Don't Miss!
- Lifestyle ಲಿವರ್ ಸಮಸ್ಯೆಯಿದೆ ಎಂದು ಸೂಚಿಸುವ ಲಕ್ಷಣಗಳಿವು, ಕುಟುಂಬಸ್ಥರು ಲಿವರ್ ದಾನ ಮಾಡಿದರೆ ವ್ಯಕ್ತಿಯ ಪ್ರಾಣ ಉಳಿಸಬಹುದು
- News ಲೋಕಸಭಾ ಚುನಾವಣೆ 2024: ಈ ಆರು ಜಿಲ್ಲೆಗಳಲ್ಲಿ ಬಹುತೇಕ ಶೂನ್ಯ ಮತದಾನ; ಕಾರಣವೇನು?
- Sports LSG vs CSK IPL 2024: ಮತ್ತೊಮ್ಮೆ ಧೋನಿ, ಜಡೇಜಾ ಅಬ್ಬರ; ಲಕ್ನೋ ತಂಡಕ್ಕೆ ಸವಾಲಿನ ಗುರಿ ನೀಡಿದ ಸಿಎಸ್ಕೆ
- Automobiles ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಕತ್ರಿನಾ ಮದುವೆಗೂ ಮುನ್ನ ಆಲಿಯಾ ರಣ್ಬೀರ್ ಮನೆಯಲ್ಲಿ ಸಂಭ್ರಮ: ಯಾವಾಗ ನಿಶ್ಚಿತಾರ್ಥ?
ಈ ವರ್ಷ ಬಾಲಿವುಡ್ನಲ್ಲಿ ಸಂಭ್ರಮವೋ ಸಂಭ್ರಮ. ಸ್ಟಾರ್ ನಟ ನಟಿಯರೆಲ್ಲಾ ಮದುವೆ, ನಿಶ್ಚಿತಾರ್ಥ ಅಂತ ಬ್ಯುಸಿಯಾಗಿದ್ದಾರೆ. ಇತ್ತೀಚೆಗಷ್ಟೇ ವಿಭಿನ್ನ ಸಿನಿಮಾಗಳಲ್ಲಿ ನಟಿಸಿ ಗಮನ ಸೆಳೆಯುವ ಬಾಲಿವುಡ್ ನಟ ರಾಜ್ಕುಮಾರ್ ರಾವ್ ತನ್ನ ಬಹುಕಾಲದ ಗೆಳತಿ ಹಾಗೂ ನಟಿಯೂ ಆಗಿರುವ ಪತ್ರಲೇಖಾ ಜೊತೆ ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರೆ. ಇನ್ನೊಂದೆಡೆ ಕತ್ರಿನಾ ಕೈಫ್ ಹಾಗೂ ವಿಕ್ಕಿ ಕೌಶಾಲ್ ಮದುವೆ ತಯಾರಿ ಜೋರಾಗಿ ನಡೆಯುತ್ತಿದೆ. ಈ ಮಧ್ಯೆ ಆಲಿಯಾ ಭಟ್ ಹಾಗೂ ರಣ್ಬೀರ್ ಕಪೂರ್ ನಿಶ್ಚಿತಾರ್ಥದ ಬಗ್ಗೆನೂ ಸುದ್ದಿ ಹರಿದಾಡುತ್ತಿದೆ.
ಆಲಿಯಾ ಭಟ್ ಹಾಗೂ ರಣ್ಬೀರ್ ಕಪೂರ್ ಬಾಲಿವುಡ್ ಲವ್ಬರ್ಡ್ಸ್ ಅನ್ನುವುದು ರಹಸ್ಯವಾಗಿ ಉಳಿದಿಲ್ಲ. ಮೊದಲು ಕದ್ದು ಮುಚ್ಚಿ ಓಡಾಡುತ್ತಿದ್ದ ಜೋಡಿ ಈಗ ರಾಜಾ ರೋಷವಾಗೇ ಮದುವೆ, ಡೇಟಿಂಗ್ ಕ್ಯಾಮರಾ ಮುಂದೆ ಕಾಣಿಸಿಕೊಳ್ಳುತ್ತಿದೆ. ಸದ್ಯ ಇಬ್ಬರೂ ಎಂಗೇಜ್ ಆಗಲಿದ್ದಾರೆ ಅನ್ನುವ ಮಾತು ಬಾಲಿವುಡ್ನಲ್ಲಿ ಓಡಾಡುತ್ತಿದೆ.
