ಚಿತ್ರ ನಿರ್ಮಾಪಕರಿಗೆ ಭಾರವಾದ ರಾಗಿಣಿ ದ್ವಿವೇದಿ

ರಾಗಿಣಿ ದ್ವಿವೇದಿ

ಸ್ಯಾಂಡಲ್‌ವುಡ್‌ನಲ್ಲಿ ರಮ್ಯಾ ಸಂಭಾವನೆಯೇ ಅತಿ ಹೆಚ್ಚು ಎನ್ನಲಾಗಿತ್ತು. ಆದರೆ "ತುಪ್ಪಾ ಬೇಕಾ ತುಪ್ಪಾ" ಎಂದು ತಮ್ಮ ಸೊಂಟವನ್ನು ಬಳುಕಿಸಿದ ರಾಗಿಣಿ ಸಂಭಾವನೆ ರು.30 ಲಕ್ಷದ ಬೌಂಡರಿ ಲೈನ್ ದಾಟಿತ್ತು. ಆದರೂ ಆಕೆಗೆ ಸಮಾಧಾನ ಇದ್ದಂತೆ ಇಲ್ಲ.

ಸದ್ಯಕ್ಕೆ 'ರಾಗಿಣಿ ಐಪಿಎಸ್' ಚಿತ್ರದಲ್ಲಿ ಅಭಿನಯಿಸುತ್ತಿರುವ ಈಕೆಗೆ ಸಾಲುಸಾಲು ಚಿತ್ರಗಳ ಆಫರ್ ಬರುತ್ತಿದೆ. ಆದರೆ ಯಾವ ಚಿತ್ರಕ್ಕೂ ಸಹಿ ಹಾಕುತ್ತಿಲ್ಲ. ಕಾರಣ ಏನಿರಬಹುದು ಎಂದು ಗಾಂಧಿನಗರದ ಕಡೆ ಕಿವಿಗೊಟ್ಟರೆ, ರು.33 ಲಕ್ಷ ಸಂಭಾವನೆಯಲ್ಲಿ ಯಾರಿಗೂ ಡಿಸ್ಕೌಂಟ್ ಕೊಡುತ್ತಿಲ್ಲವಂತೆ ಎಂಬ ಸುದ್ದಿಗೆ ಕೇಳಿಸುತ್ತದೆ.

ಅಷ್ಟೊಂದು ದುಡ್ಡು ಬಿಚ್ಚಲು ಆಗದೆ ನಿರ್ಮಾಪಕರು ಸೂಟ್‌ಕೇಸ್ ಸಮೇತ ಜಾಗ ಖಾಲಿ ಮಾಡುತ್ತಿದ್ದಾರಂತೆ. ಆದಿತ್ಯ ಜೊತೆ ರಾಗಿಣಿ ಅಭಿನಯದ 'ವಿಲನ್' ಚಿತ್ರ ಇನ್ನೇನು ತೆರೆಗೆ ಬರಲು ಸಿದ್ಧವಾಗಿದೆ. ಶಿರಾಜ್ ಕುಮಾರ್ ಜೊತೆಗಿನ 'ಶಿವ' ಚಿತ್ರ ಜೂನ್‌ಗೆ ಬಿಡುಗಡೆಯಾಗಲಿದೆ. ಸದ್ಯಕ್ಕೆ 'ರಾಗಿಣಿ ಐಪಿಎಸ್' ಬಿಟ್ಟರೆ ಇನ್ಯಾವ ಚಿತ್ರಕ್ಕೂ ರಾಗಿಣಿ ಕೈಯಲ್ಲಿಲ್ಲ. (ಏಜೆನ್ಸೀಸ್)