'ಡಿಯರ್ ಕಾಮ್ರೇಡ್' ಮೊದಲ ದಿನದ ಕಲೆಕ್ಷನ್ ರಿಪೋರ್ಟ್

ಆಂಧ್ರ-ತೆಲಂಗಾಣದಲ್ಲಿ ಕಾಮ್ರೇಡ್ ಕಲರವ

ಆಂಧ್ರ ಪ್ರದೇಶ ಮತ್ತು ತೆಲಂಗಾಣ ರಾಜ್ಯಗಳಲ್ಲಿ ಡಿಯರ್ ಕಾಮ್ರೇಡ್ ಸಮಾಧಾನಕಾರ ಮೊತ್ತ ಗಳಿಸಿದೆ. ಮೊದಲ ದಿನ ಒಟ್ಟಾರೆ 10.2 ಕೋಟಿ ಗಳಿಸಿದ್ದು, ನೆಟ್ ಕಲೆಕ್ಷನ್ 7.48 ಕೋಟಿಯಂತೆ. ಈ ಹಿಂದೆ ತೆರೆಕಂಡಿದ್ದ ನೋಟಾ ಸಿನಿಮಾ ಒಟ್ಟಾರೆ 12.1 ಕೋಟಿ ಹಾಗೂ ನೆಟ್ ಗಳಿಕೆ 6.8 ಕೋಟಿ ಎಂದು ವರದಿಯಾಗಿತ್ತು. ಅದಕ್ಕೆ ಹೋಲಿಸಿಕೊಂಡರೆ ಡಿಯರ್ ಕಾಮ್ರೇಡ್ ಯಶಸ್ಸು ಕಂಡಿದೆ.

ಯುಸ್ ನಲ್ಲಿ ದೇವರಕೊಂಡ ಕಮಾಲ್

ಆಂಧ್ರಪ್ರದೇಶ ಮತ್ತು ತೆಲಂಗಾಣ ಬಿಟ್ಟರೇ ಡಿಯರ್ ಕಾಮ್ರೇಡ್ ಚಿತ್ರಕ್ಕೆ ಹೆಚ್ಚು ಗಳಿಕೆ ತಂದು ಕೊಟ್ಟಿದ್ದು ಯುಎಸ್ ರಾಷ್ಟ್ರದಲ್ಲಿ. ಯುಎಸ್ ನಲ್ಲಿ ದೇವರಕೊಂಡ ಸಿನಿಮಾ 3.2 ಕೋಟಿ ಗಳಿಸಿದೆ. ಈ ಹಿಂದೆ ನೋಟಾ ಸಿನಿಮಾ 1.85 ಕೋಟಿ ಆದಾಯ ಮಾಡಿತ್ತು.

ಕರ್ನಾಟಕ ಗಳಿಕೆ ಎಷ್ಟು?

ಕನ್ನಡದಲ್ಲೂ ಡಿಯರ್ ಕಾಮ್ರೇಡ್ ಸಿನಿಮಾ ತೆರೆಕಂಡಿತ್ತು. ಆದರೆ, ಕನ್ನಡಕ್ಕಿಂತ ಮೂಲ ಭಾಷೆ ತೆಲುಗಿನಲ್ಲಿ ಸಿನಿಮಾ ನೋಡಲು ಜನರು ಆಸಕ್ತಿ ತೋರಿದ್ದಾರೆ. ವರದಿಗಳ ಪ್ರಕಾರ ಕರ್ನಾಟಕದಲ್ಲಿ ಮೊದಲ ದಿನ ಡಿಯರ್ ಕಾಮ್ರೇಡ್ ಸಿನಿಮಾ ಒಟ್ಟಾರೆ ಗಳಿಸಿದ್ದು 1.3 ಕೋಟಿ (ನಟೆ ಗಳಿಕೆ 72 ಲಕ್ಷ) ಎನ್ನಲಾಗಿದೆ.

ಒಟ್ಟಾರೆ ವರ್ಲ್ಡ್ ವೈಡ್ ಗಳಿಕೆ?

ಇದನ್ನ ಬಿಟ್ಟು ಉಳಿದ ಭಾಷೆಗಳಲ್ಲಿ ಡಿಯರ್ ಕಾಮ್ರೇಡ್ ಸಿನಿಮಾ 3.2 ಕೋಟಿ ಎಂದು ಅಂದಾಜಿಸಲಾಗಿದೆ. ಇಂಟರ್ ನ್ಯಾಷನಲ್ ಬಿಸಿನೆಸ್ ಟೈಮ್ಸ್ ವರದಿ ಮಾಡಿರುವ ಪ್ರಕಾರ ಡಿಯರ್ ಕಾಮ್ರೇಡ್ ಸಿನಿಮಾದ ವರ್ಲ್ಡ್ ವೈಡ್ ಗಳಿಕೆ 17.9 ಕೋಟಿ ಎನ್ನಲಾಗಿದೆ. ಇನ್ನು ಪ್ರಿ-ರಿಲೀಸ್ ನಲ್ಲೇ ಹೆಚ್ಚು ಗಳಿಕೆ ಕಂಡಿದ್ದು 34 ಕೋಟಿ ವರೆಗೂ ಬಿಸಿನೆಸ್ ಮಾಡಿದೆಯಂತೆ.