ಇದೇ ನವೆಂಬರ್ನಲ್ಲಿ ಆಲಿಯಾ-ರಣ್ಬೀರ್ ನಿಶ್ಚಿತಾರ್ಥ
ಕಳೆದೊಂದು ವರ್ಷದಿಂದ ಬಾಲಿವುಡ್ನಲ್ಲಿ ಆಲಿಯಾ ಭಟ್ ಹಾಗೂ ರಣ್ಬೀರ್ ಕಪೂರ್ ಮದುವೆ ವಿಷಯ ಕೇಳಿ ಬರುತ್ತಲೇ ಇದೆ. ಇನ್ನೇನು ಮದುವೆ ಆಗೇ ಬಿಟ್ರು ಅನ್ನುವಷ್ಟು ಸುದ್ದಿಗಳು ಹಬ್ಬಿದ್ದವು. ಕಳೆದ ವರ್ಷ ಡಿಸೆಂಬರ್ನಲ್ಲೇ ಈ ಜೋಡಿ ವೈವಾಹಿಕ ಜೀವನಕ್ಕೆ ಕಾಲಿಡುತ್ತೆ ಅಂತಲೇ ಬಾಲಿವುಡ್ ಮಾತಾಡಿಕೊಂಡಿತ್ತು. ಆದರೆ, 2022 ಡಿಸೆಂಬರ್ ಬರುತ್ತಿದೆ. ಆದರೂ ಇಬ್ಬರೂ ಮದುವೆ ಆಗುವ ಬಗ್ಗೆ ಮಾತಾಡುತ್ತಿಲ್ಲ. ಆದರೆ, ಇದೇ ತಿಂಗಳಲ್ಲಿ ಇಬ್ಬರೂ ಎಂಗೇಜ್ ಆಗಲಿದ್ದಾರೆ ಎಂಬ ಗಾಳಿಸುದ್ದಿ ಹರಿದಾಡುತ್ತಿದೆ.
ಆಲಿಯಾ ಭಟ್ ಹಾಗೂ ರಣ್ಬೀರ್ ಕಪೂರ್ ರಾಜಸ್ಥಾನದಲ್ಲಿ ನಿಶ್ಚಿತಾರ್ಥ ಮಾಡಿಕೊಳ್ಳಿದ್ದಾರಂತೆ. ನವೆಂಬರ್ 21ಕ್ಕೆ ಮುಹೂರ್ತ ಫಿಕ್ಸ್ ಮಾಡಿದ್ದು, ರಣ್ವೀರ್ ಕಪೂರ್ ಇದೇ ಕಾರಣಕ್ಕೆ ರಾಜಸ್ಥಾನಕ್ಕೆ ಇತ್ತೀಚೆಗೆ ಭೇಟಿ ನೀಡಿದ್ದಾರೆ ಎನ್ನಲಾಗುತ್ತಿದೆ. ಆಲಿಯಾ ಗೆಳತಿ ಅನುಷ್ಕಾ ರಂಜನ್ ಮದುವೆ ವೇಳೆನೇ ಆಲಿಯಾ, ರಣ್ಬೀರ್ ಕೂಡ ನಿಶ್ಚಿತಾರ್ಥ ಮಾಡಿಕೊಳ್ಳಲಿದ್ದಾರೆ ಎಂಬ ಸುದ್ದಿ ಹರಿದಾಡುತ್ತಿದೆ.
