ಪ್ರಿಯಾಮಣಿಯ ಪ್ರಿಯತಮ ಇವನೇನಾ, ಇವತ್ತಿನ ಗಾಸಿಪ್

ಎಲ್ಲರ ಕಣ್ಣು ಪಕ್ಕದಲ್ಲಿದ್ದ ಹುಡುಗನ ಮೇಲೆ

ಇತ್ತೀಚೆಗೆ ಪ್ರಿಯಾಮಣಿ ತಮ್ಮ ಒಂದಷ್ಟು ಫೋಟೋಗಳನ್ನು ಟ್ವಿಟ್ಟರ್ ನಲ್ಲಿ ಹಾಕಿಕೊಂಡಿದ್ದರು. ಎಲ್ಲರ ಕಣ್ಣು ಬಿದ್ದದ್ದು ಮಾತ್ರ ಪ್ರಿಯಾಮಣಿ ಪಕ್ಕದಲ್ಲಿದ್ದ ಹುಡುಗನ ಮೇಲೆ. ಯಾರಿವನು ಎಂದು ಎಲ್ಲರೂ ತಲೆಕೆಡಿಸಿಕೊಂಡಿದ್ದಾರೆ.

ಇವ ಅವನಲ್ಲ ಎಂದ ಪ್ರಿಯಾಮಣಿ

ಆದರೆ ಅವನಲ್ಲ ಅವನಲ್ಲ ಎನ್ನುತ್ತಿದ್ದಾರೆ ಪ್ರಿಯಾಮಣಿ. ಇನ್ಯಾರು ಎಂದರೆ ಸಮಯ ಬರಲಿ ಆಗ ಹೇಳುತ್ತೇನೆ ಎನ್ನುತ್ತಾರೆ. ತನ್ನ ಪ್ರಿಯಕರನ ಬಗ್ಗೆ ಪ್ರಿಯಾಮಣಿ ಬಾಯ್ಬಿಡದಿದ್ದರೂ ಅವರ ಆತ್ಮೀಯರಂತೂ ಸ್ವಲ್ಪ ಸುಳಿವು ನೀಡಿದ್ದಾರೆ.

ಮುಸ್ತಾಫಾ ರಾಜ್ ಕೈಹಿಡಿಯಲಿದ್ದಾರಾ ಪ್ರಿಯಾ?

ಪ್ರಿಯಾಮಣಿ ಡೇಟಿಂಗ್ ನಡೆಸುತ್ತಿರುವ ಹುಡುಗನ ಹೆಸರು ಮುಸ್ತಾಫಾ ರಾಜ್ ಎನ್ನಲಾಗಿದೆ. ಉದ್ಯಮಿಯಾಗಿರುವ ಈತನನ್ನು ಶೀಘ್ರದಲ್ಲೇ ವರಿಸಲಿದ್ದಾರಂತೆ ಪ್ರಿಯಾಮಣಿ.

ಮದುವೆಗೆ ಸಿದ್ಧವಾಗುತ್ತಿರುವ ಜೋಡಿ

ಮೂಲಗಳ ಪ್ರಕಾರ ಇವರಿಬ್ಬರೂ ಬಹಳ ಸಮಯದಿಂದ ಲವ್ ಮಾಡುತ್ತಿದ್ದಾರಂತೆ. ಲವ್ ಎಂಬ ಎರಡಕ್ಷರದ ಸಂಬಂಧ ಇದೀಗ ಮದುವೆ ಎಂಬ ಮೂರಕ್ಷರದ ಬಂಧನವಾಗಲಿದೆ.

ಎರಡೂ ಕಡೆಯಿಂದ ಗ್ರೀನ್ ಸಿಗ್ನಲ್

ಇನ್ನು ಇವರಿಬ್ಬರ ಪ್ರೇಮಾಯಣ ಮನೆಯವರಿಗೆ ಗೊತ್ತಿದ್ದು ಎರಡೂ ಕಡೆಯಿಂದಲೂ ಗ್ರೀನ್ ಸಿಗ್ನಲ್ ಸಿಕ್ಕಿದೆ. ಎಲ್ಲವೂ ಅಂದುಕೊಂಡಂತೆ ನಡೆದರೆ ಮುಂದಿನ ವರ್ಷವೇ ಗಟ್ಟಿಮೇಳ.

ಮುಸ್ತಾಫಾ ಅವರು ಬಿಜಿನೆಸ್ ಮ್ಯಾನ್

ಮುಸ್ತಾಫಾ ಅವರು ಬಿಜಿನೆಸ್ ಮ್ಯಾನ್. ಚಿತ್ರರಂಗಕ್ಕೂ ಅವರಿಗೂ ಯಾವುದೇ ಸಂಬಂಧವಿಲ್ಲವಂತೆ. ಸಾಕಷ್ಟು ಬಾರಿ ಇಬ್ಬರೂ ಒಟ್ಟಿಗೆ ಕಾಣಿಸಿಕೊಂಡಿದ್ದಾರೆ.

ಗಾಸಿಪ್ ತಳ್ಳಿಹಾಕಿದ್ದ ಪ್ರಿಯಾಮಣಿ

ಮಲಯಾಳಂನ ರಿಯಾಲಿಟಿ ಶೋ ನಿರೂಪಕ ಗೋವಿಂದ್ ಪದ್ಮಸೂರ್ಯ ಎಂಬುವವರೊಂದಿಗೆ ಪ್ರಿಯಾಮಣಿ ಜೂಟಾಟಾ ಆಡುತ್ತಿದ್ದಾರೆ ಎಂಬ ಗಾಸಿಪ್ ಹರಿದಾಗ ಅದನ್ನು ನಿರಾಕರಿಸಿದ್ದರು.

ಸಂಥಿಂಗ್ ಸಂಥಿಂಗ್ ಸ್ಟೋರಿ

ಇವರಿಬ್ಬರೂ ಎಲ್ಲೆಂದರಲ್ಲಿ ಜೊತೆಯಾಗಿ ಕಾಣಿಸುವುದು, ತಿರುಗಾಡುವುದನ್ನು ನೋಡಿದವರು ಸಂಥಿಂಗ್ ಸಂಥಿಂಗ್ ಎಂದು ಹಾಡಿಕೊಳ್ಳುತ್ತಿದ್ದರಂತೆ. ಈ ಹಾಡು ಪ್ರಿಯಾಮಣಿ ಅವರ ಕಿವಿಗೂ ಬಿದ್ದು ಕೂಡಲೇ ನಥಿಂಗ್ ನಥಿಂಗ್ ಎಂದು ಹಾಡಿದ್ದಾರೆ.

ನನ್ನ ಬೆಸ್ಟ್ ಫ್ರೆಂಡ್ ಅಷ್ಟೇ

ಈ ರಿಯಾಲಿಟಿ ಶೋನಲ್ಲಿ ನಾನೂ ಭಾಗಿಯಾದ ಕಾರಣ ಅವರೊಂದಿಗೆ ಓಡಾಡಿದ್ದೇನೆ ಅಷ್ಟೇ. ನನ್ನ ಬೆಸ್ಟ್ ಫ್ರೆಂಡ್. ಉಳಿದಂತೆ ನೀವು ತಿಳಿದಂತೆ ನಮ್ಮಿಬ್ಬರ ನಡುವೆ ಆ ರೀತಿಯ ಯಾವುದೇ ಕಥೆ ನಡೆದಿಲ್ಲ ಎಂದಿದ್ದರು.