರೊಂದಿಗೆ ಸಿಹಿ ಸುದ್ದಿಯನ್ನು ಹಂಚಿಕೊಳ್ಳಲು ನಾವು ಸಂತೋಷಪಡುತ್ತೇವೆ. ನಾವು ಅವಳಿ ಗಂಡುಮಕ್ಕಳನ್ನು ಸ್ವಾಗತಿಸಿದ್ದೇವೆ. ನಿಮ್ಮ ಆಶೀರ್ವಾದ ಮತ್ತು ಪ್ರೀತಿ ಯಾವಾಗಲೂ ಅವರೊಂದಿಗೆ ಇರುತ್ತದೆ ಎಂದು ನಾವು ಭಾವಿಸುತ್ತೇವೆ. ನಾವು ನಿಜವಾಗಿಯೂ ರೇಲಾ ಆಸ್ಪತ್ರೆ ಅವರಿಗೆ ಕೃತಜ್ಞರಾಗಿರುತ್ತೇವೆ. ಅವರ ಅತ್ಯುತ್ತಮ ಆರೋಗ್ಯ ರಕ್ಷಣೆ ಮತ್ತು ಸೇವೆಗಳಿಗಾಗಿ ಧನ್ಯವಾದಗಳು. ನನ್ನ ಗರ್ಭಾವಸ್ಥೆಯ ಪ್ರಯಾಣ ಮತ್ತು ನನ್ನ ಮಕ್ಕಳನ್ನು ಈ ಜಗತ್ತಿಗೆ ಕರೆತರಲು ಮಾರ್ಗದರ್ಶನ ನೀಡಿದ ಡಾ. ಭುವನೇಶ್ವರಿ ಮತ್ತು ಅವರ ತಂಡಕ್ಕೆ ನಾನು ನಿಜವಾಗಿಯೂ ಋಣಿಯಾಗಿದ್ದೇನೆ ಎಂದಿದ್ದಾರೆ." ಎಂದು ನಮಿತಾ ಬರೆದುಕೊಂಡಿದ್ದಾರೆ.

ಬೇಬಿ ಬಂಪ್ ಫೋಟೋಶೂಟ್‌ನಲ್ಲಿ ನಮಿತಾ!

ನಮಿತಾ ಈ ಹಿಂದೆ ಎರಡು ಬಾರಿ ಬೇಬಿ ಬಂಪ್ ಫೋಟೋಶೂಟ್ ಮಾಡಿಸಿದ್ದರು. ಆ ಫೋಟೊಗಳು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದ್ದವು. ಕಪ್ಪು ಸೀರೆಯುಟ್ಟು ನಮಿತಾ ಫೋಟೋಶೂಟ್ ಮಾಡಿಸಿದ್ದರು. ಜೊತೆಗೆ ನಮಿತಾಗೆ ಅದ್ದೂರಿಯಾದ ಸೀಮಂತದ ಶಾಸ್ತ್ರ ಕೂಡ ನೆರವೇರಿತ್ತು. ಕುಟುಂಬಸ್ಥರು ಹಾಗೂ ಆಪ್ತರು ಹಾಗೂ ಚಿತ್ರರಂಗದ ಗಣ್ಯರು ಈ ಸಂಭ್ರಮದಲ್ಲಿ ಭಾಗಿಯಾಗಿದ್ದರು. ಆ ಫೋಟೊಗಳನ್ನು ನಮಿತಾ ಸೋಶಿಯಲ್ ಮೀಡಿಯಾದಲ್ಲಿ ವಿಡಿಯೋ ಮಾಡಿ ಶೇರ್ ಮಾಡಿಕೊಂಡಿದ್ದರು.

2017ರಲ್ಲಿ ಮದುವೆ ಆದ ನಮಿತಾ, ವೀರೇಂದ್ರ!

2017ರಲ್ಲಿ ನಟ-ಉದ್ಯಮಿ ವೀರೇಂದ್ರ ಚೌಧರಿ ಅವ್ರನ್ನು ನಮಿತಾ ವಿವಾಹವಾದರು. ಈ ಜೋಡಿಯು ತಿರುಪತಿಯಲ್ಲಿರುವ ಇಸ್ಕಾನ್ ಲೋಟಸ್ ಟೆಂಪಲ್‌ನಲ್ಲಿ ತಮ್ಮ ಕುಟುಂಬ, ಸ್ನೇಹಿತರು ಮತ್ತು ಚಲನಚಿತ್ರ ಉದ್ಯಮದ ಗಣ್ಯರ ಸಮ್ಮುಖದಲ್ಲಿ ವಿವಾಹವಾದರು. ನಮಿತಾ ತಮ್ಮ ಹುಟ್ಟುಹಬ್ಬದಂದು ನಮಿತಾ ತಾವು ಗರ್ಭಿಣಿಯಾಗಿರುವುದನ್ನು ಘೋಷಿಸಿದರು.