ಗರ್ಭಿಣಿಯಾಗಲು ಹೊರಟಿದ್ದಾರೆ ರಾಗಿಣಿ ದ್ವಿವೇದಿ

ಈ ರೀತಿಯ ಸುದ್ದಿಯೊಂದು ಗಾಂಧಿನಗರದಿಂದ ಶಿವಾಜಿನಗರತನಕ ಹಬ್ಬಿದೆ. ಸದ್ಯಕ್ಕೆ ರಾಗಿಣಿ ಐಪಿಎಸ್ ಚಿತ್ರದಲ್ಲಿ ನಟಿಸುತ್ತಿರುವ ರಾಗಿಣಿ ಗರ್ಭಿಣಿಯಾಗಲಿದ್ದಾರಂತೆ ಎಂಬುದೇ ಆ ಸುದ್ದಿ. ವಿದ್ಯಾ ಬಾಲನ್ ಪೋಷಿಸಿದ್ದ ಕಹಾನಿ ಚಿತ್ರ ಕನ್ನಡಕ್ಕೆ ರೀಮೇಕ್ ಆಗಲಿದೆ ಎನ್ನುತ್ತವೆ ಮೂಲಗಳು.

ಕಹಾನಿ ಕನ್ನಡ ರೀಮೇಕ್‌ಗೆ ಆಫರ್ ಬಂದಿರುವುದೇನೋ ನಿಜ. ಆದರೆ ಮೊದಲು ನನಗೆ ನಂಬಲಿಕ್ಕೇ ಆಗಲಿಲ್ಲ. ಬಳಿಕ ರೀಮೇಕ್ ರೈಟ್ಸ್ ಬಗ್ಗೆ ಭರವಸೆ ನೀಡಿದ್ದಾರೆ. ಬಹುಶಃ ನಾನು ಈ ಚಿತ್ರದಲ್ಲಿ ಅಭಿನಯಿಸಬಹುದು ಎಂದು ಗೋಡೆ ಮೇಲೆ ದೀಪ ಇಟ್ಟಂತೆ ಹೇಳಿದ್ದಾರೆ ರಾಗಿಣಿ.

ಕಹಾನಿ ಚಿತ್ರದ ಕಥಾವಸ್ತು ಹೀಗಿದೆ. ಉದ್ಯೋಗ ನಿಮಿತ್ತ ನಗರ ಪ್ರದೇಶಕ್ಕೆ ಹೋದ ತನ್ನ ಗಂಡ ಹಿಂತಿರುಗುವುದಿಲ್ಲ. ಆತನನ್ನು ಹುಡುಕಿಕೊಂಡು ಗರ್ಭಿಣಿಯಾದ ಚಿತ್ರದ ನಾಯಕಿ ಹೊರಡುತ್ತಾಳೆ. ಅಲ್ಲಿ ಆಕೆಗೆ ಎದುರಗುವ ಪರಿಸ್ಥಿತಿಗಳ ಕಥಾ ಹಂದರವೇ ಈ ಚಿತ್ರ. ಕನ್ನಡದ ಕಹಾನಿ ಬಗೆಗಿನ ಹೆಚ್ಚಿನ ಮಾಹಿತಿಯನ್ನು ನಿರೀಕ್ಷಿಸಲಾಗಿದೆ. (ಏಜೆನ್ಸೀಸ್)