ಅಲ್ಲು ಅರ್ಜುನ್ ಸಂಭಾವನೆ ಹೆಚ್ಚಾಯ್ತು: ಪುಷ್ಪ ರಾಜ್ ಇಷ್ಟೊಂದು ದುಬಾರಿನಾ?

ಪುಷ್ಪ ಚಿತ್ರಕ್ಕೆ 75 ಕೋಟಿ ಸಂಭಾವನೆ ಪಡೆದಿದ್ದ ಅಲ್ಲು ಅರ್ಜುನ್!

ನಟ ಅಲ್ಲು ಅರ್ಜುನ್ ಅವರ ಸಂಭಾವನೆ ಹೆಚ್ಚಾಗಲು ಕಾರಣ ಪುಷ್ಪ ಸಿನಿಮಾ. ಪುಷ್ಪ ಸಿನಿಮಾದ ಮೂಲಕ ಅಲ್ಲು ಅರ್ಜುನ್ ಸಿನಿಮಾಗಳಿಗೆ ಬೇಡಿಕೆ ಹೆಚ್ಚಾಗಿದೆ. ಅದರಲ್ಲೂ ಪುಷ್ಪ ಸಿನಿಮಾ ಬಾಲಿವುಡ್‌ನಲ್ಲಿ ಹೆಚ್ಚಿನ ಗಮನ ಸೆಳೆದಿದೆ. ಅಲ್ಲು ಅರ್ಜುನ್ ಸಿನಿಮಾಗಳ ಬಗ್ಗೆ ನಾರ್ತ್‌ ನಲ್ಲಿ ಕ್ರೇಜ್ ಹುಟ್ಟು ಹಾಕಿದೆ. ಪುಷ್ಪ ಚಿತ್ರಕ್ಕಾಗಿ 75 ಕೋಟಿ ರೂ ಸಂಭಾವನೆ ಪಡೆದು ಕೊಂಡಿದ್ದಾರೆ.

ಅಲ್ಲು ಅರ್ಜುನ್ ಸಂಭಾವನೆ ಈಗ 100 ಕೋಟಿ?

ಈ ಸುದ್ದಿ ಕೇಳಿದರೆ ಅಚ್ಚರಿ ಆಗಬಹುದು. ಆದರೆ ಪುಷ್ಪ ಸಿನಿಮಾದ ಬಳಿಕ ಅಲ್ಲು ಅರ್ಜುನ್ ಸಂಭಾವನೆ 100 ಕೋಟಿ ಆಗಿದೆಯಂತೆ. ಹಾಗಾಗಿ ಪುಷ್ಪ 2 ಚಿತ್ರಕ್ಕಾಗಿ ಅಲ್ಲು ಅರ್ಜುನ್ ಅವರು 100 ಕೋಟಿ ರೂ. ಸಂಭಾವನೆ ಪಡೆಯಲಿದ್ದಾರೆ ಎನ್ನುವ ಸುದ್ದಿ ಟಾಲಿವುಡ್‌ನಲ್ಲಿ ಹಬ್ಬಿದೆ. ಈ ಮೂಲಕ ಅಲ್ಲು ಅರ್ಜುನ್ ಟಾಲಿವುಡ್‌ನ ಅತಿ ಹೆಚ್ಚು ಸಂಭಾವನೆ ಪಡೆಯುವ ನಟರಲ್ಲಿ ಮುಂಚೂಣಿಯಲ್ಲಿ ಇದ್ದಾರೆ.

300 ಕೋಟಿ ಕಲೆ ಹಾಕಿದ ಪುಷ್ಪ ಸಿನಿಮಾ!

ಪುಷ್ಪ ಸಿನಿಮಾ ಊಹೆಗೂ ಮೀರಿದ ಕಲೆಕ್ಷನ್ ಮಾಡಿದೆ. ಬಾಕ್ಸಾಫೀಸ್‌ನಲ್ಲಿ ಪುಷ್ಪ ಸಿನಿಮಾ ಹೊಸ ದಾಖಲೆ ಮಾಡಿದೆ. ವಿಶ್ವದಾದ್ಯಂತ ಪುಷ್ಪ ಕಲೆಕ್ಷನ್ 300 ಕೋಟಿಯ ಗಡಿ ದಾಟಿದೆ. ಇದು ನಟ ಅಲ್ಲು ಅರ್ಜುನ್ ಅವರ ಸಿನಿಮಾ ಬದುಕಿನಲ್ಲೆ ಬರೆದ ಮೊದಲ ರೆಕಾರ್ಡ್. ಇಲ್ಲಿ ತನಕ ಅಲ್ಲು ಅರ್ಜುನ್ ಸಿನಿಮಾಗಳು ಈ ಮಟ್ಟಿಗಿನ ದಾಖಲೆ ಮಾಡಿರಲಿಲ್ಲ.

ಹಿಂದಿಯಲ್ಲಿ 75 ಕೋಟಿಗೂ ಅಧಿಕ ಗಳಿಕೆ!

ಹಿಂದಿಯಲ್ಲೂ ರಿಲೀಸ್ ಆಗಿರುವ ಪುಷ್ಪ ಚಿತ್ರ ದೊಡ್ಡ ಮಟ್ಟದ ದಾಖಲೆ ನಿರ್ಮಿಸಿದೆ. ಈ ಹಿಂದೆ ಬಾಲಿವುಡ್‌ನಲ್ಲಿ ದಾಖಲೆ ಮಾಡಿದ್ದ ಸೌತ್ ಸಿನಿಮಾ ಅಂದರೆ ಅದು ಬಾಹುಬಲಿ ಮಾತ್ರವೇ ಆಗುತ್ತು. ಆದರೆ ಈಗ ಪುಷ್ಪ ಸಿನಿಮಾ ಹಿಂದಿ ಅವತರಣಿಕೆಯಲ್ಲಿ 75 ಕೋಟಿ ರೂಪಾಯಿಗೂ ಮೀರಿದ ಗಳಿಕೆ ಮಾಡಿ ದಾಖಲೆ ಬರೆದಿದೆ. ಈ ಚಿತ್ರವನ್ನು ಬಾಲಿವುಡ್‌ನ ಕಲಾವಿದರು ಕೂಡ ಮೆಚ್ಚಿ ಕೊಂಡಾಡಿದ್ದಾರೆ. ಹಾಗಾಗಿ ಅಲ್ಲು ಅರ್ಜುನ್ ಸಂಭಾವನೆ 100 ಕೋಟಿಗೆ ಏರಿದೆ ಎನ್ನಲಾಗುತ್ತಿದೆ.