ಧ್ರುವ ಸರ್ಜಾ ಕೈಯಲ್ಲಿದ್ದ ದೊಡ್ಡ ಪ್ರಾಜೆಕ್ಟ್ ನಿಂತೋಯ್ತಾ.!

'ಭರ್ಜರಿ' ನಂತರ 'ಹಯಗ್ರೀವ'.!

'ಭರ್ಜರಿ' ಚಿತ್ರದ ನಟ ಧ್ರುವ ಸರ್ಜಾ 'ಹಯಗ್ರೀವ' ಚಿತ್ರದಲ್ಲಿ ಅಭಿನಯಿಸಬೇಕಿತ್ತು. ಈ ಚಿತ್ರವನ್ನ ನಂದ ಕಿಶೋರ್ ನಿರ್ದೇಶನ ಮಾಡಬೇಕಿತ್ತು. ಆದ್ರೀಗ, ಈ ಸಿನಿಮಾ ನಿಂತಿದೆ ಎಂಬ ಸುದ್ದಿ ಹೊರಬಿದ್ದಿದೆ.

ಚಿತ್ರ ನಿಲ್ಲಿಸಲು ಕಾರಣವೇನು?

'ಹಯಗ್ರೀವ' ದೊಡ್ಡ ಪ್ರಾಜೆಕ್ಟ್. ಈ ಚಿತ್ರಕ್ಕಾಗಿ ನಟ ಧ್ರುವ ಸರ್ಜಾ ವೈಯಕ್ತಿಕವಾಗಿ ಸಿದ್ದತೆ ಮಾಡಿಕೊಳ್ಳಬೇಕಿದೆ. ಆದ್ರೆ, ಇನ್ನು 'ಭರ್ಜರಿ' ಸಿನಿಮಾ ಬಿಡುಗಡೆಯಾಗಿಲ್ಲ. ಈ ಚಿತ್ರದ ಪ್ರಮೋಷನ್ ನಲ್ಲಿ ಭಾಗಿಯಾಗಬೇಕಿದೆ. ಇಷ್ಟೆಲ್ಲಾ ಬಿಜಿಯಾಗಿರುವ ಧ್ರುವ ತಮ್ಮ ಪಾತ್ರಕ್ಕೆ ಸಿದ್ದವಾಗಲು ಸಾಧ್ಯವಾಗುತ್ತಿಲ್ಲ. ಅದಕ್ಕೆ ಸಮಯ ಬೇಕಾಗಿದೆ ಎಂಬ ಕಾರಣಕ್ಕೆ ಸ್ಥಗತಿಗೊಳಿಸಲಾಗಿದೆ ಎನ್ನಲಾಗಿದೆ.

ಹಾಗಿದ್ರೆ, ಧ್ರುವ ಮುಂದಿನ ಸಿನಿಮಾ

ಸದ್ಯ 'ಹಯಗ್ರೀವ' ಚಿತ್ರವನ್ನ ಕೈಬಿಟ್ಟಿರುವ ನಟ ಧ್ರುವ ಸರ್ಜಾ ಮತ್ತು ನಿರ್ದೇಶಕ ನಂದ ಕಿಶೋರ್ ಮತ್ತೊಂದು ಸಿನಿಮಾವನ್ನ ಶುರು ಮಾಡಲಿದ್ದಾರೆ.

'ಪೊಗರು' ಶುರು

ನಂದ ಕಿಶೋರ್ ಮತ್ತು ಧ್ರುವ ಸರ್ಜಾ ಜೋಡಿಯಲ್ಲಿ 'ಪೊಗರು' ಎಂಬ ಮತ್ತೊಂದು ಸಿನಿಮಾ ಮಾಡಲಿದ್ದಾರೆ. ಸೆಪ್ಟಂಬರ್ 20 ರಿಂದ ಈ ಚಿತ್ರದ ಚಿತ್ರೀಕರಣ ಆರಂಭವಾಗಲಿದೆಯಂತೆ

'ಹಯಗ್ರೀವ' ಕಥೆಯೇನು?

ನಿರ್ದೇಶಕ ನಂದ ಕಿಶೋರ್ ಅವರು ಸದ್ಯಕ್ಕೆ 'ಹಯಗ್ರೀವ' ಚಿತ್ರವನ್ನ ನಿಲ್ಲಿಸಿದ್ದಾರೆ. ಆದ್ರೆ, ಬೇರೆ ನಾಯಕ ನಟನ ಜೊತೆ ಈ ಚಿತ್ರವನ್ನ ಮಾಡಲಿದ್ದಾರಂತೆ. ಇದಕ್ಕಾಗಿ ನಾಯಕನ ಹುಡುಕಾಟ ಕೂಡ ಶುರು ಮಾಡಿದ್ದಾರೆ ಎನ್ನಲಾಗಿದೆ.