'ಬಿಗ್ ಬಾಸ್ ಕನ್ನಡ-4' ಸ್ಪರ್ಧಿಗಳ ಲಿಸ್ಟ್ ನಲ್ಲಿ 'ಇವರ' ಹೆಸರಿದ್ಯಂತೆ.!

ಎಲ್ಲರ ಕಣ್ಣು ಸ್ಪರ್ಧಿಗಳ ಮೇಲೆ....

'ಬಿಗ್ ಬಾಸ್' ಶೋ ಯಶಸ್ಸು ನಿಂತಿರುವುದೇ ಅದರಲ್ಲಿ ಭಾಗಿಯಾಗುವ ಸ್ಪರ್ಧಿಗಳ ಆಯ್ಕೆ ಮೇಲೆ. ರಿಯಾಲಿಟಿ ಶೋನಲ್ಲಿ ಸ್ಪರ್ಧಿಗಳ ಅಸಲಿ ಮುಖವಾಡ ಬಯಲಿಗೆ ಬಂದರಷ್ಟೇ ವಾಹಿನಿಯವರಿಗೆ ಟಿ.ಆರ್.ಪಿ.! [ತೆರೆ ಮರೆಯಲ್ಲಿ 'ಬಿಗ್ ಬಾಸ್' ಕನ್ನಡ ಸೀಸನ್ 4 ಕೆಲಸ ಶುರು!]

ಲಿಸ್ಟ್ ರೆಡಿ ಆಗ್ತಿದೆ.!

ಹಿಂದಿನ ಮೂರು ಸೀಸನ್ ಗಳಲ್ಲಿ ಕಿರುತೆರೆ ಹಾಗೂ ಬೆಳ್ಳಿತೆರೆಯಲ್ಲಿ ಖ್ಯಾತಿ ಪಡೆದವರಿಗೆ ಸ್ಪರ್ಧಿಸುವ ಅವಕಾಶ ನೀಡಲಾಗಿತ್ತು. ಈ ಬಾರಿ ಕೂಡ ಅಂಥವರಿಗೆ ಚಾನ್ಸ್ ಕೂಡುವ ಸಾಧ್ಯತೆ ಹೆಚ್ಚು. ಈಗಾಗಲೇ 'ಬಿಗ್ ಬಾಸ್-4' ಕನ್ಟೆಸ್ಟೆಂಟ್ಸ್ ಲಿಸ್ಟ್ ರೆಡಿಯಾಗುತ್ತಿದ್ದು, ಅದರಲ್ಲಿ 'ಇವರ' ಹೆಸರಿದೆ ಅಂತ ಗುಲ್ಲೆದ್ದಿದೆ.

ಯಾರಪ್ಪಾ ಅವರು?

ಈ ಹಿಂದೆ ಟಿವಿ-9 ಹಾಗೂ ಬಿಟಿವಿ ವಾಹಿನಿಯಲ್ಲಿ ಆಂಕರ್ ಆಗಿದ್ದ ಶೀತಲ್ ಶೆಟ್ಟಿ ಹೆಸರು 'ಬಿಗ್ ಬಾಸ್-4' ಕನ್ಟೆಸ್ಟೆಂಟ್ಸ್ ಲಿಸ್ಟ್ ನಲ್ಲಿ ಇದ್ಯಂತೆ.

ಕಳೆದ ಬಾರಿ ಕೂಡ ಶೀತಲ್ ಶೆಟ್ಟಿ ಹೆಸರು ಕೇಳಿಬಂದಿತ್ತು!

ಹಾಗ್ನೋಡಿದ್ರೆ, 'ಬಿಗ್ ಬಾಸ್-3'ನಲ್ಲೂ ಶೀತಲ್ ಶೆಟ್ಟಿ ಹೆಸರು ಕೇಳಿಬಂದಿತ್ತು. ಕಡೆಗೆ 'ಬಿಗ್' ಮನೆಗೆ ಎಂಟ್ರಿಕೊಟ್ಟವರು ಮಾತ್ರ ಟಿವಿ-9 ವಾಹಿನಿಯ ಆಂಕರ್ ರೆಹಮಾನ್.

ನವೀನ್ ಕೃಷ್ಣ ಹೋಗ್ತಾರಾ?

ನಟ ನವೀನ್ ಕೃಷ್ಣ ಕೂಡ 'ಬಿಗ್ ಬಾಸ್-4'ನಲ್ಲಿ ಭಾಗವಹಿಸುತ್ತಾರೆ ಎಂಬ ಗುಸು ಗುಸು ಕೇಳಿ ಬಂದಿದೆ.

ಕೀರ್ತಿ ಶಂಕರಘಟ್ಟ

'ಕಿರಿಕ್ ಕೀರ್ತಿ' ಹೆಸರಲ್ಲಿ ಫೇಸ್ ಬುಕ್ ನಲ್ಲಿ ಸೆನ್ಸೇಷನ್ ಆಗಿರುವ ಕೀರ್ತಿ ಶಂಕರಘಟ್ಟ ಹೆಸರೂ 'ಬಿಗ್ ಬಾಸ್-4' ಸ್ಪರ್ಧಿಗಳ ಲಿಸ್ಟ್ ನಲ್ಲಿ ಇದ್ಯಂತೆ.

ಕನ್ ಫರ್ಮ್ ಇಲ್ಲ!

ಇವರೆಲ್ಲಾ ಈ ಬಾರಿಯ 'ಬಿಗ್ ಬಾಸ್'ನಲ್ಲಿ ಭಾಗವಹಿಸುತ್ತಾರೆ ಅಂತ ಈಗಲೇ ಹೇಳುವುದು ಕಷ್ಟ. ಸದ್ಯಕ್ಕೆ ಇವರೆಲ್ಲರ ಹೆಸರು ಕೇಳಿಬಂದಿದೆ ಅಷ್ಟೆ. ನಾಳೆ ಚೇಂಜ್ ಆದರೂ ಅಚ್ಚರಿ ಪಡಬೇಡಿ.

ಒಂದಂತೂ ಖಚಿತ

'ಬಿಗ್ ಬಾಸ್-4' ಕಾರ್ಯಕ್ರಮಕ್ಕೆ ಎಂದಿನಂತೆ ಕಿಚ್ಚ ಸುದೀಪ್ ರವರೇ ಹೋಸ್ಟ್.

ಕಲರ್ಸ್ ವಾಹಿನಿಯಲ್ಲೇ ಪ್ರಸಾರ

'ಬಿಗ್ ಬಾಸ್' ಹಕ್ಕುಗಳು 'ಕಲರ್ಸ್ ವಾಹಿನಿ' ಪಾಲಾಗಿರುವ ಕಾರಣ 'ಬಿಗ್ ಬಾಸ್-4' ಕಲರ್ಸ್ ವಾಹಿನಿಯಲ್ಲಿ ಪ್ರಸಾರವಾಗಲಿದೆ.

ನಿಮ್ಮ ಪ್ರಕಾರ ಯಾರು ಇರಬೇಕು?

'ಬಿಗ್ ಬಾಸ್ ಸೀಸನ್ 4'ನಲ್ಲಿ ನಿಮ್ಮ ಪ್ರಕಾರ ಯಾರು ಸ್ಪರ್ಧಿ ಆಗಬೇಕು? ನಿಮ್ಮ ಅಭಿಪ್ರಾಯವನ್ನ ನಮಗೆ ತಿಳಿಸಿ....ಕೆಳಗಿರುವ ಕಾಮೆಂಟ್ ಬಾಕ್ಸ್ ನಲ್ಲಿ....