ತಾಜಾ ವಿವಾದದ ಸುಳಿಯಲ್ಲಿ ಬೀಜ ಬೀಜ ಹಾಡು

ಬೋರ್ಡ್ ಆಕ್ಷೇಪಕ್ಕೆ ಚೈತನ್ಯ ಸಿಡಿಮಿಡಿ

ನಿರ್ದೇಶಕ ಚೈತನ್ಯ ಅವರು ಸೆನ್ಸಾರ್ ಬೋರ್ಡ್ ಆಕ್ಷೇಪಕ್ಕೆ ಸಿಡಿಮಿಡಿ ವ್ಯಕ್ತಪಡಿಸಿದ್ದಾರೆ. ಹಾಡುಗಳಲ್ಲಿ ದೇವರ ಹೆಸರು ಬಳಸುವುದು ಹೊಸದೇನಲ್ಲ. ಅಲ್ಲದೆ, ಶಿವನ ಹೆಸರು ಪ್ರಸ್ತಾಪವಾಗಿರುವುದು ಯಾವುದೇ ಧಾರ್ಮಿಕ ಭಾವನೆಯನ್ನು ಕೆಣಕುವುದಿಲ್ಲ ಎಂದಿದ್ದಾರೆ.

ತಮ್ಮನ್ನೇ ಏಕೆ ಟಾರ್ಗೆಟ್ ಮಾಡಿಕೊಂಡಿರುವುದು?

ಶಿವನ ಹೆಸರು ಬಳಸಿರುವ ಅನೇಕ ಹಾಡುಗಳಿವೆ. ಆದರೆ, ತಮ್ಮನ್ನೇ ಏಕೆ ಟಾರ್ಗೆಟ್ ಮಾಡಿಕೊಂಡಿರುವುದು ಎಂದು ಚೈತನ್ಯ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ದೇವರ ಹೆಸರನ್ನೇನೋ ಬಳಸುತ್ತಾರೆ, ಆದರೆ, ಇಂಥ ಪ್ರಚೋದನಾತ್ಮಕ ಹಾಡುಗಳಲ್ಲಿ ಬಳಸಲಾಗಿದೆಯಾ? ಎಂಬುದು ಪ್ರಶ್ನೆ.

ಸೆನ್ಸಾರ್‌ಗೆ ಬಗ್ಗಿದ ಚೈತನ್ಯ

ಸೆನ್ಸಾರ್ ಮಂಡಳಿಯ ಆಕ್ಷೇಪಕ್ಕೆ ಸ್ವಲ್ಪ ತಗ್ಗಿರುವ ಚೈತನ್ಯ, ಹಾಡಿನಲ್ಲಿ ಬಳಸಲಾಗಿದ್ದ ಶಿವ ಪದದ ಬದಲಾಗಿ ಜೀವ ಎಂಬ ಪದ ಬಳಸಲು ನಿರ್ಧರಿಸಿದ್ದಾರಂತೆ. ಆದರೆ, 'ಶಂಭೋ ಶಿವ ಶಿವ, ಬಂಬಂ ಭಂಗಿ ಶಿವ' ಎಂಬ ಲೈನಿನಲ್ಲಿ ಶಿವ ಬದಲಾಗಿ ಜೀವ ಬಳಸಿದರೆ ಅರ್ಥ ಬರುತ್ತಂತಾ? ಶಂಭೋ ಶಂಕರನೇ ಹೇಳಬೇಕು.

ಜನವರಿಯಲ್ಲಿ ತೆರೆಯ ಮೇಲೆ ಪರಾರಿ

ವಿವಾದವೇನೇ ಇರಲಿ ಸದ್ಯದಲ್ಲೇ ಶುಭಾ ಮುದ್ಗಲ್ ಹಾಡಿರುವ ಈ ಮಾದಕ ಹಾಡನ್ನು ದೂರದರ್ಶನಗಳಿಗೂ ಬಿಡುಗಡೆ ಮಾಡಲು ಚೈತನ್ಯ ಸಿದ್ಧತೆ ನಡೆಸಿದ್ದಾರೆ. ಕಾಮಿಡಿ ವಿತ್ ಥ್ರಿಲ್ಲರ್ ಚಿತ್ರ ಜನವರಿ ಕೊನೆಗೆ ಬಿಡುಗಡೆಯಾಗುವ ಸಾಧ್ಯತೆಯಿದೆ. ಅಂದ ಹಾಗೆ, ಅದ್ಭುತವಾದ ಸುಶ್ರಾವ್ಯವಾದ ಗೀತೆಗಳನ್ನು ನೀಡಿರುವ ನಾಗೇಂದ್ರ ಪ್ರಸಾದ್ ಇಂಥ ಹಾಡೇಕೆ ಬರೆದರು?

ಯುವ ಹೃದಯಗಳಿಗೆ ಮಾತ್ರ

ಶಕ್ತಿ ಮೂವೀಸ್ ವಲ್ಡ್‌ವೈಡ್ ನಿರ್ಮಿಸುತ್ತಿರುವ ಈ ಚಿತ್ರದ ಪ್ರಮುಖ ಭೂಮಿಕೆಯಲ್ಲಿ ಶುಭಾ ಪೂಂಜಾ, ಜಾಹ್ನವಿ ಕಾಮತ್, ಶ್ರವಂತ್ ರಾವ್, ಬುಲೆಟ್ ಪ್ರಕಾಶ್, ಸಾಧು ಕೋಕಿಲಾ ಮುಂತಾದವರಿದ್ದಾರೆ. ಚಿತ್ರವನ್ನು ಚೈತನ್ಯ ನಿರ್ದೇಶಿಸಿದ್ದಾರೆ. ಈ ಚಿತ್ರ ಯುವ ಹೃದಯಗಳಿಗೆ ಮಾತ್ರ ಎಂದು ಅವರು ಹೇಳಿದ್ದಾರೆ.

ಪರಾರಿ ಚಿತ್ರದ ಕಥೆಯೇನು?

ಜೀವನ ಎಂಜಾಯ್ ಮಾಡಬೇಕು ಯೌವನಕ್ಕೆ ಕಾಲಿಟ್ಟು ಮೂವರು ಹುಡುಗರು, ಯೌವನವನ್ನು ಪರೀಕ್ಷೆಗೆ ಒಡ್ಡುವ ಹುಮ್ಮಸ್ಸಿನಲ್ಲಿ, ಲವ್ವಲ್ಲಿ ಬಿದ್ದು, ಕುಮಾರತ್ವ ಕಳೆದುಕೊಳ್ಳಬೇಕೆಂಬ ಧಾವಂತದಲ್ಲಿ ತೊಂದರೆಗೆ ಸಿಲುಕಿಕೊಳ್ಳುವುದೇ ಚಿತ್ರದ ಕಥಾನಕ. ಅದು ತೆರೆಯ ಮೇಲೆ ಹೇಗೆ ಬರುತ್ತದೆ ಎಂಬುದನ್ನು ಕಾದುನೋಡಬೇಕು.