ರಣ್ಬೀರ್ ಮಾಜಿ ಗರ್ಲ್ಫ್ರೆಂಡ್ ಕತ್ರಿನಾ ಕೈಫ್ ಮದುವೆಗೂ ಮುನ್ನ ನಿಶ್ಚಿತಾರ್ಥ
ರಣ್ಬೀರ್ ಕಪೂರ್ ಮಾಜಿ ಗೆಳತಿ ಬಾಲಿವುಡ್ ಸೆನ್ಸೇಷನ್ ಕತ್ರಿನಾ ಕೈಫ್ ಡಿಸೆಂಬರ್ನಲ್ಲಿ ವಿವಾಹವಾಗುತ್ತಿದ್ದಾರೆ. 'ಉರಿ' ಸಿನಿಮಾದ ನಾಯಕ ನಟ ವಿಕ್ಕಿ ಕೌಶಾಲ್ ಜೊತೆ ಡಿಸೆಂಬರ್ ಮೊದಲ ವಾರದಲ್ಲಿ ವೈವಾಹಿಕ ಜೀವನಕ್ಕೆ ಕಾಲಿಡುತ್ತಿದ್ದಾರೆ. ರಾಜಸ್ಥಾನದಲ್ಲಿ ಡಿಸೆಂಬರ್ 7 ರಿಂದ 12ರ ವರೆಗೆ ಈ ವಿವಾಹ ಸಂಭ್ರಮ ಜರುಗಲಿದ್ದು, ಈಗಾಗಲೇ ಭರ್ಜರಿ ತಯಾರಿ ನಡೆಯುತ್ತಿದೆ ಎನ್ನಲಾಗಿದೆ. ಈ ಮಧ್ಯೆ ಮಾಜಿ ಗೆಳತಿ ಕತ್ರಿಕಾ ಕೈಫ್ ವಿವಾಹಕ್ಕೂ ಮುನ್ನವೇ ರಣ್ಬೀರ್ ಕಪೂರ್ ಆಲಿಯಾ ಜೊತೆ ನಿಶ್ಚಿತಾರ್ಥ ಮಾಡಿಕೊಳ್ಳಲು ಮುಂದಾಗಿದ್ದಾರೆ ಅನ್ಉವ ಸುದ್ದಿ ಬಾಲಿವುಡ್ನಲ್ಲಿ ಬೇಜಾನ್ ಸದ್ದು ಮಾಡುತ್ತಿದೆ.
ರಣ್ಬೀರ್ ರಾಜಸ್ಥಾನಕ್ಕೆ ಭೇಟಿ ಕೊಟ್ಟಿದ್ದೇಕೆ?
ರಣ್ಬೀರ್ ಕಪೂರ್ ಇತ್ತೀಚೆಗೆ ನಿಶ್ಚಿತಾರ್ಥದ ತಯಾರಿ ಮಾಡಲೆಂದೇ ರಾಜಸ್ಥಾನ ಹೋಗಿ ಬಂದಿದ್ದಾರೆ ಅಂತ ಹೇಳಲಾಗುತ್ತಿದೆ. ಆದರೆ, ನವೆಂಬರ್ 21ರಂದೇ ಆಲಿಯಾ ಗೆಳತಿ ಹಾಗೂ ಬಾಲಿವುಡ್ ನಟಿ ಅನುಷ್ಕಾ ರಂಜನ್ ಅವರ ವಿವಾಹವೂ ನಡೆಯಲಿದೆ. ಹೀಗಾಗಿ ಆಲಿಯಾ ಹಾಗೂ ರಣ್ಬೀರ್ ಕಪೂರ್ ಇಬ್ಬರೂ ಮುಂದೆ ನಿಂತು ಗೆಳತಿಯ ಮದುವೆ ನಡೆಸಿಕೊಡಲಿದ್ದಾರೆ. ಹೀಗಾಗಿ ಪೂರ್ವ ತಯಾರಿ ಹೇಗಿದೆ ಎಂದು ನೋಡಲು ರಣ್ಬೀರ್ ಕಪೂರ್ ರಾಜಸ್ಥಾನಕ್ಕೆ ಹೋಗಿದ್ದರು ಅನ್ನುವ ಮಾತು ಕೂಡ ಬಾಲಿವುಡ್ನಲ್ಲಿ ಹರಿದಾಡುತ್ತಿದೆ. ಆಲಿಯಾ ಭಟ್ ರಣ್ಬೀರ್ ಕಪೂರ್ ಮದುವೆ ನೋಡಲು ಇಡೀ ಬಾಲಿವುಡ್ ಕಾದು ಕೂತಿದೆ. ಆದರೆ, ಈ ಜೋಡಿ ಮಾತ್ರ ಇನ್ನೂ ವಿವಾಹದ ವಿಚಾರದಲ್ಲಿ ಕಣ್ಣಾಮುಚ್ಚಾಲೆ ಆಡುತ್ತಲೇ ಇದೆ.